၂၀၂၂ ခုနှစ် ဂျာမန်အွန်လိုင်းရုပ်ရှင်ပွဲတော်ကို လာမယ့် ဖေဖော်ဝါရီ ၁၈ ရက်မှာ စတင် ကျင်းပသွားမယ်လို့ သိရပါတယ်။

ဒီပွဲတော်ကတော့ အရှေ့တောင်အာရှဒေသတွင်း ဂျာမန်သံရုံးယဉ်ကျေးမှုဌာန Goethe-Institute ၈ ခုက ပူးပေါင်းစီစဉ်တင်ဆက်တဲ့ ပထမဆုံးဂျာမန်ရုပ်ရှင်ပွဲတော်ဖြစ်ပြီး Goethe-On-Demand အွန်လိုင်းရုပ်ရှင် ပလက်ဖောင်းမှာသာ ကျင်းပသွားမယ်လို့ ဆိုပါတယ်။

ဖေဖော်ဝါရီ ၁၈ ကနေ မတ် ၃၁ ရက်နေ့ထိ ကျင်းပသွားမယ့် ဒီရုပ်ရှင်ပွဲတော်မှာ မှတ်တမ်း ရုပ်ရှင်၊ မှုခင်း၊ နိုင်ငံရေး၊ ဟာသဇာတ်မြူး၊ သမိုင်း၊ ဒရမ်မာ၊ ရိုမန့်စ် အစရှိတဲ့ အမျိုးအစား ရုပ်ရှင် ၁၂ ကား ပြသွားမှာဖြစ်တယ်လို့ ဆိုပါတယ်။

ရုပ်ရှင်ကားတွေကိုတော့ အင်္ဂလိပ်၊ ဗီယမ်နမ်၊ ထိုင်း၊ အင်ဒိုနဲ့ မြန်မာဘာသာ စာတန်းထိုးနဲ့ ကြည့်ရှုနိုင်မှာဖြစ်ကာ ပြသတဲ့ ရုပ်ရှင်တွေကိုတော့ အရှေ့တောင်အာရှဒေသတွေမှာပဲ ကြည့်ရှုနိုင်မှာ ဖြစ်တယ်လို့ ဆိုပါတယ်။၂၀၂၂ ခုနှစ် ဂျာမန်အွန်လိုင်းရုပ်ရှင်ပွဲတော်နဲ့ ပတ်သက်တဲ့ အသေးစိတ် အချက်အလက် တွေကိုတော့ ဖော်ပြပါ ဝက်ဘ်ဆိုက်အင်တာနက် စာမျက်နှာ https://www.goethe.de/ins/mm/my/kul/sup/kino-fest.html ပေါ်ကတဆင့် ဝင် ရောက် လေ့လာနိုင်မှာ ဖြစ်ပါတယ်။