အာဆီယံ ယူ-၂၃ အမျိုးသားဘောလုံးပြိုင်ပွဲ ပြင်ဆင်မှုအဖြစ် မြန်မာယူ-၂၃ ဘောလုံးအသင်းဟာ ထိုင်းနိုင်ငံ ဘန်ကောက်မြို့မှာ သြဂုတ် ၁၄ ရက် ည ၇ နာရီခွဲက ကူဝိတ် ယူ-၂၃ အသင်းနဲ့ ခြေစမ်းပွဲ ယှဥ်ပြိုင်ကစားခဲ့ရာ ၁ ဂိုး ဂိုးမရှိနဲ့ ရှုံးနိမ့်ခဲ့ပါတယ်။
မြန်မာအသင်းဟာ အာရှအင်အားကြီး ကူဝိတ်အသင်းကို တပွဲလုံး ယှဥ်ကစားနိုင်ခဲ့ပြီး ပွဲပြီးခါနီး မိနစ် ၉၀ နာကျင်အချိန်ပိုမှာ သွင်းယူခဲ့တဲ့ ဆော်လမန်အယ်ဝါဒီရဲ့ သွင်းဂိုးကြောင့်သာ ရှုံးနိမ့်ခဲ့ရတာ ဖြစ်ပါတယ်။
အာဆီယံ ယူ-၂၃ ဖလားပြိုင်ပွဲမှာ မြန်မာယူ-၂၃ လက်ရွေးစင်အသင်းဟာ အုပ်စု က မှာ အိမ်ရှင် ထိုင်း၊ ကမ္ဘောဒီးယား၊ ဘရူနိုင်းတို့နဲ့ တွေ့ဆုံနေပါတယ်။
မြန်မာအသင်းဟာ ထိုင်းအသင်းနဲ့ သြဂုတ် ၁၇ ရက်၊ ကမ္ဘောဒီးယားအသင်းနဲ့ သြဂုတ် ၁၉ ရက်၊ ဘရူနိုင်းအသင်းနဲ့ သြဂုတ် ၂၁ ရက်တို့မှာ ယှဉ်ပြိုင်ရမှာ ဖြစ်ပါတယ်။
ယူ-၂၃ အာဆီယံဖလားပြိုင်ပွဲ အုပ်စု ၃ ခုမှာ ပထမရတဲ့အသင်း ၃ သင်းအပြင် အကောင်းဆုံး ဒုတိယရတဲ့ အသင်းပါ ဆီမီးဖိုင်နယ်ကို တက်ရောက်နိုင်မှာ ဖြစ်ပါတယ်။
မြန်မာယူ-၂၃ အသင်းဟာ ၂၀၂၂ အာဆီယံဖလားပြိုင်ပွဲမှာ အသင်းသားတွေ ကိုဗစ်ကူးစက်မှု ဖြစ်ပွားနေတာကြောင့် ပြိုင်ပွဲကနေ နုတ်ထွက်ခဲ့ပါတယ်။
