အင်ဒိုနီးရှားတွင် မြို့တွင်း လေထုအရည်အသွေး အန္တရာယ်ရှိ အဆင့်ရောက်

ဓာတ်ပုံ - ရိုက်တာ
အင်ဒိုနီးရှားနိုင်ငံ ပေကံဘာရူမြို့က မိဘတွေဟာ အောက်တိုဘာ ၆ ရက်နေ့မှာ သူတို့ရဲ့ မွေးကင်းစ ကလေးတွေကို လေအေးပေးစက်တပ်ထားတဲ့ အစိုးရရုံးတွေဆီကို ရွှေ့ထားခဲ့ကြပါတယ်။ ပေကန်ဘာရူ အုပ်ချုပ်ရေးမှူးရုံးက အသက် ၄ နှစ်ထိ ကလေးတွေကို ရုံးမှာလာထားဖို့ လက်ခံတယ်လို့ ပြောပါတယ်။ မြို့တွင်း လေထုအရည်အသွေးက အန္တရာယ်ရှိတဲ့အဆင့်ကို ရောက်နေပါပြီ။ နိုင်ငံသား ၁ သိန်း ၃ သောင်း ၅ ထောင်ကျော် အသက်ရှူလမ်းကြောင်း ရောဂါတွေ ခံစားနေရကြောင်း သတင်းပို့ထားတယ်လို့ အင်ဒိုနီးရှား ကပ်ဘေး စီမံခန့်ခွဲရေး အေဂျင်စီက ပြောပါတယ်။ အင်ဒိုနီးရှား တောမီးတွေကထွက်တဲ့ မီးခိုးမြူထူတွေ ဒေသတွင်းမှာ မွှန်ထူနေလို့ အိမ်နီးချင်း မလေးရှားနိုင်ငံထဲက ကျောင်းတွေပါ ပိတ်ထားရတာပါ။ မလေးရှားနိုင်ငံမှာ လေထုအရည်အသွေးက မကျန်းမာစေတဲ့ အဆင့်ကို ရောက်နေလို့ အောက်တိုဘာ ၅ ရက်နေ့က စပြီး ကျောင်းအားလုံးနီးပါးကို ၂ ရက် ပိတ်ထားခဲ့ပါတယ်။ စင်ကာပူနိုင်ငံမှာလည်း လေထုညစ်ညမ်းမှု ညွှန်းကိန်းက ၁၅၄ ထိ ရှိနေပါပြီ။ ညွှန်းကိန်း ၁၀၀ နဲ့ အထက်ဟာ မကျန်းမာစေတဲ့ အဆင့်လို့ စင်ကာပူ အမျိုးသား သဘာဝပတ်ဝန်းကျင် အေဂျင်စီက သူ့ရဲ့ အင်တာနက် စာမျက်နှာမှာ ဖော်ပြထားပါတယ်။ မီးခိုးမြူထူတွေကြောင့် စင်ကာပူမှာ ကျင်းပမယ့် ကမ္ဘာ့ဖလား ရေကူးပြိုင်ပွဲ ဗိုလ်လုပွဲစဉ်ကို အောက်တိုဘာ ၃ ရက်နေ့က ဖျက်သိမ်းခဲ့ရပါတယ်။ တောမီးငြှိမ်းသတ်ရေး အိမ်နီးချင်းတွေက ကူညီဖို့ ကမ်းလှမ်းချက်ကိုတော့ အင်ဒိုနီးရှား အစိုးရက ထပ်ခါတလဲလဲ ပယ်ချခဲ့တာပါ။ ကပ်ဘေး စီမံခန့်ခွဲရေး အေဂျင်စီက နိုဝင်ဘာ အစောပိုင်းမှာ မီးငြိမ်းစေရေး မိုးရွာဖို့ မျှော်လင့်တယ်လို့ ပြောပါတယ်။ အင်ဒိုနီးရှား အစိုးရကတော့ အရှေ့တောင်အာရှ နိုင်ငံတွေက အများစုဖြစ်တဲ့ ကုမ္ပဏီ ၂၀၀ ကျော်ကို တောမီးရှို့မှုနဲ့ စစ်ဆေးနေတယ်လို့ ပြောခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up