ကန်ရေပြင် အတိမ်အနက်ကို ကြာရိုးကြာစွယ်နဲ့ တိုင်းတာကြသလို နိုင်ငံတနိုင်ငံရဲ့ တိုးတက်မှုကိုလည်း စာပေနဲ့ တိုင်းတာကြတယ်လို့ ဆိုရိုးရှိခဲ့တယ်။ ဒီလိုပါပဲ။ စာပေပြန့်ပွားစည်ပင်မှုကိုလည်း စာကြည့်တိုက်နဲ့ တိုင်းတာကြရပါတယ်။    စာကြည့်တိုက်ကို နိုင်ငံရှိ လူထုက အဘယ်မျှလောက်ထိ အားကိုးအားထားပြုသလဲ။ ဘယ်လို အသုံးချခဲ့ကြသလဲဆိုတာ အလွန်အရေးပါတဲ့ အချက်ပါ။ လွတ်လပ်ရေးခေတ် နောက်ပိုင်းမှာလည်း စာကြည့်တိုက်ဟာ လွတ်လပ်တဲ့ အသင်းအပင်း အဖွဲ့အစည်းအဖြစ် ရပ်တည်ခွင့်ရှိခဲ့ပါတယ်။ စာကြည့်တိုက် အုပ်ချုပ်ရေးအဖွဲ့တွေကပဲ ကြီးကြပ်လုပ်ဆောင်ခဲ့ကြတာပါ။ ဒီလိုလုပ်ဆောင်ရာမှာ စာကြည့်တိုက် အမျိုးအစားအရ လုပ်ဆောင်ကြရတာတွေလည်း ရှိပါတယ်။ စာကြည့်တိုက်အမျိုးအစားကို အကြမ်းခွဲကြည့်ရင် ၁။ အမျိုးသားစာကြည့်တိုက်၊ ၂။ တက္ကသိုလ်စာကြည့်တိုက်၊ ၃။ ပြည်သူ့စာကြည့်တိုက်၊ ၄။ အထူးစာကြည့်တိုက်နဲ့ ၅။ နယ်လှည့်စာကြည့်တိုက်တို့ပါပဲ။ အမျိုးသားစာကြည့်တိုက်ကတော့ တမျိုးသားလုံးနဲ့ဆိုင်တဲ့ အဓိက အချက်အချာ အကျဆုံးပဲ။ တမျိုးသားလုံး ဂုဏ်သိက္ခာနဲ့ သက်ဆိုင်တယ်။ အစိုးရက တာဝန်ယူပေးရမယ့် စာကြည့်တိုက်မျိုးပါ။ ကျန်စာကြည့်တိုက်တွေကတော့ ပြည်နယ်/တိုင်း အစိုးရအဖွဲ့က ထုတ်ပြန်တဲ့ မူဝါဒအရ၊ စာကြည့်တိုက်အုပ်ချုပ်ရေး ကော်မတီကပဲ တာဝန်ယူကြရပါတယ်။ အမျိုးသားစာကြည့်တိုက် အမျိုးအစားကတော့ တမျိုးသားလုံးနဲ့ သက်ဆိုင်တဲ့အတွက် အစိုးရက တာဝန်ယူပေးရမှာ ဖြစ်သလို ပြည်ထောင်စုအစိုးရက ဥပဒေတရပ်အဖြစ် ပြဋ္ဌာန်းပြီး ဆောင်ရွက်ပေးဖို့ တာဝန်လည်း ရှိနေပါတယ်။ အရင်ခေတ်ကာလတွေမှာ အမျိုးသားစာကြည့်တိုက်ကို လူတိုင်း ဝင်နိုင်ထွက်နိုင် လေ့လာနိုင်သလို စာဖတ်ခွင့် စည်းကမ်းနဲ့အညီ စာအုပ်ငှားခွင့်တွေ ရှိခဲ့ဖူးတယ်။ မြန်မာနိုင်ငံ အမျိုးသားစာကြည့်တိုက်ဟာ ကိုလိုနီခေတ်က ရှိခဲ့တဲ့ ဘားနဒ် အခမဲ့စာကြည့်တိုက်ကို ဆက်ခံခဲ့တာပါ။ ၁၉၆၂ ခုနှစ် စစ်တပ်က အာဏာမသိမ်းယူမီအထိ အမျိုးသားစာကြည့်တိုက်ဟာ စာပေလေ့လာသူ၊ စာဖတ်သူ၊ ကျမ်းပြုသူ၊ သုတေသနပြုသူတွေနဲ့ အလွန်စည်ကားပြီး ဖွံ့ဖြိုးတိုးတက်ခဲ့ပါတယ်။ အဲဒီနောက်ပိုင်းတော့ အမျိုးသားစာကြည့်တိုက်ဟာ တဖြည်းဖြည်း လုံးပါး ပါးလာခဲ့တယ်။ ၁၉၆၄ ခုနှစ်မှာ “စာကြည့်တိုက်၊ ပြတိုက်နှင့် ပြပွဲများ ကြီးကြပ်အုပ်ချုပ်ရေးဥပဒေ” ကို ပြဋ္ဌာန်းခဲ့ပါတယ်။ ဒီပြဋ္ဌာန်းချက်နဲ့အတူ အရင်က ပြဋ္ဌာန်းခဲ့တဲ့ စာကြည့်တိုက် မူဝါဒတွေလည်း ဖျက်သိမ်းခဲ့တယ်လို့ ဆိုပါတယ်။ ဒီဥပဒေ ထုတ်ပြန်လိုက်တာနဲ့ စာကြည့်တိုက်တွေဟာလည်း မှတ်ပုံတင်ကြရတယ်။ တကယ်တော့ ၆၄ ခုနှစ်က ပြဋ္ဌာန်းခဲ့တဲ့ စာကြည့်တိုက်၊ ပြတိုက်၊ ပြပွဲနဲ့ ကြီးကြပ်အုပ်ချုပ်ရေး ဥပဒေဟာ စာကြည့်တိုက်ရှိ စာအုပ်စာရင်းတွေ တောင်းပြီး စာကြည့်တိုက်ကို အစိုးရက ချုပ်ကိုင်လိုက်တာပါပဲ။ အဲဒီကာလတလျှောက်လုံး မြန်မာနိုင်ငံမှာ စာပေမွေ့လျော်သူတွေရဲ့ လိုအပ်ချက်အရ၊    ရပ်ကွက်တွေမှာ စာအုပ်အငှားဆိုင်လေးတွေ ပေါ်လာပြီး ဒီအငှားဆိုင်တွေကပဲ လူထုရဲ့ အသိပညာ လိုအပ်ချက်ကို ဖြည့်ဆည်းပေးခဲ့ရတာ။ အမျိုးသားစာကြည့်တိုက် ဆိုတာလည်း နေရာအတည်တကျ မရှိဘူး။ ခြောက်ထပ်ရုံးရောက်လိုက်၊ မြို့တော်ခန်းမ ရောက်လိုက်။ မြို့တော်ခန်းမထဲဝင်ရင် မှတ်ပုံတင်ပြ၊ အစစ်ဆေးခံရတာက အရင်။ ကြာတော့ အမျိုးသားစာကြည့်တိုက်ဟာ လူထုနဲ့ တဖြည်းဖြည်း ကင်းဝေးသွားလိုက်တာဟာ အခုချိန်ထိပါပဲ။ ဒီအခြေနေတွေကြောင့် DVB Law Lab (ပိုင်းခြားစိတ်ဖြာ ဥပဒေရေးရာ) အစီစဉ်မှာ “အမျိုးသားစာကြည့်တိုက်ဥပဒေ ဘယ်တော့လဲ” ဆိုတဲ့ ခေါင်းစဉ်နဲ့ ဆွေးနွေးတင်ပြဖို့အတွက် ဦးတင့်လွင် (ရန်ကုန်တိုင်းဒေသကြီး လွှတ်တော်ကိုယ်စားလှယ်) နဲ့ ဒေါက်တာကေသီထွေး (ညွှန်/မှူး၊   အမျိုးသားစာကြည့်တိုက်) တို့ကို ဖိတ်ကြားခဲ့ပါတယ်။ အစီအစဉ်တင်ဆက်သူ ဦးခင်သန်းရဲ့ အမေးကိုတော့ ဦးတင့်လွင်က မြန်မာနိုင်ငံက အမျိုးသားစာကြည့်တိုက်ဟာ အာရှမှာ အရှည်ကြာဆုံးနဲ့ အရွှေ့အပြောင်း အများဆုံးပါပဲ။ မပျက်မစီးတဲ့ ပေ၊ ပုရပိုက်တွေနဲ့အတူ မော်ကွန်းတိုက်အဖြစ် ထိန်သိမ်းရတာကြောင့် ဥပဒေတရပ်အနေနဲ့ ပြဋ္ဌာန်းသင့်တယ် ထင်ပါတယ်။ အခုတော့ ဥပဒေကြမ်းအဖြစ် ရောက်ရှိနေပါပြီလို့ ဆိုပါတယ်။ ဒေါက်တာကေသီထွေးကတော့ အခုတော့ ဘဏ္ဍာငွေလည်း ကျနေပြီမို့ ပြင်ဆင်မှုတွေ စနေပါပြီ။ နောက်နှစ်နှောင်းပိုင်းလောက်ဆို ဖွင့်နိုင်တော့မှာပါ။ နိုင်ငံတကာပညာရှင်တွေနဲ့ ပူးပေါင်းဆောင်ရွက်နေတာပါ။ အမျိုးသားစာကြည့်တိုက်အတွက် တကယ်လိုအပ်နေတာက ဘဏ္ဍာရေးထောက်ပံ့မှုအပြင် ဥပဒေအရ စာပေပစ္စည်း ရပိုင်ခွင့်ကို ပြဋ္ဌာန်းပေးဖို့ပဲ။ အထူးသဖြင့်ကတော့ ရည်ညွှန်းစာအုပ် မှတ်တမ်းတင်နိုင်ဖို့မှာ ထုတ်ဝေခွင့်ပြုချက်ကို အမျိုးသားစာကြည့်တိုက်က တာဝန်ယူရင် ပိုအဆင်ပြေမယ်လို့ ထင်မြင်ကြောင်း ဆွေးနွေးသွားခဲ့ပါတယ်။ မှန်ပါတယ်။ အမျိုးသားစာကြည့်တိုက်ဆိုတာ ရည်ညွှန်းစာကြည့်တိုက် ဖြစ်တဲ့အပြင် ထုတ်ဝေမှုမှန်သမျှကို စနစ်တကျ စုဆောင်းသိမ်းဆည်း မှတ်တမ်းတင်ရာ ဌာနကြီး ဖြစ်တဲ့အတွက် ထုတ်ဝေသမျှစာအုပ်တိုင်း သူတို့ဆီ အနည်းဆုံး ၃ အုပ်တော့ အခမဲ့ပေးဖို့ လိုအပ်မှာပါ။ ဘတ်ဂျက်ရှိတယ် ဆိုပေမယ့် မလုံလောက်နိုင်ပါဘူး။ ဘယ်စာကြည့်တိုက် အမျိုးအစားမဆို စာအုပ်မရှိဘဲ ဖွင့်လို့မရနိုင်ပါဘူး။ ပြီးတာနဲ့ စာကြည့်တိုက် အသင်းဝင်တွေရှိဖို့ လေ့လာဖတ်ရှုသူရှိဖို့ ဆိုတာတွေဟာ စာကြည့်တိုက် ရှင်သန်ရေးအတွက် လိုအပ်ချက်တခုပါပဲ။ စာကြည့်တိုက် ရှင်သန်ဖွံ့ဖြိုးဖို့ဆိုရင် B သုံးလုံးနဲ့တော့ အနည်းဆုံး ပြည့်စုံဖို့လိုတယ်။ B သုံးလုံးဆိုတာ Book, Brain, Building တို့ပါပဲ။ Brain ဆိုတာကတော့ စာကြည့်တိုက်မှူးရဲ့ စီမံခန့်ခွဲမှုကို ပြောတာ။ စာကြည့်တိုက်မှာ မရှိမဖြစ်က “စာအုပ်” ပါပဲ။ ၁၉၆၂ ခုနှစ်ကစပြီး လူထုနဲ့ ကင်းကွာနေခဲ့တဲ့ အမျိုးသားစာကြည့်တိုက်။ အခုတော့ အမျိုးသားစာကြည့်တိုက်အတွက် အဆောက်အဦ ဆိုတာလည်း ရရှိနေပြီ။ စာကြည့်တိုက် ပညာရှင်တွေကလည်း ရှိနေသလို စာအုပ်အနေအထားကလည်း ရှိသင့်သလောက် ရှိနေပြီမို့ မကြာမီ ကာလတခုအတွင်းမှာ လူထုထံ ပြန်လည်ရောက်ရှိလိမ့်မယ်လို့ မျှော်လင့်စရာတော့ ရှိနေပါပြီ။ ဘာပဲဖြစ်ဖြစ် အတန်ကြာ တိမ်မြုပ်နေခဲ့တဲ့ အမျိုးသားစာကြည့်တိုက် အသက်ပြန်ဝင်လာမှာကို စာချစ်သူတယောက်အနေနဲ့ ကြိုဆိုလိုက်ပါတယ်။ ထွန်းဇော်ဌေး