ဟောင်ကောင်ဆန္ဒပြပွဲကို ဟောင်ကောင်တက္ကသိုလ်ရှိ မြန်မာကျောင်းသားတချို့ ထောက်ခံ

တရုတ်နိုင်ငံ ဟောင်ကောင်မှာ ကျောင်းသားတွေ ဦးဆောင်တဲ့ ထီးတော်လှန်ရေးလို့ တင်စား ခေါ်ဆိုတဲ့ ဆန္ဒပြလှုပ်ရှားမှုမှာ ဟောင်ကောင်တက္ကသိုလ်မှာ သွားရောက် ပညာသင်ကြားနေတဲ့ မြန်မာကျောင်းသားတချို့က ဒီလှုပ်ရှားမှုမှာ ထောက်ခံတဲ့အကြောင်း ပြသတဲ့အနေနဲ့ သူတို့ ဆန္ဒပြတဲ့နေရာကို သွားရောက်ပြီး ပါဝင်ခဲ့ကြပါတယ်။

ဒီနောက် သူတို့ရဲ့ လူမှုရေးကွန်ရက်မှာ ဓာတ်ပုံတွေ တင်ပြီး သတင်းတွေကို မျှဝေပေးခဲ့ကြတယ်လို့ ဟောင်ကောင် ပညာရေး အင်စတီကျူရှင်း(Institute of Education)မှာ Social Science and Global Environmental Study တက်ရောက်နေတဲ့ ကျောင်းသူ မအေးမြတ်ဆုဝေက ပြောပါတယ်။

ဟောင်ကောင်မှာ ဖြစ်ပွားနေတဲ့ အခြေအနေအပေါ် မြန်မာကျောင်းသားတွေရဲ့ သဘောထား ဆန္ဒပြပွဲအကြောင်းတွေနဲ့ ပတ်သက်ပြီး ဒီဗွီဘီက ဆက်သွယ်မေးမြန်းထားပါတယ်။