စပိန်နိုင်ငံအရှေ့ပိုင်း ဗလန်စီယာဒေသရဲ့ ဂန်ဒီယာ ကမ်းရိုးတန်းမြို့အနီးမှာ နိုဝင်ဘာ ၂ ရက်က တောမီးလောင်ကျွမ်းလို့ အနည်းဆုံး လူ ၃၅၀ လောက်ကို ဘေးလွတ်ရာ ပြောင်းရွှေ့ပေးခဲ့ရတယ်လို့ အာဏာပိုင်တွေက အတည်ပြုပါတယ်။
မွန်တီချယ်ဗိုကျေးရွာအနီးက ဒီတောမီးလောင်ကျွမ်းမှုကို မီးသတ်တပ်ဖွဲ့ဝင် ၃၄ ဦးကျော်နဲ့ ငြှိမ်းသတ်ခဲ့ရာမှာ လေပြင်းတိုက်ခတ်မှုကြောင့် နှောင့်နှေးစေခဲ့တယ်လို့လည်း ဆိုပါတယ်။
ဗလန်စီယာဒေသခံ အစိုးရကတော့ စစ်ဘက်ဆိုင်ရာ အရေးပေါ်တပ်ဖွဲ့ (UME) ရဲ့ အကူအညီကိုပါ ရယူခဲ့တယ်လို့ ပြောပါတယ်။ ဒါ့အပြင် တောမီးငြှိမ်းသတ်နိုင်ရေးအတွက် ဒေသတခုလုံးက မီးသတ်တပ်ဖွဲ့ဝင်တွေကိုပါ စုစည်းထားတယ်လို့ ရိုက်တာသတင်းမှာ ဖော်ပြပါတယ်။
Source/Photo-Reuters