ဖြူးမြို့နယ်၊ အမြန်လမ်းမကြီးရဲတပ်ဖွဲ့စခန်းအပိုင် အမြန်လမ်းမကြီး မိုင်တိုင်အမှတ် ၁၁၈/၃ နဲ့ ၁၁၈/၄ အကြားတွင် ဒီနေ့ ဇွန် ၂၈ ရက်နေ့ မနက် ၅ နာရီလောက်က ယာဉ်နှစ်စီး တိုက်ခဲ့ပြီး ခရီးသည် ၄ ဦး ဒဏ်ရာရရှိခဲ့တယ်လို့ ဖြူးမြို့နယ် အမြန်လမ်းမကြီး ရဲတပ်ဖွဲ့စခန်းက ပြောပါတယ်။ နေပြည်တော်ဘက်က ရန်ကုန်ဘက်ကို မဟာအောင်မြေမြို့နယ်နေသူ ယာဉ်မောင်း သန့်ဇင်အောင် မောင်းနှင်လာတဲ့ HONDA FIT ကားဟာ အမြန်လမ်းမကြီး မိုင်တိုင်အမှတ် ၁၁၈/၄ အနီးအရောက်မှာ ယာဘက်ရှေ့ဘီးပေါက်ကာ အရှိန်မထိန်းနိုင်ဘဲ လမ်းလယ်ကျွန်းကို ကျော်တက်ပြီး တဖက်ယာဉ်ကြောက ရန်ကုန်ဘက်ကနေ နေပြည်တော်ဘက်ကို မောင်းနှင်လာတဲ့ အဖြူရောင် CALDINA မော်တော်ယာဉ်ကို တိုက်မိခဲ့တာပါ။ ဖြူးမြို့နယ် အမြန်းလမ်းမကြီး ရဲတပ်ဖွဲ့စခန်းမှ တာဝန်ရှိသူတဦးက “HONDA FIT ကားက နေပြည်တော်ဘက်က ရန်ကုန်ဘက်ကို လာတယ်။ ဘီးပေါက်ပြီးတော့ လမ်းလယ်ကျွန်းကို ကျော်ပြီး တဖက်ယာဉ်ကြောကို ရောက်လာတယ်။ အဲဒီမှာ CALDINA က ရန်ကုန်ကနေ နေပြည်တော်ကို သွားတယ်။ အဲဒီမှာ တိုက်မိတာပါ။ ဒဏ်ရာကတော့ ၄ ယောက် ရတယ်။ ဖြူးဆေးရုံကို ပို့ထားပါတယ်။ အသက်အန္တရာယ်တော့ စိုးရိမ်စရာမရှိပါဘူး”လို့ ပြောပါတယ်။ ယာဉ်တိုက်မှုကြောင့် HONDA FIT ယာဉ်ပေါ် လိုက်ပါလာသူ ၃ ဦးအနက်က ၂ ဦး ဒဏ်ရာရရှိခဲ့ပြီး CALDINA ယာဉ်ပေါ် လိုက်ပါလာသူတွေထဲမှာ ၂ ဦး ဒဏ်ရာရှိခဲ့ကြပါတယ်။ ဒဏ်ရာရရှိသူတွေကို ဖြူးမြို့နယ်ပြည်သူ့ဆေးရုံကို ပို့ဆောင်ကုသနေရပြီး အသက်အန္တရာယ်တော့ စိုးရိမ်စရာမရှိဘူးလို့ ဖြူးမြို့နယ် အမြန်လမ်းမကြီးရဲတပ်ဖွဲ့စခန်းက ပြောပါတယ်။ ဖြစ်စဉ်နဲ့ပတ်သက်ပြီး ယာဉ်မဆင်မခြင်မောင်းနှင်သူ HONDA FIT ယာဉ်မောင်း သန့်ဇင်အောင်ကို ယာဉ်(ပ)၁၅/၂၀၁၇ ရာဇသတ်ကြီးပုဒ်မ ၃၃၇/၃၃၈ အရ အမှုဖွင့် အရေးယူဆောင်ရွက်နေတယ်လို့ ဖြူးမြို့နယ် အမြန်လမ်းမကြီးရဲတပ်ဖွဲ့စခန်းက ပြောပါတယ်။ သတင်း - ကျော်အောင် (ကညွတ်ကွင်း)