ဧရာဝတီတိုင်းဒေသကြီး ဟင်္သာတမြို့နယ်မှာ ဒုတိယနှစ်ကျောင်းသူတဦးထံကနေ ဆွဲကြိုး လုယက်ဖြတ်ပြေးသူကို မိနစ်ပိုင်းအတွင်း ဖမ်းဆီးရမိတယ်လို့ ဟင်္သာတအမှတ် ၁ မြို့မ ရဲစခန်းက ပြောပါတယ်။ မတ်လ ၁ ရက်နေ့ မနက် ၆ နာရီခွဲအချိန်က ဒုတိယနှစ် တက္ကသိုလ်ကျောင်းသူ မဝေဇင်ဖြိုးနဲ့ သူငယ်ချင်းဖြစ်သူ မငြိမ်းငြိမ်းမြတ်တို့ ဟင်္သာတတက္ကသိုလ်ဝင်းထဲ ကံကော်ဆောင်မှကျူရှင်တက်ဖို့ လယ်တီကွင်းရပ်ကွက် ဆုထက်အောင်ကျူရှင်သို့ မြို့ပတ်လမ်းအတိုင်းခြေလျှင် လျှောက်စဉ် သီရိ ၅ လမ်းနဲ့ ၆ လမ်းကြားအရောက်မှာ လမ်းဘေးမှရပ်နေတဲ့ အမျိုးသားတဦး လိုက်ပါလာပြီး မဝေဇင်ဖြိုးရဲ့ ဆွဲကြိုးကို လုယက်ထွက်ပြေးသွားခဲ့တာပါ။ ဟင်္သာတအမှတ်(၁)မြို့မရဲစခန်းသို့ ဆွဲကြိုးလုယက်ထွက်ပြေးသွားတဲ့အတွက် သွားရောက်အမှုဖွင့် တိုင်တန်းခဲ့ပြီး တရားခံဖမ်းဆီးရမိရေးကို ဒုရဲမှူးခင်မောင်ထွန်းနဲ့အဖွဲ့က အခင်းဖြစ်နေရာသို့ သွားရောက်စုံစမ်းစစ်ဆေးခဲ့ပြီးနောက် မိနစ် ၄၀ အတွင်း တရားခံကို ဖော်ထုတ်ဖမ်းဆီးနိုင်ခဲ့တာ ဖြစ်ပါတယ်။ ဟင်္သာတအမှတ်(၁)မြို့မရဲစခန်းက (ပ)၈၀/၂၀၁၇ ရာဇသတ်ကြီးပုဒ်မ ၃၉၂ နဲ့ အမှုဖွင့်အရေးယူ ထားပြီး ဟင်္သာတမြို့ မြ၀တီရပ်ကွက် ရတနာပုံ ၃ လမ်းမှာ နေထိုင်တဲ့ တရားခံဇွဲနောင် ၂၅ နှစ်ကျ ဘန်းအလုပ်လုပ်ကိုင်သူကို ရဲလုပ်ထုန်းလုပ်နည်းတွေနဲ့အညီ ကွင်းဆက်တရားခံရှိမရှိ ဆောင်ရွက် စစ်ဆေးပြီး တရားခံအားဥပဒေနဲ့အညီ ဆက်လက်ဆောင်ရွက်သွားမယ်လို့ အမှုစစ်အရာရှိ ဒုရဲအုပ်မျိုးမင်းက ပြောပါတယ်။ ဟင်္သာတမြို့မှာ အခုလို လုယက်မှုမျိုး ဖေဖော်ဝါရီလက မြို့နယ်ဆည်မြောင်းရိပ်သာနားမှာ ဖြစ်ခဲ့ပြီး အခုချိန်ထိ တရားခံကို မဖမ်းဆီးရမိသေးပါဘူး။ သတင်းနှင့် ဓာတ်ပုံ - ကိုကြက် (ဟင်္သာတ)