Homeမြန်မာသတင်း
ဥပဒေရေးရာနှင့် အထူးကိစ္စရပ်များ လေ့လာဆန်းစစ်ရေးကော်မရှင် ဖွဲ့စည်းရန် လွှတ်တော်တွင် အဆိုပြု
ဥပဒေရေးရာနှင့် အထူးကိစ္စရပ်များ လေ့လာဆန်းစစ်ရေးကော်မရှင် ဖွဲ့စည်းရန် လွှတ်တော်တွင် အဆိုပြု
DVB
·
March 1, 2016
ဥပဒေရေးရာနှင့် အထူးကိစ္စရပ်များ လေ့လာဆန်းစစ်ရေး ကော်မရှင်မှာ ဥက္ကဋ္ဌအဖြစ် သူရဦးရွှေမန်း အပါအ၀င် အဖွဲ့ဝင် ၃၅ ဦးနဲ့ ဖွဲ့စည်းသွားဖုိ့ ဖေဖော်ဝါရီ ၂၉ ရက်နေ့က ကျင်းပတဲ့ ပြည်ထောင်စုလွှတ်တော် အစည်းအဝေးမှာ အဆိုပြုခဲ့ပါတယ်။
ပြည်ထောင်စုလွှတ်တော်က ဖွဲ့စည်းမယ့် အဲဒီကော်မရှင်မှာ အဖွဲ့ဝင်တွေအဖြစ် လွှတ်တော်ကိုယ်စားလှယ် ၄ ဦးနဲ့ ပြင်ပပုဂ္ဂိုလ် ၃၁ ဦး ပါဝင်ပြီး အရင် အစိုးရအဖွဲ့ဝင် အငြိမ်းစား ညွှန်ကြားရေးမှူးတွေ အများဆုံး ပါဝင်ပါတယ်။
ကော်မရှင် ဒု-ဥက္ကဌ ၁ အဖြစ် ရမည်းသင်းမြို့နယ် ပြည်သူ့လွှတ်တော်ကိုယ်စားလှယ် ဦးကိုကိုနိုင်၊ ဒု-ဥက္ကဌ ၂ အဖြစ် အမျိုးသားလွှတ်တော်ကိုယ်စားလှယ် ဒေါက်တာဝင်းမြတ်အေးနဲ့ အတွင်းရေးမှူးအဖြစ် ဦးခင်မောင်ထွန်းတို့ကို တာဝန်ပေးအပ်သွားမှာပါ။
ဒီကနေ့ မတ်လ ၁ ရက်နေ့မှာ ကျင်းပမယ့် ပြည်ထောင်စုလွှတ်တော် အစည်းအဝေးမှာ လွှတ်တော်အဆုံးအဖြတ်ကို ခံယူမှာ ဖြစ်ပါတယ်။