မောင်ဆောင်းခအမှု စက်တင်ဘာ ၄ ရက်နေ့ အပြီးသတ်အမိန့်ချမည် (ဓာတ်ပုံ)
DVB
·
August 21, 2020
ရန်ကုန်မြို့၊ ဆူးလေးတံတားပေါ်မှာ “အင်တာနက်ဖြတ်တောက်မှုအလိုမရှိ” စာသားပါ ဗွီနိုင်းတွေ ချိတ်ဆွဲ ဆန္ဒထုတ်ဖော်ခဲ့တယ်ဆိုပြီး ငြိမ်းစုစီဥပဒေပုဒ်မ ၁၉ နဲ့ တရားစွဲဆိုထားတဲ့ မောင်ဆောင်းခအမှုကို စက်တင်ဘာ ၄ ရက်နေ့ အပြီးသတ်အမိန့်ချမယ်လို့ သိရပါတယ်။
ရခိုင်ပြည်နယ်ရှိ မြို့နယ်အချို့နဲ့ ချင်းပြည်နယ်၊ ပလက်ဝမြို့နယ်တို့မှာ ၂၀၁၉ ခုနှစ်၊ ဇွန်လ ၂၁ ရက်နေ့ စတင်ပြီး အစိုးရက အင်တာနက်ဖြတ်တောက်ထားရာ ၂၀၂၀ ပြည့်နှစ် ဇွန် ၂၁ ရက်နေ့မှာ တစ်နှစ်ပြည့်မြောက်ခဲ့ပါတယ်။
အင်တာနက်ဖြတ်တောက်မှု ၁ နှစ်ပြည့်တဲ့ ဇွန် ၂၁ ရက်က ဆူးလေးတံတားပေါ်မှာ “အင်တာနက်ဖြတ်တောက်မှု အလိုမရှိ” စာသားပါ ပိတ်စတွေ ချိတ်ဆွဲ ဆန္ဒထုတ်ဖော်ခဲ့တယ်ဆိုပြီး မောင်ဆောင်းခအပါအဝင် ငါးဦးကို ကျောက်တံတား မြို့မရဲစခန်းက ငြိမ်းစုစီဥပဒေပုဒ်မ ၁၉ နဲ့ တရားစွဲဆိုခဲ့တာပါ။
AA အဖွဲ့ရဲ့ ထိုးစစ်ဆင်တိုက်ခိုက်မှုနဲ့ တိုက်ပွဲတွေ ပိုမိုပြင်းထန်လာတာကြောင့် အစိုးရအနေနဲ့ လုံခြုံရေးနှင့်တရားဥပဒေစိုးမိုးရေးအတွက် ပဋိပက္ခဖြစ်ပွားရာ ရခိုင်ပြည်နယ် ၈ မြို့နယ်နဲ့ ချင်းပြည်နယ်ရှိ မြို့နယ် ၁ မြို့နယ်တို့မှာ အင်တာနက်ဝန်ဆောင်မှုတွေကို ယာယီဖြတ်တောက်ထားဖို့ ၂ဝ-၆-၂ဝ၁၉ ရက်မှာ ဆက်သွယ်ရေး ဝန်ကြီးဌာနက ညွှန်ကြားချက်ထုတ်ပြန်ခဲ့တာလည်း ဖြစ်ပါတယ်။
Photo - Ye Myo Khant / MPA
