ထိုင်းနိုင်ငံ ပထုန်ဌာနီခရိုင်တွင် မြန်မာအလုပ်သမားများ ဖမ်းဆီးခံရ (ရုပ်သံ)
DVB
·
May 18, 2017
ထိုင်းနိုင်ငံ အလယ်ပိုင်း နခွန်းပထုန်နဲ့ ပထုန်ဌာနီ ခရိုင်ထဲမှာ အလုပ်ရုံတွေကို ရှောင်တခင် ၀င်ရောက်စစ်ဆေးရာမှာ မြန်မာအလုပ်သမားတွေ ဖမ်းဆီးခံခဲ့ရပါတယ်။
နခွန်းပထုန်ခရိုင်ဝန်ရဲ့ ညွှန်ကြားချက်အရ ခရိုင်လူကုန်ကူးမှုတားဆီးနှိမ်နင်းရေးအဖွဲ့နဲ့ တရားမ၀င် အလုပ်သမား ဖမ်းဆီးနှိမ်နင်းရေးအဖွဲ့ဟာ မေ ၁၇ ရက်နေ့ နေ့ခင်းပိုင်းက နခွန်း ပထုန်ခရိုင် နခွန်းချိုင်းဆီမြို့နယ်ရှိ စက်မှုဇုန်ကို ၀င်ရောက်စစ်ဆေးရာမှာ အလုပ်သမားတွေ ကစဥ့်ကလျား ထွက်ပြေးကြကြောင်း၊ တာဝန်ရှိသူတွေ လိုက်လံဖမ်းဆီးရာမှာ အလုပ်သမား ၁၄ ဦးကိုသာ ဖမ်းမိခဲ့တယ်လို့ နခွန်းချိုင်းဆီရဲစခန်း တာဝန်ကျရဲအရာရှိမှ သတင်းထောက်တွေကို ပြောပါတယ်။
အဆိုပါ ၁၄ ဦးမှာ မြန်မာနိုင်ငံသားတွေဖြစ်ပြီး အလုပ်သမားကတ်လည်းမရှိ၊ ထိုင်းနိုင်ငံထဲ နေထိုင်ခွင့်အထောက်အထားလည်း မရှိတာကြောင့် သူတို့ကို တရားမ၀င် ၀င်ရောက်မှု၊ ခွင့်ပြုချက် မရှိဘဲ အလုပ်ဝင်လုပ်မှုတွေနဲ့ အရေးယူသွားမှာဖြစ်ကြောင်း၊ ဒါ့အပြင် အထောက်အထား မရှိသူတွေကို လက်ခံပြီး မှီခိုခွင့်ပြုထားတဲ့ အလုပ်ရှင်ကိုလည်း အရေးယူသွားမယ်လို့ ထိုင်းရဲအရာရှိက ပြောသွားပါတယ်။
ပြီးခဲ့တဲ့ မေလ ၁၆ ရက်နေ့ကလည်း ထိုင်းနိုင်ငံ အလယ်ပိုင်း ပထုန်ဌာနီခရိုင် ပထုန်ဌာနီမြို့မှာ မြန်မာအလုပ်သမား ၁၂ ဦး အဖမ်းခံခဲ့ရပါတယ်။
ပထုန်ဌာနီမြို့ ဘန်ပလောက်ရပ်ကွက် ဘန်ဖိုင်လမ်းရှိ ဆောက်လုပ်ရေးလုပ်ငန်းခွင်တခုမှာ တရားမ၀င် အလုပ်သမားတွေ ၀င်ရောက်လုပ်ကိုင်နေကြောင်း ထိုင်းဒေသခံတွေရဲ့ သတင်းပို့ချက် အရ မြို့နယ်အုပ်ချုပ်ရေးရုံး၊ အလုပ်သမားရုံးနဲ့ တာဝန်ရှိသူတွေက ဆောက်လုပ်ရေးအလုပ်သမား တိုက်ခန်းကို သွားရောက်စစ်ဆေးခဲ့ပါတယ်။
အဲဒီတိုက်ခန်းမှာတော့ အလုပ်သမားတွေက ကြည်ဖြူစွာ အစစ်ဆေးခံခဲ့ပြီး အထောက်အထား မပြည့်စုံတဲ့ အလုပ်သမား ၁၂ ဦးကို ဖမ်းဆီးခဲ့ကြောင်း၊ အဆိုပါ ၁၂ ဦးအနက် အလုပ်သမား မှတ်ပုံတင်မရှိသူ ၈ ဦး၊ အလုပ်သမားမှတ်ပုံတင်ရှိပေမယ့် ခွင့်ပြုနယ်မြေပြင်ပမှာလာ လုပ်ကိုင်သူက ၄ ဦးရှိပြီး အားလုံးဟာ မြန်မာနိုင်ငံသားတွေချည်း ဖြစ်တယ်လို့ တရားမ၀င်အလုပ်သမားနှိမ်နင်းရေးအဖွဲ့ခေါင်းဆောင် ဒုရဲမှူး ဘန်းထွန်းဖွန်းဆုခါက သတင်းထောက်တွေကို ပြောသွားပါတယ်။
ကိုးကား - မန်နေဂျာအွန်လိုင်း