ဖွေ့ထိုင်းပါတီအနိုင်ရအစိုးရ ဖြစ်လာပါက နေ့တွက်လုပ်အားခ တစ်နေ့ကို ဘတ် ၆၀၀ ပေးမယ်လို့ ပါတီမဲဆွယ်စဉ်က ပြည်သူတွေကို ကတိပေးထားပေမဲ့ ကနဦးမှာ ဘတ် ၄၀၀ ကနေ စတင်တိုးမြှင့်ပေးမယ်လို့ ဝန်ကြီးချုပ် ဆေထာ ထဝီးဆင်က ပြောပါတယ်။
နေ့တွက်လုပ်အားခ တိုးမြင့်ပေးဖို့ စက်မှုလက်မှုလုပ်ငန်းရှင် ၊ SME အသေးစားလုပ်ငန်းရှင် ၊ အလုပ်သမားကိုယ်စားလှယ်နဲ့ အစိုးရတို့ သုံးပွင့်ဆိုင်တွေ့ဆုံဆွေးနွေးပြီး Road Map ချကာ ခုလာမယ့် နိုဝင်ဘာနဲ့ ဒီဇင်ဘာလထဲမှာ ပြဋ္ဌာန်းချက်ထုတ်ပြန်မယ်လို့ဆိုပါတယ်။
လာမယ့် ၂၀၂၄ ဇန်နဝါရီ နှစ်ဆန်းပိုင်းမှာ နှစ်သစ်ကူးလက်ဆောင်အနေနဲ့ အနိမ့်ဆုံး နေ့တွက်လုပ်အားခ ဘတ် ၄၀၀ ပေး နိုင်မယ်လို့ မျှော်လင့်ကြောင်း ဝန်ကြီးချုပ်လည်းဖြစ် ဆေထာ ထဝီးဆင်က စက်တင်ဘာ ၁၈ ရက် “ Thairath Forum 2023 ” ဆွေးနွေးပွဲမှာ ပြောကြားပါတယ်။
ဒါ့အပြင် လျှပ်စစ်မီတာခကို မူလ ၁ ယူနစ်လျှင် ၄ ဒသမ ၄၄ ဘတ်ကနေ ၄ ဒသမ ၁၀ ဘတ်ထိ ဒီစက်တင်ဘာလမှာ လျှောချပေးခဲ့ပြီး လျှပ်စစ်ဦးစီးဌာနနဲ့ ထပ်မံဆွေးနွေးတိုင်ပင်ကာ ၃ ဒသမ ၉၉ ဘတ်ထိ လျှော့ချပေးဦးမှာဖြစ်ကြောင်း ၊ ခုလာမယ့်နိုဝင်ဘာလမှာ စတင်အကျုံးဝင်မယ်လို့ ဝန်ကြီးချုပ်က ဆက်ပြောပါတယ် ။
နိုင်ငံ့စီးပွါးရေး GDP ၅ ရာခိုင်နှုန်းထိ တိုးတက်ဖို့ ရည်ရွယ်ထားပြီး ခရီးသွားလုပ်ငန်း ဝင်ငွေတိုး ဖို့အတွက် ပြည်ဝင်ခွင့်ဗီဇာများ ဖြေလျော့ပေးတာ၊ ကမ္ဘာလှည့်ခရီးသွားတွေ ဆွဲဆောင်နိုင်မယ့် လည်ပတ်စရာတွေ ပြင်ဆင်တာတွေ ဆောင်ရွက်မယ်လို့ ဆိုပါတယ်။
ပြည်တွင်းစီးပွါးရေးတိုးမြှင့်ဖို့အတွက် အစိုးရက ပြည်သူတွေရဲ့ ၀င်ငွေတိုးရေးနဲ့ ဝယ်ယူနိုင်စွမ်း အားတိုးမြင့်ရေး နှစ်ခုစလုံးကို လုပ်ဖို့ စီစဉ်နေကြောင်း ၊ ပို့ကုန်ဈေးကွက်သစ်တွေ ဖွင့်လှစ် ပေးခြင်း နိုင်ငံခြားရင်းနှီးမြှုပ်နှံမှုတွေ ပိုမိုဆွဲဆောင်တာအပါအဝင် စီးပွားရေးကို အလုံးစုံ မြှင့်တင်သွားမယ်လို့ ဝန်ကြီးချုပ်က ပြောပါတယ်။
ကိုဗစ်-၁၉ ကာလစီးပွါရေး းထိခိုက်ခဲ့ရတဲ့ SME အသေးစားလုပ်ငန်းတွေကို မြှင့်တင်တာ၊ တောင်သူလယ်သမားတွေရဲ့ အမတော်ကြေးငွေ ၃ နှစ် ဆိုင်းငံ့ပြီး တောင်သူလယ်သမားတွေဟာ ၄ နှစ်အတွင်းမှာ ဝင်ငွေ ၃ ဆတိုးစေရမယ်လို့လည်း ဖွေ့ထိုင်းပါတီအစိုးရ စီးပွားရေးမူဝါဒမှာ ချမှတ်ထားပါတယ်။
ဒါ့အပြင် အသက် ၁၆ နှစ်ပြည့်သူ ထိုင်းနိုင်ငံသားတိုင်းကို ဘတ်ငွေ ၁၀၀၀၀ စီ ဒီဂျစ်တယ်လ် ( Digital wallet ) ငွေဖြည့်ပေးမယ်၊ လာမယ့် ၂၀၂၃ ဧပြီလမတိုင်ခင် ရစေရမယ်လို့လည်း ဖွေ့ထိုင်း ပါတီအစိုးရက ကတိပေးထားပါတယ်။
SOURCE -BANGKOK BIZ NEWS/ THAIRATH
