ကရင်ပြည်နယ်တွင် တိုက်ပွဲကြောင့် ရွာသား ၂၀၀၀ ကျော် ပြောင်းရွှေ့ခဲ့ရ
DVB
·
November 7, 2014
ကရင်ပြည်နယ်မှာ ပြန်လည် ဖြစ်ပွားခဲ့တဲ့ တိုက်ပွဲတွေကြောင့် ရွာသား ၂ ထောင်ကျော် ရွှေ့ပြောင်းခဲ့ရတယ်လို့ ကရင်မြစ်ချောင်းများ စောင့်ကြည့်ရေးအဖွဲ့ (KRW) က အောက်တိုဘာ ၇ ရက်နေ့မှာ ထုတ်ပြန်ပါတယ်။
ဒီလိုတိုက်ပွဲတွေ ဖြစ်လာတာဟာ ကရင်ပြည်နယ်က နယ်မြေတွေကို ထိန်းချုပ်ဖို့ စစ်တပ်ရဲ့ ဗျူဟာ တခုဖြစ်ပြီး သံလွင်မြစ်မှာ ဟတ်ကြီး ဆည်ဆောက်ဖို့ အစီအစဉ်ရဲ့ တစိတ်တပိုင်းဖြစ်တယ်လို့ ဆိုပါတယ်။
အိမ်ပြန်ဖို့ စိုးကြောက်ခြင်းဆိုတဲ့ အစီရင်ခံစာမှာ မီဒီယာတွေမှာ သတင်းရေးသား ဖော်ပြခဲ့ခြင်းမရှိတဲ့ ကရင်ပြည်နယ်က ခရိုင် ၂ ခုမှာ ဖြစ်ပွားခဲ့တဲ့ ပဋိပက္ခအရှိန် အဟုန်မြင့်တက်လာတဲ့ အသေးစိတ်ကို KRW က ရေးသားထားပါတယ်။
ကရင်ပြည်နယ်မှာ ထိုးစစ်ဆင်နေတာကို ရပ်တန့်ဖို့ လူသားချင်း စာနာမှု အကူအညီတွေ ပေးပို့ရာမှာ ထွက်ပြေးလာတဲ့ ရွှေ့ပြောင်းဒုက္ခသည်တွေကို လက်ခံရရှိအောင် အစိုးရကဆောင်ရွက်ပေးဖို့ ပဋိပက္ခ ဖြစ်ပွားစဉ်မှာ ဒုက္ခသည်တွေကို အတင်းအကျပ် ပြန်မပို့ဖို့လည်း ထုတ်ပြန်ချက်က တောင်းဆိုပါတယ်။
KRW က အမျိုးသမီးအရေး၊ ပတ်ဝန်းကျင်လူ့အခွင့်အရေး ဖွံ့ဖြိုးတိုးတက်ရေးစတဲ့ ကရင် လူထုအခြေပြု အဖွဲ့အစည်း ၆ ခု ပူးပေါင်းဖွဲ့စည်းထားတဲ့ အဖွဲ့လည်းဖြစ်ပါတယ်။