ချမ်းမြသာစည်တွင် မီးလောင်မှုကြောင့် နေအိမ် ၅ လုံး ပျက်စီးဆုံးရှုံး
Aung Aung Naing
·
September 2, 2018
မန္တလေးတိုင်း ချမ်းမြသာစည် မြို့နယ် မြို့သစ် (၄) ၆၄လမ်း ကံ့ကော်လမ်း (ဃ) ရပ်ကွက် မှာ စက်တင်ဘာ ၂ ရက်နေ့ မနက် ၄ နာရီလောက်က အိမ်ရှင် ဦးခင်မောင်သိန်း အိမ်မှတဆင့် မီးစတင်လောင်ခဲ့ရာ နေအိမ် ၅ လုံး မီးလောင်ဆုံးရှုံးခဲ့ပါတယ်။
“မီး မီး မီး ဆိုတဲ့အသံတွေဆူညံနေမှ ကျမတို့လည်း အလန့်တကြားထကြည့်မိတော့ မီးကတော်တော်များနေပြီး ဘာပစ္စည်းမှမယူလိုက်ရဘူး ဆိုင်ကယ်တစီးပဲ ရလိုက်တယ်။ လက်တော့တွေနဲ့ အဝတ်အစားအိတ်နဲ့ ငွေနည်းနည်းတော့ပါသွားတယ်။ ယူချိန်ကို မရလိုက်ဘူး။ တခါမှလည်း ဒီလိုမကြုံဘူးခဲ့ဘူးတော့ အရမ်းကိုကြောက်မိတယ်လို့ မီးစတင်လောင်ခဲ့တဲ့ အိမ်ဘေးကပ်လျက်မှာ သူငယ်ချင်းကိုး ၉ ယောက်စုပေါင်းနေတာ”လို့ ငှားနေတဲ့ မသန္တာခင်က ပြောပါတယ်။
မန္တလေးတိုင်းမီးသတ်တပ်ဖွဲ့မှူး ဦးသန်းဇော်ဦးက “အခုမီးလောင်တဲနေရာကို လယ်ဗယ် ၂ သတ်မှတ်ပြီး မီးသတ်ကား ၅၀ကျော်နဲ့ မီးသတ်အင်အား သန္ဓေ ၁၅၀၊ အရန် ၅၀ ကျော်နဲ့ စုစုပေါင်း ၂၀၀ ကျော်နဲ့အတူ ရပ်ကွက်သူ ရပ်ကွက်သားတွေ ဝိုင်းဝန်းငြိမ်းသတ်ခဲ့ကြလို့ ကျနော်တို့မီးကို အချိန်မီ ထိန်းသိမ်းနိုင်ခဲ့ပါတယ်။ မီးလောင်ဆုံရှုံးခဲ့ကြတဲ့အိမ်တွေကတော့ ခုလောလောဆယ် ခန့်မှန်းခြေအရ အိမ် ၅ လုံး ကျော်မယ် လို့ ထင်ပါတယ်”လို့ ပြောပါတယ်။
ဆုံးရှုံးမှုတန်ဖိုးအနေနဲ့ ၂၅ သိန်းနီးပါး သတ်မှတ်ထားပြီး မီးလောင်ကျွမ်းရတဲ့ အကြောင်းအရင်းကို စုံစမ်းနေဆဲဖြစ်ပြီး စတင်လောင်ကျွမ်းခဲ့တဲ့ အိမ်ရှင် ဦးခင်မောင်သိန်းကိုတော့ မီးသတ်ဥပဒေအရ ပုဒ်မ ၂၈၅ နဲ့ အရေးယူ ဆောင်ရွက်ထားတယ်လို့ သိရပါတယ်။