ရှမ်းပြည်နယ်မြို့တော် တောင်ကြီးမှာ အောက်တိုဘာလ ၄ ရက်နေ့ညပိုင်းက ဗုံးပေါက်ကွဲမှုတွေ ဆက်တိုက်ဖြစ်ပွားခဲ့ပြီး ရဲတပ်သား ၂ ယောက် ဒဏ်ရာရရှိခဲ့တယ်လို့ စုံစမ်းသိရှိရပါတယ်။ ည ၁၀ နာရီကျော်လောက်ကစပြီး ဗုံး ၃ လုံး ဆက်တိုက်ပေါက်ကွဲခဲ့တဲ့အကြောင်း တောင်ကြီး မြို့နယ် အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်ခင်မိုးမိုး က ပြောပါတယ်။ “ည ၁၀ နာရီ ၅ မိနစ်နဲ့ ၁၀ မိနစ်ကြားမှာ ဗိုလ်ချုပ်အောင်ဆန်းလမ်းပေါ် ၂၀၂ တပ် ပေါက်ဝမှာ ဗုံးတလုံး ကွဲပါတယ်။ နောက်ပြီး ၂၀၂ တပ် ပေါက်ဝရဲ့ မျက်စောင်းထိုး ယာဉ်ထိမ်းတပ်ဖွဲ့မှူးရုံးမှာ တလုံးကွဲပါတယ်။ ယာဉ်ထိမ်းတဦး လက်မောင်းကို ကျည်ဆန်အစမှန်ပါတယ်။ နောက်ပြီးတော့ ရဲသားအသစ်တယောက် ခြေသလုံးကို အစမှန်ပါတယ်။ အဲဒီ ၂ ယောက် ဒဏ်ရာရပါတယ်။ ၂၀၂ တပ်ပေါက်ဝမှာ ဒဏ်ရာရတဲ့သူ မရှိပါဘူး။ နောက် ရပခ အပေါက်ဝမှာ ပြင်းအားများတဲ့ တလုံးကွဲပါတယ် အဲဒီမှာလည်း ထိခိုက်ဒဏ်ရာရသူမရှိပါဘူး။” ရပက အရှေ့ပိုင်းတိုင်းစစ်ဌာနချုပ်အနီးမှာ မပေါက်ကွဲသေးတဲ့ ဗုံး ၂ လုံး ထပ်တွေ့တယ်လို့လည်း ပြောပါတယ်။ တောင်ကြီးမြို့မရဲစခန်းကို ဆက်သွယ်မေးမြန်းရာမှာ ဗုံးပေါက်တာ အတည်ပြု ပြောဆိုပေမယ့် အသေးစိတ်ပြောဖို့ ငြင်းပါတယ်။ ပြီးခဲ့တဲ့ ရက်ပိုင်းအတွင်း ရှမ်းပြည်နယ်ထဲ အစိုးရစစ်တပ်နဲ့ ရှမ်းပြည်တပ်မတော်တို့ တိုက်ပွဲတွေဖြစ်ပွားပြီး မရှေးမနှောင်းမှာ တောင်ကြီးမှာ အခုလို ဗုံးပေါက်ကွဲမှုတွေ ဖြစ်ပွားခဲ့တာ ဖြစ်ပါတယ်။ တနင်္ဂနွေနေ့မှာတော့ လုံခြုံရေးတာဝန်ရှိသူတွေက ဗုံးပေါက်ကွဲမှုတွေ ဆက်တိုက်ဖြစ်ပွားခဲ့တဲ့ ဗိုလ်ချုပ်လမ်းကို ခေတ္တပိတ်ပြီး ဗုံး ရှာဖွေမှုတွေ ဆက်လက်လုပ်ဆောင်ခဲ့ပြီး မြို့လုံခြုံရေးလည်း ပိုမိုတိုးချဲ့ချထားတယ်လို့ ဒေသခံတွေက ပြောပါတယ်။ တောင်ကြီးရဲ့ နာမည်ကျော် တောင်ကြီးတန်ဆောင်တိုင်ပွဲ ကျင်းပဖို့ သိပ်မလိုတော့တဲ့ အချိန်ဖြစ်တာမို့ ဗုံးပေါက်ကွဲတဲ့အပေါ် မြို့ခံတွေကြား စိုးရိမ်မှုတွေ ရှိနေကြပါတယ်။