ဖဲကြွေးဆပ်ရန် ၃ လသား ကလေးအား ရောင်းစားခဲ့သည့် မိခင်ကို ဖမ်းဆီး
DVB
·
October 20, 2018
ကချင်ပြည်နယ်၊ လွယ်ဂျယ်မြို့မှာ မိခင်အရင်းဖြစ်သူက ဖဲကြွေးဆပ်ဖို့ ၃ လသား ကလေးငယ်ကို တရုတ်ငွေ ယွမ် ၅ဝဝဝ နဲ့ ရောင်းစားခဲ့တာကြောင့် အောက်တိုဘာ ၁၈ ရက်နေ့က အမှုဖွင့် အရေးယူထားတယ်လို့ လွယ်ဂျယ်နယ်မြေရဲစခန်းက သိရပါတယ်။
ဖြစ်စဉ်မှာ လွယ်ဂျယ်မြို့ ရပ်ကွက် ၁ နေ ဦးအေးမင်း (ယာဉ်မောင်းလုပ်ကိုင်သူ) က လွယ်ဂျယ်မြို့ လူကုန်ကူးတားဆီးနှိမ်နင်းရေးရဲတပ်ဖွဲ့ တပ်စိတ် ၂ ရုံးကို လာရောက်ပြီး နေအိမ်အောက်ထပ်မှာ ငှားရမ်းနေထိုင်တဲ့ မမိုးမိုးဟာ သူ့ကလေး ၃ လသားကို ရှမ်းရွာမှာ ယွမ် ၅ဝဝဝ နဲ့ ရောင်းစားခဲ့တယ်လို့ လာရောက်တိုင်ကြားခဲ့တာပါ။
အောက်တိုဘာ ၁၇ ရက်နေ့ ညနေ ၆ နာရီအချိန်လောက်က အိမ်နီးချင်းဖြစ်သူ မမဲသီ (ခ) မနှင်းထံကို မမိုးမိုးက သူ့ကလေးနဲ့အတူ တရုတ်နိုင်ငံ လားရင်းမြို့ရှိ ယွမ် ၂ဝ တန်ဆိုင်မှာ ဈေးဝယ်စဉ် တရုတ်မတဦးက ထိန်းထားမယ်ပြောပြီး ခေါ်ဆောင်ထွက်ပြေးသွားတယ်လို့ ပြောကာ ဖုန်းချသွားတယ်၊ ည ၉ နာရီမှာ မမိုးမိုးတို့လင်မယား သူ့ဆီရောက်နေကြောင်း မမဲသီ ဖုန်းပြန်ဆက်လို့ ည ၁၂ နာရီမှာ ကိုယ်တိုင်အိမ်ကိုခေါ်လာပြီး အောက်ထပ်မှာ ပြန်အိပ်စေခဲ့တယ်၊ မနက် ၃ နာရီခွဲအချိန်ရောက်တော့ မမိုးမိုးထွက်ပြေးသွားတာကြောင့် အိမ်ရှင် ဦးအေးမင်းက တိုင်ကြားခဲ့တာပါ။
ရဲတပ်ဖွဲ့က လွယ်ဂျယ်-ဗန်းမော်သွားလမ်းရှိ စိန်လုံ ပူးပေါင်းစစ်ဆင်ရေးဂိတ်ကို ဆက်သွယ်ရှာဖွေရာမှာ ည ၉ နာရီလောက် ဗန်းမော်စတား ခရီးသည်တင်ယာဉ်ပေါ် မမိုးမိုးကို ဖမ်းဆီးရမိခဲ့တယ်လို့ သိရပါတယ်။
မမိုးမိုးရဲ့ ထွက်ဆိုချက်အရ တရုတ်မှာ ဖဲရှုံးပြီးကြံရာမရတဲ့အတွက် ၃ လသား ကလေးကို တုန်ဟုန်းကျေးရွာရှိ ဦးရာပါအင်+ဒေါ်ပီကြည်ထံ ရောင်းချခဲ့ကြောင်း စစ်ဆေးပေါ်ပေါက်ခဲ့ပါတယ်။
ကလေးရောက်နေတဲ့ တုန်ဟုန်းကျေးရွာဟာ KIA ထိန်းချုပ်နယ်တွင်းရှိပြီး တရုတ်နိုင်ငံ နောင်ဟုန်းကျေးရွာနဲ့ နယ်မြေထိစပ်နေတဲ့အတွက် ကလေးငယ်အား ပြန်လည်ကယ်တင်ဖို့ တရုတ်နိုင်ငံ လားရင်း ရဲတပ်ဖွဲ့အကူအညီနဲ့ နောင်ဟုန်းကျေးရွာမှာ ညှိနှိုင်းခဲ့ရာ ညနေ ၅ နာရီမှာ ကလေးကို ပြန်လည်ရရှိခဲ့ပြီး လွယ်ဂျယ်ရုံးတပ်ဖွဲ့စိတ်မှူး ဒုရဲမှူး အောင်လှိုင်က မောင်သုတအောင်ကို ဖခင်ဖြစ်သူထံ ပြန်လည်အပ်နှံပေးခဲ့ပါတယ်။
သားအရင်းအား ရောင်းစားခဲ့တဲ့ မမိုးမိုးကို လူကုန်ကူးမှု တားဆီးနှိမ်နင်းရေး ဥပဒေပုဒ်မ ၂၄ အရ အရေးယူဆောင်ရွက်ထားတယ်လို့ သိရပါတယ်။
သတင်း-ခင်သန်းညွန့်