သိမ်းဆည်းခံလယ်မြေ ပြန်ရရေး ဆန္ဒပြခဲ့တဲ့ ကရင်ပြည်နယ် ဘားအံမြို့က တောင်သူတွေထဲက ၁၀ ဦးကို ခွင့်ပြုချက်မရဘဲ ဆန်ဒပြမှု ပုဒ်မ ၁၈ နဲ့ ပြစ်ဒဏ်တွေ အသီသီးစီရင်ချက်ချမှတ်ပါတယ်။

ပြီးခဲ့တဲ့ သြဂုတ်လ ၂၅ ရက်နေ့က ဘားအံမြို့နယ်အတွင်း ကျေးရွာပေါင်း ၉ ရွာက တောင်သူ ၁၀၀ ကျော် ဘားအံမြို့တွင်း စီတန်းလှည့်လည်ပြီး သိမ်းဆည်းခံလယ်ယာမြေတွေ ပြန်ရရေး ဆန္ဒပြ တောင်းဆိုခဲ့ကြပါတယ်။

[caption id="attachment_69426" align="alignright" width="300"] သြဂုတ်လ ၂၅ ရက်နေ့ ဆန္ဒပြစဉ်[/caption]

ဆန္ဒပြပွဲမှာ ဦးဆောင်သူဆိုပြီး ၈၈ ကရင်အမျိုးသားအစည်းအရုံးက ၄ ဦးကို ပုဒ်မ ၁၈ နဲ့ထောင်ဒဏ် ၄ လစီရင်ချက်ချမှတ်ခဲ့သလို ဆန္ဒပြသူ တောင်သူတွေထဲက ၆ ဦးကို ထောင်ဒဏ် ၁ လ ဒါမှမဟုတ် ငွေဒဏ် ၂ သောင်းစီ ပေးဆောင်ဖို့ အောက်တိုဘာလ ၂၉ ရက်နေ့က စီရင်ခဲ့တာဖြစ်ပါတယ်။

၈၈ ကရင်အမျိုးသားအစည်းအရုံးဥက္ကဋ္ဌ ဦးစောမောင်ကြီးက “၂၅ ရက်နေ့ ၈ လပိုင်း ဆန္ဒဖော်ထုတ်ပွဲနဲ့ပတ်သက်ပြီး ကျနော်တို့  ၄ ယောက် ထောင်ချခံရပါတယ်။ လယ်သမား ၆ ယောက်ကတော့ ဒဏ်ငွေ ၂ သောင်းစီနဲ့ အားလုံး ၁ သိန်း ၂ သောင်း ဆောင်လိုက်ရပါတယ်” လို့   ဒီဗွီဘီကို ပြောပါတယ်။

ဒီလယ်ယာမြေ ပြဿ    နာတွေနဲ့ပတ်သက်ပြီး လယ်သမားတွေကို တရားစွဲဆို ထောင်ချတိုင်း ဒီပြဿ      နာ အဆုံးသတ်မှာမဟုတ်ဘူးလို့လည်း သူက ပြောပါတယ်။

ဘားအံမြို့နယ် တောင်သူကုန်း၊ စံဖရီး၊  လက္ခဏ၊ လှာကမြင်၊ လှာကဒေါင်၊ ကော့စလုံ၊ အစရှိတဲ့ ကျေးရွာ ၉ ရွာက လယ်ယာမြေ ၄ ထောင်ကျော်ကို အစိုးရက ၁၉၈၆ ခုနှစ်က သိမ်းဆည်းခဲ့တာဖြစ်ပါတယ်။

လယ်ယာမြေတွေပြန်ရရှိရေးအတွက် အစိုရအဆင့်ဆင့်ထံတင်ပြတောင်းဆိုမှုတွေ ရှိ ပေမယ့် အရေးယူဆောင်ရွက်မှုမရှိတဲ့အတွက် တောင်သူတွေ ဆန္ဒပြခဲ့ကြတာဖြစ်ပါတယ်။