ဗိုလ်ချုပ်အောင်ဆန်းပုံ ရိုက်နှိပ်ထားသည့် အထူးတံဆိပ်ခေါင်း
DVB
·
March 14, 2017
နိုင်ငံခြားရေးဝန်ကြီးဌာန နှစ် ၇ဝ ပြည့် အထိမ်းအမှတ်အဖြစ် မြန်မာနိုင်ငံရဲ့ ပထမဆုံး နိုင်ငံခြားရေးဝန်ကြီးဖြစ်တဲ့ ဗိုလ်ချုပ်အောင်ဆန်းရဲ့ပုံကို ရိုက်နှိပ်ထားတဲ့ ကျပ် ၅၀၀ တန် အထူးထုတ် စာပို့တံဆိပ်ခေါင်းနဲ့ တံဆိပ်ခေါင်းပါစာအိတ်တို့ကို မတ် ၁၇ ရက်က စတင်ပြီး နိုင်ငံအနှံ့ စာတိုက်အသီးသီးမှာ ရောင်းချပေးမယ်လို့ အစိုးရပြန်ကြားရေးက သတင်းထုတ်ပြန်ထားပါတယ်။
အထူးအစီအစဉ်တရပ်အနေနဲ့ နေပြည်တော်၊ ရန်ကုန်နဲ့ မန္တလေးစာတိုက်ကြီးတွေမှာ မတ် ၁၇ ရက်မှာ ဝယ်ယူတဲ့ စာပို့တံဆိပ်ခေါင်းတွေ၊ တံဆိပ်ခေါင်းပါ စာအိတ်တွေနဲ့ ပထမနေ့စာအိတ် (Firstday Cover) တွေပေါ်မှာ နေ့စွဲအမှတ်အသားတံဆိပ် ရိုက်နှိပ်ပေးမယ်လို့လည်း ဆိုပါတယ်။