ဖားကန့်မြေပြို ၉ ဦးသေဆုံး၊ ၂ ဦးဒဏ်ရာရ

ဖားကန့်ဒေသရှိ ရေမဆေးကျောက် ရှာဖွေနေကြသူများနှင့် ကုမ္ပဏီများမှ မြေဇာစွန့်ကားများ
ကချင်ပြည်နယ် ဖားကန့်ဒေသမှာ မြေပြိုမှု ထပ်မံဖြစ်ပွားပြီး အမျိုးသား ၉ ဦး သေဆုံးကာ ၂ ဦးဒဏ်ရာရ သွားတယ်လို့ ဒီကနေ့ထုတ် နိုင်ငံပိုင်သတင်းစာတွေမှာ သတင်းထုတ်ပြန်ပါတယ်။ မတ်လ ၃၀ ရက် မနက်အစောပိုင်းက  ဖားကန့်မြို့နယ် ဆွတ်အောင်ကျွေးရွာ အနီး ရာဇဌာနီ ကုမ္ပဏီရဲ့ စွန့်ပစ်မြေစာပုံမှာ ရေမဆေးကျောက်ရှာနေကြစဉ်  အမြင့်ပေ ၃၀၀ လောက်ရှိတဲ့ မြေစာတွေ ရုတ်တရက်ပြိုကျခဲ့ တာကြောင့် လူတွေ ထိခိုက်ဒဏ်ရာရခဲ့တာလို့ ဆိုပါတယ်။ မြေစာပြိုကျမှုကြောင့် မြေသယ်ယာဉ် ၁ စီးနဲ့ ရေမဆေးကျောက်ရှာသူ  အယောက် ၃၀ လောက်မြေစာတွေ ပိမိခဲ့ကြောင်းနဲ့  အမျိုသား ၉ ဦးရဲ့ အလောင်းတွေကို ရှာဖွေတွေ့ ရှိခဲ့တယ်လို့ သတင်းမှာ ရေးပါတယ်။ ပျောက်ဆုံးနေသူတွေကို ဖားကန့် မြို့နယ် ရဲတပ်ဖွဲ့နဲ့ အုပ်ချုပ်ရေးတာဝန်ဂရှိသူတွေက ဆက်လက်ရှာဖွေနေကြဆဲဖြစ်ပါတယ်။ ဖားကန့်ဒေသမှာ ပြီးခဲ့တဲ့ ဇန်န၀ါရီနဲ့ မတ်လဆန်းပိုင်းကလည်း  မြေစာပုံ မတော်တဆ ပြိုကျမှုတွေ ဖြစ်ပွားခဲ့ပြီး ရေမဆေးကျောက်ရှာဖွေသူတွေ သေဆုံးပျောက်ဆုံးမှုရှိခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up