စစ်ကိုင်းတိုင်း၊ ဒီပဲယင်းမြို့နယ်မှာ စစ်ကောင်စီတပ်နဲ့ ဒီပဲယင်း PDF တို့ မတ်လ ၄ ရက် မနက် ၅ နာရီလောက်က တိုက်ပွဲဖြစ်ပွားခဲ့ပြီး PDF ၈ ဦး ကျဆုံးသွားပါတယ်။
ဒီပဲယင်းဂဠုန်တပ်တာဝန်ရှိသူတစ်ဦးက "စစ်ကောင်စီတပ်နဲ့ ကျနော်တို့ ဒီပဲယင်း PDFနဲ့ တိုက်ပွဲဖြစ်ပွားခဲ့တယ်။ ကျနော်တို့ PDF ရှိတဲ့စခန်းကို ဝင်ရောက်စီးနင်းခဲ့တယ်။ ကျနော်တို့ လူတွေစုနေတဲ့အချိန်မှာ စခန်းအနောက်ကနေ ဝင်ရောက်စီးခံတာ ခံရတယ်။ အဲဒီမှာ နှစ်ဖက်အပြန်အလှန်ပစ်ခတ်တယ်။ ကျနော်တို့ဘက်က ၈ ဦး ကျဆုံးသွားတယ် ။ စခန်းလည်း မီးရှို့သွားတယ်” လို့ ပြောပါတယ်။
စစ်ကောင်စီက စစ်ကိုင်းတိုင်းအတွင်း မြို့နယ် ၃၃ မြို့နယ်ကို အင်တာနတ်ဖြတ်တောက် သတင်းအမှောင်ချထားပြီး PDFနယ်မြေစိုးမိုးတဲ့နေရာတွေကို အပြင်းအထန် ထိုးစစ်ဆင်နေတာ ဖြစ်ပါတယ်။