တနိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ်-မူကြမ်း (အန်စီအေ) ကို တိုင်းရင်းသားလက်နက်ကိုင် တော်လှန်ရေးအဖွဲ့တွေရဲ့ ထိပ်သီးခေါင်းဆောင်တွေ အကျေအလည် ဆွေးနွေးခဲ့ကြပြီးနောက် လက်ရှိတိုက်ပွဲဖြစ်နေတဲ့ အဖွဲ့ ၃ ဖွဲ့ ပါဝင်လက်မှတ်ရေးထိုးနိုင်မှသာ လက်မှတ်ထိုးကြဖို့ ဇွန် ၇ ရက်နေ့မှာ ယတိပြတ် ဆုံးဖြတ်ပါတယ်။ ကိုးကန့်၊ တအာင်းပလောင်နဲ့ ရခိုင်တပ်မတော်တို့ ပါဝင်လက်မှတ်ရေးထိုးခွင့် ပြုရမယ်လို့  လော်ခီးလာ တိုင်းရင်းသား ထိပ်သီးခေါင်းဆောင်များ အစည်းအဝေးကနေ ဆုံးဖြတ်ခဲ့တာကြောင့် အစိုးရဘက်က လက်မခံဘူးလို့ ပြောထားတဲ့ ဒီအချက်ကို နှစ်ဘက်တာဝန်ရှိသူတွေ တွေ့ဆုံညှိနှိုင်းကြရမှာ ဖြစ်ပါတယ်။ ဒီဆုံးဖြတ်ချက်ဟာ အစိုးရဘက်က လောလောဆယ်ကိုင်စွဲတဲ့ မူဝါဒအရ ရှေ့တိုးဖို့ ခက်ခဲသွားတယ်လို့ မြန်မာငြိမ်းချမ်းရေးစင်တာ တာဝန်ရှိသူတဦးက ဒီဗွီဘီကို ပြောပါတယ်။ ထိပ်သီးအစည်းအဝေးမှာ ဆုံးဖြတ်အပြီး ဇွန်လ ၇ ရက်နေ့ ညနေမှာ ကျင်းပတဲ့ သတင်းစာရှင်းလင်းပွဲမှာ တပြည်လုံး အပစ်ရပ်စဲရေးဆိုင်ရာ ညှိနှိုင်းရေးအဖွဲ့ (အန်စီစီတီ) မှ  နိုင်ဟံသာက “ဒီနေ့ဆုံးဖြတ်တဲ့ထဲမှာ အပစ်ရပ်ပြီးတော့ နိုင်ငံရေးဆွေးနွေးတဲ့နေရာမှာ သတ်မှတ်ထားတဲ့ အချက်အလက်တွေနဲ့ ပြည့်စုံတဲ့အဖွဲ့တွေ၊ နောက် သူတို့ကိုယ်တိုင် အန်စီအေအပေါ်မှာ လက်ခံတဲ့အဖွဲ့တွေ အားလုံးပါဝင်ရေး တို့လက်ခံထားတယ်။ အဓိကအားဖြင့်ကတော့ ဒီ အန်စီစီတီ အဖွဲ့ဝင်တွေနဲ့ ABSDF (မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး) ကတော့ ဒီမှာ အမြဲတမ်း ဆွေးနွေးညှိနှိုင်းနေတယ် ဆိုတော့ သူတို့ကတော့ အန်စီအေအပေါ်မှာ အားလုံးပြေလည်ပြီးသား ဖြစ်တယ်။ သူတို့က အားလုံးပါဝင်ရေးဆိုတဲ့ မူပေါ်မှာ ရှိနေပြီးသားဖြစ်တယ်။ အထဲက အင်အားစုတွေက အတူတကွ ပါဝင်လက်မှတ်ရေးထိုးပြီးတော့မှ အပစ်အခတ်ရပ်စဲဖို့၊ နောက် နိုင်ငံရေးဆွေးနွေးတဲ့ အခါကျရင်လည်း အတူတူသွားဖို့၊ အဲဒီလို အမြင်ရှိတယ်။ အဲဒီမှာ အားလုံး ဒီမှာ ဆုံးဖြတ်ချက်ချတယ်။ ရှင်းလင်းဖို့ဆိုတဲ့ အပိုင်းမှာတော့ တကယ်လို့ အစိုးရဘက်က စုစုစည်းစည်းရှိနေတဲ့ ဒီအင်အားစုထဲက တချို့အဖွဲ့ကို နောက်ချန်ထားမယ်ဆိုတဲ့ ဟာကိုတော့ ဒီမှာ ဆုံးဖြတ်ကြတယ်လေ။ ဒါကိုတော့ ကျနော်တို့ လက်မခံဘူး။ အားလုံးအတူတကွ ပါဝင်လက်မှတ်ထိုးနိုင်ဖို့ ဆိုတဲ့အပေါ်မှာပဲ ရပ်တည်တယ်” လို့ ပြောပါတယ်။ ဒီထိပ်သီးဆွေးနွေးပွဲ မစတင်ခင် ရက်ပိုင်းတုန်းက ထိုင်းနိုင်ငံ ချင်းမိုင်မြို့ကို လာရောက်တဲ့   ပြည်ထောင်စုငြိမ်းချမ်းရေးဖော်ဆောင်မှု လုပ်ငန်းကော်မတီ ဒု-ဥက္ကဋ္ဌ ဦးအောင်မင်းက အစိုးရနဲ့ အပစ်အခတ်ရပ်စဲရေး လက်မှတ်ထိုးထားတဲ့အဖွဲ့ ၁၆ ဖွဲ့ကို အစိုးရဘက်က တပြည်လုံး အပစ်ရပ်စာချုပ် လက်မှတ်ထိုးတဲ့အခါ အသိအမှတ်ပြု လက်မှတ်ထိုးမှာဖြစ်တယ်လို့ ထပ်မံ အတည်ပြုခဲ့ပြီး ဒီသုံးဖွဲ့ကို လက်မှတ်ရေးထိုးရာမှာ အသိအမှတ်ပြုစာရင်းထဲ မထည့်ထားကြောင်း ဖြေဆိုခဲ့ပါတယ်။ ၁၆ ဖွဲ့ထဲမှာ ကချင်လွတ်လပ်ရေးအဖွဲ့ကို အသိအမှတ်ပြုတယ်လို့ ပြောခဲ့ပါတယ်။ ထိပ်သီးဆွေးနွေးပွဲ ဆုံးဖြတ်ချက်နဲ့ပတ်သက်လို့ မြန်မာနိုင်ငံငြိမ်းချမ်းရေး ပြန်လည် ထူထောင်ရေး လုပ်ငန်းဗဟိုဌာန (Myanmar Peace Center) မှ အပစ်အခတ်ရပ်စဲရေး ညှိနှိုင်းဆွေးနွေးမှု အကောင်အထည်ဖော်ရေးဌာနရဲ့ ဌာနမှူး ဒေါက်တာ မင်းဇော်ဦးကို ဒီအကျပ်အတည်းကို ဘယ်လိုကျော်လွှားနိုင်မလဲလို့ မေးမြန်းတဲ့အခါ လက်ရှိအစိုးရ မူဝါဒအရဆိုရင် ရှေ့ဆက်သွားဖို့ ခက်တယ်လို့ ပြောပါတယ်။ သူက “လောလောဆယ် ကျနော်တို့ သိတာကတော့ အရင်အစိုးရ ပြောထားတဲ့ဟာ ရှိတယ်လေ။ ဒီ ၁၆ ဖွဲ့နဲ့ပဲ အပစ်အခတ်ရပ်စဲရေး ထိုးမယ်ပေါ့။ အစိုးရဘက်က ရှင်းပြတဲ့ ဟာကတော့ ဒီ အရင်တုန်းက လက်နက်ကိုင် အဖွဲ့အစည်းတွေ၊ လှုပ်ရှားနေတဲ့ အဖွဲ့အစည်းတွေ ဒီအဖွဲ့အစည်းတွေနဲ့ အပစ်ရပ်ရတယ်ဆိုတဲ့ဟာက သဘာဝကျတယ်။ အဖွဲ့သစ်တွေဆိုရင်တော့ ဒါမျိုးကို သူတို့အနေနဲ့ မလုပ်နိုင်ဘူး။ နောက်တခုက အထူးသဖြင့် အခုလောလောဆယ် အချက်ထဲက ဒီ ကိုးကန့်ကိစ္စပေါ့နော်။ ကိုးကန့်အဖွဲ့တွေပေါ့။ ကိုးကန့်အဖွဲ့တွေက ၂၀၁၂ လောက်မှ အင်အားတွေ အများကြီးချဲ့လာတယ်။ လက်နက်တွေ အများကြီး စုပြီးတော့ ဒီလိုဖြစ်လာတယ်။ လက်နက်နဲ့ ဖိအားပေးတယ်ဆိုတဲ့ ပုံစံမျိုးလည်း ဖြစ်တယ်ဆိုတဲ့ ဟာမျိုးလည်း စဉ်းစားကောင်း စဉ်းစားမယ်ပေါ့နော်။ ဒါပေမယ့် ကျနော်တို့သိတဲ့ ပေါ်လစီကတော့ ၁၆ ဖွဲ့ပေါ်လစီအတိုင်းပဲ ရှိသေးတယ်။ အဲဒီတော့ ကိုးကန့်တို့ ဘာတို့ ပါရမယ် ဆိုလို့ရှိရင်တော့ ကျနော့်အမြင်ကတော့ ရှေ့ဆက်သွားဖို့ ခက်သွားပြီ။” လို့ ပြောပါတယ်။ ဇွန်လ ၂ ရက်နေ့ကနေစတင်တဲ့ ထိပ်သီးခေါင်းဆောင် အစည်းအဝေးမှာ တနိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (မူကြမ်း) ကို အကြေအလည် ဆွေးနွေးခဲ့ကြပြီး ပြင်ဆင်စရာ၊ စကားလုံးဖြည့်စွက်စရာ စသဖြင့် အချက် ၁၅ ချက်ကို ပြင်ဆင်ဖြည့်စွက်ဖို့ သဘောတူညီခဲ့ကြပါတယ်။ အစိုးရဘက်ကတော့ တနိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူညီချက် (မူကြမ်း) ကို ပြင်ဆင်စရာမရှိဘူးလို့ ပြောကြားထားပါတယ်။