ရန်ကုန်မြို့တော်စည်ပင် ကော်မတီဝင် ၆ နေရာစလုံး အန်အယ်လ်ဒီ အနိုင်ရ
အာကာ
·
April 1, 2019
မတ်လ ၃၁ရက်က ကျင်းပပြီးစီးသွားတဲ့ ရန်ကုန်စည်ပင်ရွေးကောက်ပွဲမှာ မြို့တော် စည်ပင်သာယာရေး ကော်မတီဝင်အဆင့် ၆ နေရာစလုံးကို အန်အယ်လ်ဒီပါတီ ကိုယ်စားပြု ကိုယ်စားလှယ်လောင်းတွေက ရွေးချယ်ခံခဲ့ရပါတယ်။
ကိုယ်စားလှယ်လောင်းတွေရဲ့ မဲရလဒ်ကို ရွေးကောက်ပွဲကော်မရှင်က ဒီနေ့ မွန်းလွဲ ၂နာရီခွဲမှ ကြေညာခဲ့တာပါ။
ရန်ကုန်စည်ပင်ရွေးကောက်ပွဲမှာ မြို့တော် ကော်မတီဝင် ၆နေရာကို ကိုယ်စား လှယ်လောင်း ၂၇ ဦးက ဝင်ရောက်ယှဉ်ပြိုင်ခဲ့ကြတာဖြစ်ပြီး ရွေးချယ်ခံရတဲ့ ၆ ဦးထဲက တဦးဟာ ဒုမြို့တော်ဝန်အဖြစ် ရွေးကောက်ခံရမှာဖြစ်ပါတယ်။
ရန်ကုန်တိုင်း မြို့နယ် ၃၃ မြို့နယ်အတွက် မြို့နယ်အဆင့် စည်ပင်ကော်မတီဝင် ၉၉နေရာရွေးချယ်ရာမှာလည်း ၈၄နေရာကို အန်အယ်လ်ဒီပါတီ ကိုယ်စားပြုဝင်ပြိုင်သူတွေကပဲ အနိုင်ရခဲ့ပြီး ၁၅နေရာကိုတော့ တသီးပုဂ္ဂလ ကိုယ်စားလှယ် လောင်းတွေက အနိုင်ရခဲ့ပါတယ်။
ဒါကြောင့် စည်ပင်ရွေးကောက်ပွဲကျင်းပတဲ့ မြို့တော်ကော်မတီ ၆ နေရာနဲ့ မြို့နယ်အဆင့် ကော်မတီနေရာ ၉၉ နေရာ စုစုပေါင်း ကိုယ်စားလှယ်နေရာ ၁၀၅ နေရာမှာ အန်အယ်လ်ဒီ ပါတီ ကိုယ်စားလှယ်တွေက နေရာ ၉၀ ရရှိခဲ့တာဖြစ်ပါတယ်။