မြန်မာ့အရေး ဒေါ်အောင်ဆန်းစုကြည်နှင့် ပူးပေါင်းလုပ်ဆောင်နေဟု ဗြိတိန်ပြော

မြန်မာ့အရေးနဲ့ ပတ်သက်တဲ့ ကဏ္ဍအတော်များများမှာ ဒေါ်အောင်ဆန်းစုကြည်နဲ့ အနီးကပ် ပူးပေါင်း လုပ်ဆောင်နေသလို မြန်မာနဲ့ ပတ်သက်တဲ့ စိုးရိမ်ပူပန်မှုတွေကိုလည်း ပုံမှန် ဆွေးနွေးဖြစ်တယ်လို့ ဗြိတိန်က ပြောပါတယ်။ မြန်မာရဲ့ ပြုပြင်ပြောင်းလဲမှုတွေဟာ ရပ်တန့်နေသလို တချို့နေရာတွေမှာ နောက်ပြန်သွားနေတယ်လို့ ဗြိတိန် နိုင်ငံခြားရေးရုံးဝန်ကြီး ဟူဂိုးဆွားက ဒီဇင်ဘာ ၈ ရက်နေ့က ထုတ်ပြန်ပါတယ်။ d2မြန်မာရဲ့ လက်ရှိအခြေအနေနဲ့ ပတ်သက်ပြီး စိုးရိမ်ပူပန်တဲ့ အီးမေးလ်အမြောက်အမြားကို ဗြိတိန်နိုင်ငံခြားရေးဝန်ကြီးဌာနက လက်ခံရရှိခဲ့ပြီးတဲ့နောက် ဗြိတိန် အစိုးရကလုပ်ဆောင်နေတဲ့ လုပ်ဆောင်ချက်တွေကို ရှင်းပြလိုက်တယ်လို့ ဆိုပါတယ်။ ဗြိတိန်ကလည်း ဒေါ်အောင်ဆန်းစုကြည်နဲ့ တခြားသူတွေရဲ့ ပြောဆိုချက်တွေကို အလေးထားသလို အပြောင်းအလဲအပေါ် အားရကျေနပ်နေတာ မဟုတ်ဘူးလို့ ထုတ်ပြန်ချက်မှာ ရေးပါတယ်။ မြန်မာနိုင်ငံအတွင်းက ဆက်ဖြစ်နေတဲ့ လူ့အခွင့်အရေး ချိုးဖောက်မှုတွေကို သတိထားသလို အစိုးရအပေါ်ကိုလည်း ဒီကိစ္စနဲ့ပတ်သက်ပြီး ဖိအားပေးလုပ်ဆောင်နေတယ်လို့ ပြောပါတယ်။ တချိန်တည်းမှာ အစိုးရ၊ လွှတ်တော်၊ လူမှုရေးအဖွဲ့အစည်း၊ နိုင်ငံတကာအဖွဲ့အစည်းနဲ့ စီးပွားရေးတွေမှာလည်း ပူးပေါင်းဆောင်ရွက်နေတယ်လို့ ဆိုပါတယ်။ ၂၀၁၁ ခုနှစ်က စတင်တဲ့ လွတ်လပ်စွာ ဖော်ထုတ်ခွင့်၊ နိုင်ငံရေး အကျဉ်းသားတွေကို လွှတ်ပေးတာ၊ တိုင်းရင်းသားတွေနဲ့ အပစ်ရပ်စဲရေး ဆွေးနွေးတာ၊ ကလေးစစ်သားတွေကို ပြန်လွှတ်ပေးတာ၊ ဇီဝလက်နက် သဘောတူညီချက်တွေမှာ ပါဝင်လာတာ စတဲ့ မြန်မာရဲ့ ပြုပြင်ပြောင်းလဲ ဖြစ်ထွန်းတိုးတက်မှုတွေကို အသိအမှတ်ပြုတယ်လို့ ထုတ်ပြန်ချက်မှာ ဖော်ပြထားပါတယ်။ လူ့အခွင့်အရေး ဒီမိုကရေစီရေးနဲ့ ငြိမ်းချမ်းရေးတွေမှာ အားပေးထောက်ကူဖို့ ကြိုးပမ်းချက်တွေဟာ အချိန်ယူရမှာ ဖြစ်ပေမယ့် ၂၀၁၅ ဟာ အရေးပါတဲ့ နှစ်ဖြစ်လာမယ်လို့လည်း ရေးသားထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up