ကိုးကန့်တပ်ဖွဲ့နဲ့ အစိုးရတပ်မတော်အကြား လက်ရှိ ဖြစ်ပွားနေတဲ့ ပြဿ    နာကို စစ်ရေးနည်းနဲ့ မဖြေရှင်းဘဲ နိုင်ငံရေးနည်းအရဖြေရှင်းဖို့ ရန်ကုန်မှာ  အစိုးရနဲ့  ၇ ကြိမ်မြောက် ငြိမ်းချမ်းရေးဆွေးနွေးနေတဲ့ တိုင်းရင်းသားလက်နက်ကိုင်အဖွဲ့တွေရဲ့ အန်စီစီတီက အစိုးရကို မေတ္တာရပ်ခံ တောင်းဆိုလိုက်ပါတယ်။ တနိုင်ငံလုံး အပစ်အခတ်ရပ်စဲရေးအတွက် ၇ ကြိမ်မြောက်ဆွေးနွေးနေချိန် လောက်ကိုင်ဒေသမှာ အစိုးရနဲ့ ကိုးကန့်တပ်တွေကြား တိုက်ပွဲတွေဆက်ဖြစ်နေတဲ့အပေါ် နိုင်ငံရေးနည်းနဲ့ ဖြေရှင်းဖို့  မေတ္တာရပ်ခံထားကြောင်း အန်စီစီတီ တနိုင်ငံလုံးအပစ်အခတ်ရပ်စဲရေးညှိနှိုင်းရေးအဖွဲ့ဝင် ဗိုလ်မှူးကြီး ခွန်ဥက္ကာက ပြောပါတယ်။ “ကျနော်တို့ ငြိမ်းချမ်းရေးဖော်ဆောင်ဖို့ အားလုံးတာဝန်ရှိတယ်၊ ကိုးကန့်မှာလည်း တာဝန်ရှိတယ်။ ထို့အတူပဲ နိုင်ငံရေးပြဿ နာကို နိုင်ငံရေးနည်းနဲ့ရှင်းဖို့ စစ်ရေးနည်းကို လုံးဝမသုံးဖို့ဆိုတာ ကျနော်တို့မှာမူ ရှိတယ်။ ကိုးကန့်ကလည်း လိုက်လည်း လိုက်နာရမှာဖြစ်တယ်။ အဲဒီလို ကျနော်တို့ ဘက်က စည်းကမ်းကိုင်သလိုဘဲ တပ်မတော်နဲ့ အစိုးရဘက်ကလည်း ဒီဘောင်ထဲဝင်အောင် ဒီဘောင်အောက်ကနေ အတတ်နိုင်ဆုံး ဒီပဋိပက္ခကို လျော့ရမယ် စဉ်းစားပေးပါလို့ ကျနော်တို့က မေတ္တာရပ်ခံတယ်၊ အန်စီစီက တရားဝင် မေတ္တာရပ်ခံတယ် မနေ့ကတည်းက။” အန်စီစီတီဘက်က လက်ရှိဆွေးနွေးနေတဲ့အချိန်အတွင်း ကိုးကန့်ကိစ္စကိုပါ တပါတည်း ထည့်သွင်းဆွေးနွေဖို့ တောင်းဆိုခဲ့ပေမယ့် အစိုးရဘက်က နိုင်ငံရေးတွေ့ဆုံဆွေးနွေးပွဲတွေ ကျင်းပချိန်ကျမှ ပါဝင်သင့် ပါဝင်ထိုက်တဲ့အဖွဲ့တွေပါဝင်ဖို့  ပြောဆိုခဲ့ပါတယ်။ မြန်မာငြိမ်းချမ်းရေးစင်တာက အကြီးတန်း အကြံပေး ဦးလှမောင်ရွှေက “အဓိက ဆွေးနွေးနေတဲ့ အဖွဲ့ ၁၆ ဖွဲ့ရှိပါတယ်။  ဒီ ၁၆ ဖွဲ့နဲ့ အပစ်အခတ်ရပ်စဲရေး လက်မှတ်ရေးထိုးတာကို အရင်ဆောင်ရွက်လိုတယ်။ အဲဒီအဆင့်ကို ကျော်သွားရင် နိုင်ငံရေးတွေ့ဆုံဆွေးနွေးပွဲမှာ ပါဝင်သင့်ပါ ၀င်ထိုက်တဲ့သူတွေ အားလုံးပါဝင်ဖို့ ဆိုတဲ့ မူသဘောတူတယ်” လို့ ဆွေးနွေးပွဲအပြီး ကျင်းပတဲ့ သတင်းစာရှင်းလင်းပွဲမှာ ပြောပါတယ်။ အစိုးရနဲ့ တိုင်းရင်းသားလက်နက်ကိုင်တွေအကြား တနိုင်ငံလုံး အပစ်ရပ်စာချုပ်ဆိုင်ရာ ၇ ကြိမ်မြောက်ဆွေးနွေးပွဲကို မတ်လ ၁၇ ရက်နေ့ကတည်းက ရန်ကုန်မြို့ရှိ မြန်မာငြိမ်းချမ်းရေးစင်တာမှာ ပြုလုပ်နေတာဖြစ်ပြီး  ပထမနေ့မှာ ပဋိပက္ခလျော့ချရေးကိစ္စ၊ ဒုတိယနေ့နဲ့ တတိယနေ့မှာတော့  အရေးကြီးတဲ့ တပ်ပိုင်းဆိုင်ရာကိစ္စတွေကို ဆွေးနွေးခဲ့ကြပါတယ်။