မလေးရှားနိုင်ငံ၊ ပါဟန်တီရန်ကျွန်း အပန်းဖြေစခန်းမှာ နိုဝင်ဘာ ၉ ရက် ဒီနေ့မနက်ပိုင်းက ဆောက်လက်စ အဆောက်အဦ ပြိုကျပြီး မြန်မာအလုပ်သမား ၄ ဦး အသက်ရှင်လျက် ပိတ်မိနေတယ်လို့ Malay Mail သတင်းမှာ ဖော်ပြပါတယ်။
ပါဟန်တီရန်ကျွန်းမှာရှိတဲ့ အပန်းဖြေစခန်းရဲ့ ဆောက်လက်စ အဆောက်အဦတခုဟာ ဒီနေ့မနက် ၉ နာရီက ပြိုကျခဲ့ပြီး ပြိုကျမှုထဲမှာ မြန်မာအလုပ်သမား ၄ ဦးလည်း ပါဝင်သွားပြီး အသက်ရှင်လျက် မြေမြှုပ်ခံရမှာကို စိုးရိမ်နေတယ်လို့ မလေးအာဏာပိုင်တွေက ပြောပါတယ်။
တီရန်ဂန် မီးသတ်နဲ့ ကယ်ဆယ်ရေးဌာန (JBPM) လက်ထောက်ညွှန်ကြားရေးမှူး မိုဟာမတ်ကာမရာဇမ်က “၇ နာရီ ၃၄ မိနစ်လောက်မှာ အခင်းဖြစ်ပွားတဲ့အကြောင်းကို ပြည်သူ့ဝန်ထမ်းတဦးက ဖုန်းဆက်အကြောင်းကြားခဲ့တဲ့အတွက် မီးသတ်ဌာနကနေ အဖွဲ့တဖွဲ့ကို အခင်းဖြစ်တဲ့နေရာကို စေလွှတ်ခဲ့ပါတယ်။ ကယ်ဆယ်ရေးသမားတွေက အပျက်အစီးတွေကြားကနေ ပိတ်မိနေတဲ့ မြန်မာအလုပ်သမား ၄ ဦးကို ကယ်ဆယ်ဖို့ ကြိုးစားပါတယ်” လို့ ပြောပါတယ်။
မီးသတ်နဲ့ ကယ်ဆယ်ရေးဌာန (JBPM) က K9 ခြေရာခံခွေးနဲ့ လေတပ်သမားတွေကို ကယ်ဆယ်ရေးလုပ်ငန်းမှာ ကူညီနိုင်ဖို့အတွက် မလေးအစိုးရထံမှာ အကူအညီ တောင်းခံပါတယ်။
မလေးရှား မီးသတ်နဲ့ ကယ်ဆယ်ရေးအဖွဲ့တွေဟာ တခြား ဒဏ်ရာရတဲ့ မြန်မာနိုင်ငံသား ၄ ဦး ဆေးကုသမှုခံယူနိုင်ဖို့အတွက် ဆေးရုံကို ချက်ချင်းပို့ဆောင်ပေးခဲ့တယ်လို့ သတင်းမှာ ဖော်ပြထားပါတယ်။
Source-Malay Mail
