စစ်တပ်ပြောခွင့်ရ ၃ ဦး ထားပေးမည်ဟု ဗိုလ်ချုပ်မှူးကြီးပြော

ဗိုလ်ချုပ်မှူးကြီးနှင့်စာနယ်ဇင်းကောင်စီ တွေ့ဆုံစဉ်
တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က စစ်တပ်နဲ့ ပတ်သက်ပြီး ပြောခွင့်ရပုဂ္ဂိုလ် ၃ ဦး ထားရှိပေးမှာ ဖြစ်ပြီး သတင်းတွေလည်း ထုတ်ပြန်ပေးသွားမယ်လို့ စာနယ်ဇင်းကောင်စီ(ယာယီ)နဲ့ အောက်တိုဘာ ၁၄ ရက်နေ့ နေပြည်တော်မှာ တွေ့ဆုံရာမှာ ပြောဆိုလိုက်ပါတယ်။ [caption id="attachment_67838" align="alignright" width="300"]ဗိုလ်ချုပ်မှူးကြီးနှင့်စာနယ်ဇင်းကောင်စီ တွေ့ဆုံစဉ် ဗိုလ်ချုပ်မှူးကြီးနှင့်စာနယ်ဇင်းကောင်စီ တွေ့ဆုံစဉ်[/caption] ကာကွယ်ရေးဝန်ကြီး ဌာန က ဗိုလ်ချုပ်အောင်သော်၊ ဗိုလ်ချုပ်စိုးနိုင်ဦး၊ ဗိုလ်ချုပ်အောင်ရဲဝင်း တို့ ၃ ယောက်ကို မီဒီယာနဲ့ ဆက်သွယ်ဖို့ ထားပေးမှာ ဖြစ် ပါတယ်။ ဒီတွေ့ဆုံပွဲမှာ တပ်မတော်ဘက်က တပ်မတော် ကာကွယ်ရေးဦးစီးချုပ် အပါအ၀င် ဗိုလ်ချုပ်ကြီးလှဌေးဝင်း၊ ဒုတိယဗိုလ်ချုပ်ကြီး မြထွန်းဦးနဲ့ အဆင့်မြင့်အရာရှိတွေ တက်ရောက်ခဲ့သလို  စာနယ်ဇင်းကောင်စီယာယီဘက်ကတော့  ဥက္ကဋ္ဌအပါအ၀င် ၇ ဦးတို့ ၃ နာရီနီးပါး တွေ့ဆုံခဲ့တာ ဖြစ်ပါတယ်။ ဒီတွေ့ဆုံမှုနဲ့ ပတ်သက်ပြီး တပ်မတော်နဲ့ စာနယ်ဇင်းကောင်စီ(ယာယီ)တို့ ပူးတွဲ ကြေညာချက်မှာတော့ တပ်မတော်နဲ့ ပတ်သက်တဲ့ ပြည်သူနဲ့ တိုင်းပြည်ကို အသိပေးသင်တဲ့ သတင်းတွေကို ထုတ်ပြန်ရာမှာ မြန်မာနိုင်ငံစာနယ်ဇင်းကောင်စီ(ယာယီ)နဲ့ ပူးပေါင်း ဆောင်ရွက်သွားဖို့ တပ်မတော်က သတင်းထုတ်ပြန်မှု လွယ်ကူချောမွေ့စေရေးအတွက် အခါအားလျော်စွာ သတင်းစာရှင်းလင်းပွဲတွေ ပြုလုပ်သွားမယ်လို့ ရေးသားထားပါတယ်။

More News
Up