ပညာရေးဥပဒေ ပြင်ဆင်ရေးအတွက် ၄ ပွင့်ဆုိုင် ဆွေးနွေးပွဲ ရလဒ်တွေကုို အစုိုးရဖက်က အရင်ချိုးဖောက်တာ ဖြစ်တယ်လုို့ သပိတ်မှောက်ကျောင်းသားတွေက ပြောဆုိုလုိုက်ပါတယ်။

ပညာရေးဥပဒေပြင်ဆင်ရေး ပတ်သက်လုိ့ အမျိုးသား လွှတ်တော်ကြားနာပွဲကုို နေပြည်တော်မှာ မတ်လ ၁၆ ရက်နေ့က ပြုလုပ်ခဲ့ပါတယ်။ ကြားနာပွဲမှာ လေးပွင့်ဆိုင်ဆွေးနွေးပွဲတုန်းက ရလဒ်တွေ ဆက်ရှိနေမှာဖြစ်သလို ပြန်ကြားရေး ၀န်ကြီး ဦးရဲထွဋ် ပြောသလုို ၄ ပွင့်ဆိုင် ရလဒ်တွေ ပျက်သွားတယ်ဆိုတာကို ကျောင်းသားတွေဖက်က ငြင်းဆုိုလုိုက်ပါတယ်။

အမျိုးသားပညာရေး ဥပဒေကြမ်းနဲ့ ဆက်စပ်တဲ့ဥပဒေတွေရှိနေသမျှ ၄ ပွင့်ဆိုင်တွေ့ဆုံဆွေးနွေးရေး သဘောတူညီချက်ဆက်လက်ရှိနေဦးမယ်လို့ ဆိုပါတယ်။ ၄ ပွင့်ဆုိုင် ရလဒ်တွေအရ သဘောတူထားတဲ့ အချက်တွေထဲမှာ ဒီမုိုကရေစီပညာရေးသပိတ်မှာ ပါဝင်တဲ့ ဘယ်သူကုိုမဆုို အရေးယူခြင်း မပြုရသလုို သပိတ်နဲ့ ပတ်သက်လုို့ အားပေးထောက်ခံတဲ့သူတွေကုိုလည်း အရေးမယူရဘူးဆိုပြီး သဘောတူထားပါတယ်။ ၄ ပွင့်ဆုိုင် ဆွေးနွေးပွဲကုို အစုိုးရ၊ လွှတ်တော်၊ NNER နဲ့ ကျောင်းသား ကိုယ်စားလှယ်တွေ တက်ရောက်ခဲ့တာပါ။

လွှတ်တော်ကြားနာပွဲကုို ကျောင်းသားတွေရဲ့ ဒီမုိုကရေစီပညာရေး လှုပ်ရှားမှုဦးဆောင်ကော်မတီဝင် ၁၅ ဦးထဲမှာ ပါတဲ့ ဗကသများအဖွဲ့ချုပ် ကုိုယ်စားလှယ် ၆ ဦးက အဖမ်းခံထားရလုို့ ဗကသကတော့ တက်ရောက်ခြင်း မရှိပါဘူး။ ကြားနာပွဲ မစခင်မှာ တက်ရောက်လာတဲ့ ကျောင်းသားတွေကတော့ လက်ပံတန်းသပိတ်ကုို အကြမ်းဖက်ဖြိုခွဲတာကုို ၀မ်းနည်းတဲ့ အထိမ်းအမှတ်အနေနဲ့ ၁ မိနစ် ငြိမ်သက်ခဲ့ပါတယ်။ အခုဆွေးနွေးပွဲကို တကသ အဖွဲ့မှ ၁၂ ယောက်တက်ရောက်ပြီး အမျိုးသားပညာရေးဥပဒေနဲ့ပတ်သက်တဲ့ ဥပဒေကြမ်းနဲ့ပတ်သက်လုို့ ဆွေးနွေးနေပြီး ဆွေးနွေးမှုရလဒ်ကိုတော့ သတင်းထုတ်ပြန်သွားမှာပါ။