စိတ်ကြွရူးသွပ်ဆေးပြားများနှင့် လက်နက်ခဲယမ်းများ ဖမ်းဆီးရမိ
DVB
·
March 21, 2017
တနင်္သာရီတိုင်းဒေသကြီး၊ ရေဖြူမြို့နယ်မှာ မတ်လ ၁၉ ရက်နေ့က စိတ်ကြွရူးသွပ်ဆေးပြားတွေနဲ့ လက်နက်ခဲယမ်းတွေ ဖမ်းဆီးရမိခဲ့တယ်လို့ တပ်မတော်ကာကွယ်ရေးဦးစီးချုပ်ရုံးက ထုတ်ပြန်ပါ တယ်။
မတ် ၁၉ ရက်နေ့ မွန်းလွဲ ၂ နာရီလောက်က ရေဖြူမြို့နယ် ကျောက်ကညာကျေးရွာနေ ညီပုရဲ့ နေအိမ်ကို မြန်မာနိုင်ငံရဲတပ်ဖွဲ့ဝင်တွေနဲ့ ဌာနဆိုင်ရာတာဝန်ရှိသူတွေ ပါဝင်တဲ့ ပူးပေါင်းအဖွဲ့က သတင်းအရ ၀င်ရောက်ရှာဖွေရာ ညီပုနဲ့အတူ ကိုရဲဝဏ္ဏကျော်၊ ဟိန်းသူရဇော်၊ ညီငယ်တို့ကို တွေ့ရှိရပြီး အနီးမှ မူးယစ်ဆေးဝါးသုံးစွဲရာမှာအသုံးပြုတဲ့ ဆက်စပ်ပစ္စည်းတွေနဲ့ WY စာတန်းပါ ပန်းရောင်စိတ်ကြွ ရူးသွပ်ဆေးပြား ၃၁ ပြား(ခန့်မှန်းတန်ဖိုးငွေကျပ် ၁ သိန်းခွဲခန့်)နဲ့ ငွေကျပ် ၅ သိန်းကျော် ဖမ်းဆီးရမိခဲ့တာပါ။
ကွင်းဆက်အရ ညီငယ်ရဲ့ နေအိမ်ကို ဆက်လက်ရှာဖွေရာ နေအိမ်ခြံဝင်းအတွင်းမှ ပစ္စတိုသေနတ် တလက်၊ ၉ မမကျည် ၁၅၇ တောင့်နဲ့ ကျည်အိမ် ၂ ခု၊ ခြောက်လုံးပြူးသေနတ် တလက်နဲ့ ကျည် ၂ တောင့်၊ ပွိုင့်-၂၂ သေနတ် တလက်နဲ့ ကျည် ၈၀၀ တောင့်နဲ့ ကျည်အိမ် ၂ ခု၊ နှစ်လုံးပြူးသေနတ် တလက်နဲ့ ကျည်တတောင့်တို့ကို ထပ်မံတွေ့ရှိသိမ်းဆည်းခဲ့တယ်လို့ သိရပါတယ်။
လက်နက်၊ ခဲယမ်းများ၊ မူးယစ်ဆေးဝါးတွေနဲ့အတူ ဖမ်းဆီးရမိသူတွေကို ရေဖြူမြို့နယ်ရဲစခန်းနဲ့ ကော့သောင်းမြို့မရဲစခန်းတို့မှာ တရားဥပဒေအရ အမှုဖွင့်အရေးယူဆောင်ရွက်နေတယ်လို့ သိရပါ တယ်။
ဓာတ်ပုံ - တပ်မတော်ကာကွယ်ရေး ဦးစီးချုပ်ရုံး
