မြန်မာအမျိုးသား လေကြောင်း (MNA)က လေယာဉ်မှူးကြီးနဲ့ လေယာဉ်အဖွဲ့သားတွေကို နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဂုဏ်ပြုမှတ်တမ်းလွှာ ပေးပို့ ချီးမြှင့်ခဲ့ပါတယ်။ ထူးချွန်စွာ တာဝန်ထမ်းဆောင်ခဲ့ကြတာကြောင့် လေယာဉ်မှူးကြီးနဲ့ အဖွဲ့သားတွေကို အခုလို ချီးမြှင့်တာဖြစ်ပြီး အခမ်းအနားကို မနေ့က နေပြည်တော်ရှိ Horizon Lake View Resort မှာ ကျင်းပခဲ့ပါတယ်။ လေယာဉ်အမှုထမ်း ခုနစ်ဦးနဲ့ ခရီးသည် ၈၂ ဦး ပါဝင်တဲ့ မြန်မာ အမျိုးသားလေကြောင်းလိုင်းမှ လေယာဉ်အမှတ် XY-AGQ၊ Embraer 190 ခရီးသည်တင် လေယာဉ်၊ ခရီးစဉ်အမှတ် (ယူဘီ-၁၀၃) ဟာ မေ ၁၂ ရက် မနက်ပိုင်းက ရန်ကုန်က မန္တလေးကို ပျံသန်းလာရာ မန္တလေးအပြည်ပြည်ဆိုင်ရာ လေဆိပ်အဆင်းမှာ ရှေ့ဘီးချမရတဲ့ ဖြစ်စဉ် ဖြစ်ပွားခဲ့ပါတယ်။ ဒါပေမယ့် ခရီးသည်တွေ တစုံတရာ ထိခိုက်ဒဏ်ရာရရှိမှုမရှိဘဲ လေယာဉ်ပျက်စီးဆုံးရှုံးမှု အနည်းငယ်နဲ့ မြေပြင်ကို အန္တရာယ်ကင်းရှင်းစွာ ဆင်းသက်နိုင်ခဲ့သောကြောင့် အခုလို ဂုဏ်ပြုချီးမြှင့်တာပါ။ အခမ်းအနားမှာ နိုင်ငံတော်၏ အတိုင်ပင်ခံပုဂ္ဂိုလ် ကိုယ်စား ပြည်ထောင်စု အစိုးရအဖွဲ့ရုံးဝန်ကြီးဌာန ပြည်ထောင်စုဝန်ကြီး ဦးမင်းသူက ယူဘီ-၁၀၃ ခရီးစဉ် အရေးပေါ်ဖြစ်စဉ် ဖြစ်ပွားခဲ့ပေမယ့် လေယာဉ်မှူးကြီးနဲ့ လေယာဉ်အဖွဲ့သားတွေက ခရီးသည်တွေကို တစုံတရာ ထိခိုက်မှု မရှိစေဘဲ အန္တရာယ်ကင်းရှင်းစွာ ဆင်းသက်နိုင်အောင် ဆောင်ရွက်နိုင်ခဲ့တာကြောင့် နိုင်ငံတော်၏ အတိုင်ပင်ခံပုဂ္ဂိုလ်က ဂုဏ်ပြုမှတ်တမ်းလွှာ လက်မှတ်ရေးထိုး ဂုဏ်ပြုချီးမြှင့်တာဖြစ်ကြောင်း ပြောပါတယ်။ ပို့ဆောင်ရေးနှင့် ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးသန့်စင်မောင်က လေယာဉ်မှူးကြီးရဲ့ ဆုံးဖြတ်မှုနဲ့ လေယာဉ်အဖွဲ့သားတွေရဲ့ တည်ငြိမ်စနစ်ကျခဲ့မှုကြောင့် ခရီးသည်တွေ ဘေးအန္တရာယ် ကင်းရှင်းကာ လေယာဉ်ထိခိုက်ဆုံးရှုံးမှု အနည်းငယ်သာ ဖြစ်ပေါ်ခဲ့ပါကြောင်း၊ ခရီးသည်တွေကလည်း လေယာဉ်မှူးကြီးနဲ့ လေယာဉ်အဖွဲ့သားတွေရဲ့ လမ်းညွှန် အကြံပြုမှုတွေကို ယုံကြည်စွာ ဆောင်ရွက်ခဲ့လို့ ဘေးအန္တရာယ်ကင်းရှင်းစွာ ဆင်းသက်နိုင်ခဲ့တာလို့ ပြောပါတယ်။ နိုင်ငံတော်၏ အတိုင်ပင်ခံပုဂ္ဂိုလ်က ချီးမြှင့်တဲ့ ဂုဏ်ပြုမှတ်တမ်းလွှာကို ပြည်ထောင်စုဝန်ကြီး ဦးမင်းသူက လေယာဉ်မှူးကြီး ဦးမြတ်မိုးအောင်၊ တွဲဖက် လေယာဉ်မှူး ဦးကောင်းဆက်လင်းနဲ့ ဦးမျိုးသီဟအောင်၊ အကြီးတန်း လေယာဉ်မယ် ဒေါ်ချယ်ရီမြင့်၊ လေယာဉ်မယ် ဒေါ်ကေဂျာဆန်အောင်၊ ဒေါ်ခိုင်ဇာလင်းနဲ့ ဒေါ်ဥမ္မာ အောင်တို့ထံ ပေးအပ်ချီးမြှင့်ခဲ့ပါတယ်။ သတင်းဓာတ်ပုံ - MOI