တနင်္ဿာရီတိုင်း၊ ထားဝယ်ခရိုင်၊ လောင်းလုံးမြို့နယ်အတွင်းမှာ အမျိုးသမီးတွေဦးဆောင်ပြီး မတ်လ ၂၃ ရက် မနက်ပိုင်းက စစ်အာဏာရှင်စနစ်ဆန့်ကျင်ရေး နှင်းဆီရောင်အမျိုးသမီးထုလှုပ်ရှားမှု ပြုလုပ်ခဲ့ကြပါတယ်။
အဲဒီလှုပ်ရှားမှုမှာ အာဆီယံအနေနဲ့ စစ်အာဏာရှင်တွေဘက်က မရပ်တည်ဘဲ မြန်မာပြည် ပြည်သူလူထုနဲ့အတူရပ်တည်ရေး "Asean: Stand for Democracy, Not for Dictator" ဆိုပြီး တောင်းဆိုခဲ့ကြပါတယ်။
ဒီလှုပ်ရှားမှုကို အမျိုးသမီးတွေဦးဆောင်ပြီးတော့ လောင်းလုံးမြို့နယ်လုံးဆိုင်ရာ အခြေခံပညာကျောင်းသားများသမဂ္ဂနဲ့ လူငယ်တွေ ပူးပေါင်းပါဝင်ခဲ့ကြပါတယ်။
ထားဝယ်ခရိုင်အတွင်း စစ်အာဏာရှင်စနစ်ဆန့်ကျင်ရေး နှင်းဆီရောင်အမျိုးသမီးထုလှုပ်ရှားမှုအား ၂၀၂၁ခုနှစ်၊ သြဂုတ် ၂၈ ရက်နေ့မှာ အမျိုးသမီးတွေဦးဆောင်ပြီး စတင်ပြုလုပ်ခဲ့တာပါ။