ကချင်ပြည်နယ် ၀ိုင်းမော်မြို့နယ်ရှိ ကေအိုင်အေရဲ့ အမာခံတပ်စခန်းတွေဖြစ်တဲ့ ဂီဒုန်နဲ့ လိပ်ပြာကုန်း စခန်းတွေကို တိုက်ခိုက်သိမ်းပိုက်နိုင်ခဲ့တယ်လို့ တပ်မတော်ကာကွယ်ရေး ဦးစီးချုပ်ရုံးက သတင်းထုတ်ပြန်ပါတယ်။ တိုက်ပွဲတွေမှာ မြန်မာတပ်မတော်ဘက်က အရာရှိနဲ့ စစ်သည်တွေ ထိခိုက်သေဆုံးမှုရှိခဲ့သလို  ကေအိုင်အေဘက်ကလည်း သေဆုံးဒဏ်ရာရတာများတယ်လို့ တပ်မတော် သတင်းထုတ်ပြန်ချက် မှာ ဖော်ပြပါတယ်။ ဒီဇင်ဘာ ၁၆ ရက် မနက် ၇ နာရီ ၁၀ မိနစ်လောက်က စပြီး  မြန်မာတပ်မတော်စစ်ကြောင်းတွေက လေကြောင်းနဲ့ လက်နက်ကြီးပစ်ကူရယူပြီး  ကေအိုင်အေ အခိုင်အမာတပ်စွဲထားတဲ့ ဂီဒုန်စခန်းကိုတိုက်ခိုက်ခဲ့တာဖြစ်ပြီး  ပင်မကုန်း ပွိုင့်-၁၁၀၃နေရာကို  နေ့လယ် ၂ နာရီကျော်မှာ သိမ်းပိုက်နိုင်ခဲ့တာလို့ ဆိုပါတယ်။ အလားတူ ဒီဇင်ဘာ ၁၇ ရက် နေ့လယ် ၁၁ နာရီ ၄၅ မိနစ်လောက်မှာလည်း လိပ်ပြာကုန်းစခန်းကိုသိမ်းပိုက်နိုင်ခဲ့ပြီး တိုက်ပွဲတွေအတွင်း ၁၂၀ မီလီမီတာ စိန်ပြောင်းကြီး ၂ လက်အပါအ၀င် လက်နက်မျိုးစုံ ၄၁ လက်နဲ့ ခဲယမ်းပစ္စည်းတွေ သိမ်းဆည်းရမိခဲ့တယ်လို့ဆိုပါတယ်။ ဂီဒုန်စခန်းဟာ ကေအိုင်အေရဲ့ အရေးကြီးစစ်စခန်းတစ်ခုဖြစ်ပြီး ၂၀၁၆ သြဂုတ်လမှာ တပ်မတော်စစ်ကြောင်းတခုက စတင်တွေ့ရှိ တိုက်ခိုက်ခဲ့ရာမှာ ဒီဇင်ဘာ ၁၆ ရက်အထိ ထိတွေ့ တိုက်ပွဲပေါင်း ၄၆ ကြိမ် ဖြစ်ပွားခဲ့တယ်လို့သိရပါတယ်။ ကေအိုင်အို ဒုဥက္ကဋ္ဌ ဗိုလ်ချုပ် ဂွမ်မော်ကတော့ ကချင်အမျိုးသားတွေရဲ့ယုံကြည်မှုနဲ့ ဂီဒေါင်စခန်း လဲလည်လိုက်ရတဲ့အတွက် ၀မ်းမနည်းကြဖို့နဲ့ ၄ လကြာ ခုခံတိုက်ပွဲဆင်နွှဲခဲ့ကြတဲ့ ရဲဘော်ရဲဘက်တွေ ကို လေးစားအသိမှတ်ပြုတယ်လို့ သူ့ရဲ့ ဖေ့စ်ဘွတ်ခ်စာမျက်နှာကနေ ပြောကြားလိုက်ပါတယ်။