၂ဝဝ၈ ဖွဲ့စည်းပုံအောက် ကျင်းပခဲ့သော ဒုတိယအကြိမ်ပါတီစုံ ဒီမိုကရေစီ ရွေးကောက်ပွဲတွင် ပြည်သူတရပ်လုံး မျှော်လင့်နေသည့်အတိုင်း အန်အယ်လ်ဒီပါတီက မဲအများဆုံး၊ ကိုယ်စား လှယ်အများဆုံးဖြင့် မြန်မာ့ရွေးကောက်ပွဲသမိုင်းတွင် မကြုံဖူးအောင် အနိုင်ရ အောင်ပွဲခံခဲ့လေသည်။ ထိုအောင်ပွဲနှင့်အတူ အနိုင်ရပါတီမှာကော ရွေးကောက်ခံ လွှတ်တော်အမတ်များတွင်ပါ  တာဝန်ယူကြရတော့မည်။ လွှတ်တော်ကိုယ်စားလှယ် သို့မဟုတ် လွှတ်တော်အမတ်များအနေဖြင့် သူတို့၏ အနေအထားမှန်ကို နားလည်သဘောပေါက်လျှင် သူတို့ထမ်းဆောင်ရမည့် တိုင်းပြည်တာဝန် အဘယ်မျှကြီးမားကြောင်း သဘောပေါက်ကြပေမည်။ ထိုတာဝန်ကို ကျေပွန်အောင် ထမ်းဆောင်ရမှာကိုလည်း အလေးအနက် စဉ်းစားကြရပေလိမ့်မည်။ စင်စစ်အားဖြင့် လွှတ်တော်အမတ်ဆိုသည်မှာ နိုင်ငံကို အုပ်ချုပ်ဖို့ ပြည်သူက သူတို့ကိုယ်စား ရွေးကောက်တင်မြှောက်ပေးလိုက်သော ပြည်သူ့ကိုယ်စားလှယ်များ ဖြစ်သည်။ တစ်နည်းပြောရလျှင် ပြည်သူက ထိုအမတ်များကို လစာပေးပြီး ခိုင်းလိုက်ခြင်းဖြစ်သည်။ သူတို့ကို ဒီမိုကရေစီနိုင်ငံများ၌ Public Servant ပြည်သူ့အစေခံ၊ တစ်နည်း “ပြည့်စေခံ” များဟု သတ်မှတ်ထား၏။ ထိုလွှတ်တော်အမတ်ခေါ် လွှတ်တော်ကိုယ်စားလှယ်များမှာ လူထုအထက်တွင်မရှိ၊ လူထုကို မခိုင်းရ အနိုင်မကျင့်ရ၊ အမိန့်မပေးရ၊ ညှဉ်းပန်းနှိပ်စက်ခြင်းမပြုရပဲ လူထုလိုအပ်သမျှ တရားဥပဒေအရ ခိုင်းသမျှကို လုပ်ဆောင်ပေးရမည့်သူများဖြစ်သည်။ အစိုးရဆိုတာဘာလဲ။ လွှတ်တော်အမတ်ဆိုတာ ဘာလဲဆိုသော တကယ့်အမှန်တရားနှင့် ဒီမိုကရေစီစနစ်၏ အနက်ဖွင့်ဆိုချက်ကို နားလည်သဘောပေါက်လျှင်၊ တိုင်းပြည်ဖွံ့ဖြိုးတိုးတက်ပြီး ငြိမ်းချမ်းသာယာပေလိမ့်မည်။ ထိုဒီမိုကရေစီစံကို ဆရာကြီးသခင်ဘသောင်းက “ဒီိမိုကရေစီဆိုတာ” စာအုပ်တွင် ဤသို့ ရေးထားပါသည်။ ပြည့်စေခံရွေးပွဲ “ဒီမိုကရေစီတွင် ပြည့်စေခံရွေးကောက်ပွဲ ပြုလုပ်ခြင်းသည် နိုင်ငံတည် ဥပဒေပြုလုပ်ခြင်းနောက် အရေးအကြီးဆုံး အလုပ်ဖြစ်သည်။ ဒီမိုကရေစီကို သဘောမပေါက်ကြသေးသော သူများက ပြည့်စေခံရွေးကောက်ပွဲ ပြုလုပ်ခြင်းကို အရေးကြီးသည်ဟု မထင်ကြ။ တချို့က ပြည့်စေခံ ရွေးကောက်ပွဲကို အမတ်ရွေးပွဲဟု ခေါ်ကြသည်။ အမတ်ဆိုသော စကားမှာ သက်ဦးဆံပိုင်မင်းများခေတ်မှ ဆင်းသက်လာသော စကားဖြစ်သဖြင့် နားယောင်စရာ စကားဖြစ်သည်။ သက်ဦးဆံပိုင်မင်းများနှင့် နယ်ချဲ့အစိုးရများခေတ်တွင် အမတ်ဆို သည်မှာ မင်းများ၊ အစိုးရများ၏ အလိုတော်ကို လိုက်နာဆောင်ရွက်ရသော မင်း၏ အတိုင်ပင်ခံများသာ ဖြစ်သည်။ ဒီိမိုကရေစီနိုင်ငံများတွင် ရွေးကောက်ပွဲကို ( ပြည်သူ့) ကိုယ်စားလှယ်ရွေးပွဲဟု ခေါ်ကြသည်။ ထိုပြည်သူ့ကိုယ်စားလှယ်များမှာ နိုင်ငံသားများက မဲဖြင့် ကိုယ်စားလှယ်လွှဲအပ်ပေးမှသာ ဖြစ်လာနိုင်သည်။ ပြည်သူ့ကိုယ်စားလှယ် ထို့ကြောင့် နိုင်ငံသားများမှာ ထိုကိုယ်စားလှယ်များကို ဖန်ဆင်းလိုက်ကြသူများဖြစ်သည်။ ထိုကိုယ်စားလှယ်များသည် နိုင်ငံသားများ ပြုလုပ်ချင်သော အလုပ်များကို သူတို့၏ ကိုယ်စား ပြုလုပ်ကြရမည်။ ပြည်သူ့ကိုယ်စားလှယ်ဦးရေမှာ နိုင်ငံအကြီးအငယ်လိုက်၍ အနည်းအများရှိသည်။ ထိုသူ တို့သည် နိုင်ငံသားများ၏ ကိုယ်စားအားလုံးလိုက်နာကြဖို့ စည်းကမ်းများကို သတ်မှတ်ကြရသည်။ သူတို့က နိုင်ငံသားတို့ ကိုယ်စားသတ်မှတ်ပေးသော စည်းကမ်းများကို ဥပဒေဟုခေါ်သည်။ ပြည်သူ့ကိုယ်စားလှယ်တို့ ပြုလုပ်သော ဥပဒေကို အားလုံးက လိုက်နာကြရသည်။ အဘယ်ကြောင့် လိုက်နာကြရသနည်းဟုမူ မိမိတို့ ကိုယ်စားလှယ်က ပြုလုပ်သော ဥပဒေသည် မိမိတို့ ကိုယ်တိုင် ပြုသော ဥပဒေပင် ဖြစ်သောကြောင့်တည်း။ ဥပဒေ အရမ်းမလုပ်နိုင် ပြည်သူ့ကိုယ်စားလှယ်တို့၏ အဓိကအလုပ်မှာ ဥပဒေပြုခြင်းဖြစ်သဖြင့် သူတို့အဖွဲ့ကို ယေဘုယျအားဖြင့် ဥပဒေပြုအဖွဲ့ဟု ခေါ်သည်။ ဥပဒေပြုအဖွဲ့သည် ဥပဒေကို အရမ်းမလုပ်နိုင်။ နိုင်ငံတည်ဥပဒေတွင် သတ်မှတ်ပေးထားသော စည်းကမ်းချက်များအတိုင်းသာ လုပ်နိုင်သည်။ ဥပမာ နိုင်ငံတည်ဥပဒေတွင် မည်သူကိုမျှ အရမ်းမသတ်ရဟု ပါရှိနေသဖြင့် နိုင်ငံသားတို့၏ အသက်ကို အရမ်းသတ်ချင်သတ်နိုင်သည်ဆိုသော ဥပဒေမျိုးမလုပ်နိုင်။ ထိုနည်းတူပင် နိုင်ငံတည်ဥပဒေတွင် မည်သူ့ကိုမျှ အရမ်းဖမ်းဆီးချုပ်နှောင်ခြင်း မပြုရဟု ပါရှိသဖြင့် ဖမ်းဆီးချုပ်နှောင်ချင်သူကို အရမ်းဖမ်းဆီးချုပ်နှောင်မည်ဆိုသော ဥပဒေမျိုးလည်း မလုပ်နိုင်။ ထိုမှတစ်ပါး နိုင်ငံတည်ဥပဒေတွင် သတ်မှတ်ထားသည့် လူတို့၏ ပိုင်ရေးပိုင်ခွင့်များကို ထိခိုက် ချိုးဖောက်သည့် ဥပဒေမျိုးများကိုလည်း မလုပ်နိုင်။ နိုင်ငံတည်ဥပဒေက လွတ်လပ်စွာ ပြောဆိုခွင့် ပေးထားသဖြင့် ထိုလွတ်လပ်စွာ ပြောဆိုခွင့်ကို ပိတ်ပင်သော ဥပဒေမျိုးလည်း မလုပ်နိုင်။ အချုပ်တွင် နိုင်ငံသားအားလုံးက နိုင်ငံတည်ဥပဒေတွင် အတိအလင်း သတ်မှတ်၍ ပေးထားသော ရေးပိုင်ခွင့်များကို ထိခိုက်စေမည့် ဥပဒေမှန်လျှင် ဘာမှမလုပ်ပိုင်နိုင်။ ဥပဒေပြုအဖွဲ့၏ အာဏာမှာ နိုင်ငံသားတို့က နိုင်ငံတည်ဥပဒေအရ သတ်မှတ်ပေးထားသည်ထက် မပိုနိုင်။” ဒီမိုကရေစီနိုင်ငံများရှိ လွှတ်တော်အမတ်များမှာ ဤကဲ့သို့သော အမတ်များ ဖြစ်ပါသည်။ လွှတ်တော်ကိုယ်စားလှယ်ရွေးခြင်းမှာ ပြည်သူထံ အလုပ်လျှောက်ခြင်းနှင့် တူလေသည်။ ထိုသို့ အလုပ်လျှောက်၍ ပြည်သူက ရွေးချယ်လိုက်လျှင် ထိုလွှတ်တော်ကိုယ်စားလှယ်သည် ပြည်သူ၏ အခိုင်းအစေ ဖြစ်သွားတော့သည်။ တစ်နည်း ပြည်သူအတွက် အလုပ်လုပ်ပေးရသည့် အလုပ်သမားဖြစ်သွားခြင်းကို ဆိုလိုပါသည်။ ရွေးကောက်ပွဲနှင့် ပတ်သတ်၍လည်း ဆရာကြီးက ဤကဲ့သို့ ရေးထားပြန်ပါသည်။ အုပ်ချုပ်မှု ပြည့်စေခံရွေးခြင်း ဥပဒေပြုမည့် ကိုယ်စားလှယ်များကို ရွေးပြီးနောက် နိုင်ငံကို ကိုယ်ထိလက်ရောက် စောင့်ထိန်းဖို့ (ဝါ) အုပ်ချုပ်ဖို့ ပြည့်စေခံများကို ခန့်ရသည်။ အချို့ ဒီမိုကရေစီနိုင်ငံတွင် နိုင်ငံကို စောင့်ထိန်းဖို့အတွက် သမ္မတ ခေါ် ပြည့်စေခံချုပ်တစ်ယောက်နှင့် လက်ထောက်ပြည့်စေခံချုပ်တစ်ယောက်ကို နိုင်ငံသားတို့က တိုက်ရိုက် မဲပေးပြီး ခန့်ထားသည်။ အချို့ ဒီမိုကရေစီနိုင်ငံတွင် ပြည်သူ့ကိုယ်စားလှယ် (ဥပဒေပြု) အဖွဲ့ဝင်များအား သူတို့ဟာသူတို့ ကြိုက်ရာ ပြည်စေခံချုပ်နှင့် အဖော်တစ်စုကို ခန့်နိုင်ဖို့ အာဏာကို မူလရွေးကောက်စဉ် ကတည်းက လွှဲအပ်ပေးထားသည်။ တိုင်းသူပြည်သားတို့ကသာ အာဏာကိုပိုင်သည် မည်သို့ပင် ပြည့်စေခံချုပ်ကို ရွေးကောက်သည်ဖြစ်စေ အချုပ်အခြာအာဏာကို  ပိုင်သူများမှာ သူလို ကိုယ်လို နိုင်ငံသူနိုင်ငံသားများသာ ဖြစ်သည်။ ပြည့်စေခံချုပ်နှင့်တကွ ပြည့်စေခံအဖွဲ့ (ဝါ) ဝန်ကြီးအဖွဲ့သည် အာဏာရှင်များ မဟုတ်။ နိုင်ငံသူနိုင်ငံသားတို့၏ အစေခံများသာ ဖြစ်သည်။ ဒီိမိုကရေစီမဟုတ်သော နိုင်ငံ (ဝါ) ဒီမိုကရေစီမစစ်သော နိုင်ငံများတွင် ပြည်စေခံတို့က မိမိကိုယ်ကို မိမိတို့ အာဏာရှင်များကဲ့သို့ သဘောထားတတ်ကြသည်။ နိုင်ငံသူ နိုင်ငံသားတို့ကလည်း မသိနားမလည်ခြင်းကြောင့် ပြည်စေခံတို့ကိုပင် အာဏာရှင်များ၊ မင်းများဟု ထင်နေတတ်ကြသည်။ ထို့ကြောင့် နိုင်ငံတစ်ခုခုတွင် ဒီမိုကရေစီရှိသည် မရှိသည်ကို သိလိုလျှင် နိုင်ငံစောင့်ထိန်းမှုအဖွဲ့ (ဝါ) အစိုးရအဖွဲ့ (ဝါ) ဝန်ကြီးများအဖွဲ့သည် ပြည့်စေခံ ကျင့်- ကျင့်မကျင့် ကို ကြည့်ရသည်။ ပြည့်စေခံသည် ရန်သူမျိုးငါးပါး၌မပါ အချုပ်တွင် ဒီမိုကရေစီဝါဒအရဆိုလျှုင် အစိုးရ (ဝါ) နိုင်ငံစောင့်ထိန်းမှုအဖွဲ့သည် နိုင်ငံသူ နိုင်ငံသားတို့၏ အစေခံအဖွဲ့ (ဝါ) ပြည့်စေခံအဖွဲ့သာ ဖြစ်ပြီးလျှင် နိုင်ငံသူနိုင်ငံသားတုိ့သည်သာလျှင် နိုင်ငံ၏ သခင်များ ဖြစ်ကြသည်။ ဤကား တိတိကျကျ မှန်ကန်သော စကားပေတည်း။ ဒီမိုကရေစီနိုင်ငံက ပြည့်စေခံချုပ်ကို သမ္မတဟုခေါ်သည်။ အဓိပ္ပာယ်မှာ ကမ္ဘာဦးသူတို့ မဲဖြင့် တင်မြှောက်ကြသော (ဝါ) သမုတိကြသော(ဝါ) သမုတ်ကြသော သဘောပင်ဖြစ်သည်။ သမ္မတကို အင်္ဂလိပ် လို “ပြီစီဒင်” ဟုခေါ်သည်။ အဓိပ္ပာယ်မှာ ဥက္ကဋ္ဌဖြစ်သည်။ အသင်းဥက္ကဋ္ဌနှင့် အဓိပ္ပာယ်ရော စကားလုံးရော အတူတူပင်ဖြစ်သည်။ ဒီမိုကရေစီနိုင်ငံက သမ္မတတို့သည် မိမိတို့ ကိုယ်ကို မိမိတို့ ရှင်ဘုရင်ကဲ့သို့ အာဏာရှင်ကဲ့သို့ မမှတ်ကြ။ ပြည့်စေခံချုပ်ဟူ၍သာ ဟုတ်မှန်သည့်အတိုင်း မှတ်ကြသည်။ ဒီမိုကရေစီနိုင်ငံက သမ္မတများသည် သူတို့ကိုယ်သူတို့ ပြည်စေခံဟု မှတ်ယူရသည်ကို အင်မတိအင်မတန် ဂုဏ်ယူကြသည်။ ပြည့်စေခံ လုပ်ရသည့် အရသာကိုလည်း များစွာ နှစ်ခြိုက်ကြသည်။ ထို့ကြောင့် သူ့တို့ကို နိုင်ငံသူနိုင်ငံသားတို့က ရန်သူမျိုးငါးပါးအပါအဝင်ဟု မမှတ်ကြဘဲ ချစ်ခင်ကြည်ညိုကြသည်။ ရွေးကောက်ပွဲသည် အရေးအကြီးဆုံးအလုပ် ဒီမိုကရေစီနိုင်ငံများတွင် နိုင်ငံသူနိုင်ငံသားတုိ့သည် မိမိတို့၏ လူ့ဘဝ၊ လူ့ဇာတိ၊ လူ့အဖြစ်ကို မိမိတို့ အသက်ပမာ တန်ဖိုးထားကြ၊ မြတ်နိုးကြသည်။ ထိုနည်းတူ မိမိတို့ အာဏာကို လွှဲပေးပွဲဖြစ်သော သမ္မတ ရွေးပွဲ၊ ပြည်သူ့ကိုယ်စားလှယ်ရွေးပွဲများကိုလည်း အရေးအကြီးဆုံး အလုပ်ဖြစ်သည်ဟု ယူဆကြသည်။ မိမိတို့၏ မဲကိုလည်း မိမိတို့ ပေးလိုသူကိုသာ လွတ်လပ်စွာပေး၍ အဂတိလေးပါးလိုက်စား၍ မဲပေးခြင်းကို မိမိတို့ဘဝကို မိမိတို့ ရောင်းစားသော အလုပ်ကဲ့သို့ စက်ဆုပ်ရွံရှာကြသည်။” ရွေးကောက်ပွဲနှင့် ပတ်သက်၍ ယခုကဲ့သို့ ဆရာကြီးသခင်ဘသောင်းရေးသား ညွှန်ပြ ထားခဲ့သည်ကို ယနေ့လွှတ်တော်အမတ်များ၊ ပါတီစုံဒီမိုကရေစီစနစ်အပေါ် အလေးအနက် ထားသော နိုင်ငံရေးသမားများ၊ လွှတ်တော်နိုင်ငံရေးကို လေးလေးနက်နက် ယုံကြည်သူများသည် စနစ်တကျ လိုက်နာဖို့ သင့်ပေသည်။ ထက်မြက်