အီဘိုလာကြောင့် အာဖရိကဖလား ၂၀၁၆ ကို ပြောင်းပေးရန် တောင်းဆို

၂၀၁၅ ခုနှစ်အတွက် အာဖရိကဖလားကို မော်ရိုကိုနိုင်ငံက ကျင်းပခွင့်ရပေမယ့် အီဘိုလာရောဂါ ကူးစက်ခံရမှာကို စိုးရိမ်တာကြောင့် ၂၀၁၆ ကို ရွှေ့ပြောင်းပေးဖို့ အာဖရိကဘောလုံးအဖွဲ့ချုပ်ကို တောင်းဆိုထားပါတယ်။ ၂၀၁၅ အာဖရိကဖလားကို ဇန်န၀ါရီလ ၁၇ ရက်ကနေ ဖေဖော်ဝါရီလ ၈ ရက်နေ့အထိ ကျင်းပဖို့ ဖြစ်ပါတယ်။ caf cupအာဖရိကဘောလုံး အဖွဲ့ချုပ်ကတော့ မော်ရိုကိုနိုင်ငံ ရဲ့ တောင်းဆိုမှုကို လက်မခံဘဲ တောင်အာဖရိက နိုင်ငံနဲ့ ဂါနာနိုင်ငံတွေက ဘောလုံးပွဲကို လက်ခံကျင်းပပေးနိုင် မလား မေးထားတယ်လို့ သိရပါတယ်။ ဒီကိစ္စကိုဆွေးနွေးဖို့ အာဖရိကဘောလုံးအဖွဲ့ချုပ်ဥက္ကဋ္ဌလည်း နိုဝင်ဘာ ၃ ရက်နေ့မှာ မော်ရိုကိုနိုင်ငံကို လာရောက်ဖို့ ရှိပါတယ်။ ဒါပေမယ့်လည်း ဒီပြောင်းရွှေ့ကျင်းပခွင့်ဟာ မော်ရိုကိုနိုင်ငံက နောက်ဆုံး လုံးဝငြင်းလိုက်တော့မှသာ တခြားနိုင်ငံတွေကို ပြောင်းရွှေ့ကျင်းပမယ်လို့လည်း အာဖရိက ဘောလုံးအဖွဲ့ချုပ်က ပြောဆိုပါတယ်။ ၂၀၁၇ အာဖရိကဖလားကို လက်ခံကျင်းပခွင့်ရထားတဲ့ လစ်ဗျားနိုင်ငံကလည်း ပြည်တွင်းမငြိမ်သက်မှုတွေကြောင့် ကျင်းပခွင့်ကို ငြင်းပယ်ထားတာကြောင့် အိမ်ရှင်နိုင်ငံကိုလည်း ရွေးချယ်ရဦးမှာပါ။ အယ်လ်ဂျီးရီးယား၊ အီဂျစ်၊ ဂါဘွန်၊ ဂါနာ၊ ကင်ညာ၊ ဆူဒန်နဲ့ ဇင်ဘာဘွေနိုင်ငံတို့က ၂၀၁၇ အာဖရိကဖလားပွဲ ကျင်းပခွင့် တောင်းခံထားကြပါတယ်။

More News
Up