လာမယ့် ၂၀၁၅-၁၆ ဘဏ္ဍာရေးနှစ်မှာ ပညာရေး ကဏ္ဍ ပြုပြင်ပြောင်းလဲဖို့အတွက် အမေရိကန် ဒေါ်လာ သန်း ၁၁၀ ကျော်နဲ့ ညီမျှတဲ့ မြန်မာကျပ်ငွေ ဘီလီယံ ၁၁၀ ကျော် သုံးစွဲသွားမယ်လို့ ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာခင်စန်းရီက ပြောပါတယ်။

စက်တင်ဘာ ၂၉ ရက်နေ့က ရန်ကုန်တက္ကသိုလ် စိန်ရတုခန်းမမှာ ကျင်းပတဲ့ ပညာရေး ဆွေးနွေးပွဲမှာ သူက ခုလို ပြောလိုက်တာပါ။

ဒီငွေတွေကို အသုံးပြုပြီး မသင်မနေရ သူငယ်တန်းတွေ ထပ်တိုးဖို့၊ ဝေးလံခေါင်ဖျားဒေသတွေမှာ ကျောင်းအခြေပြု မူလတန်းကြို အတန်းတွေ ဖွင့်လှစ်ဖို့၊ နယ်စပ်ဒေသကျောင်းတွေကို အဆင့်မြှင့်ဖို့၊ ဒီဂျစ်တယ်စာကြည့်တိုက်တွေ တည်ထောင်ဖို့ စတဲ့ နေရာတွေမှာ သုံးစွဲသွားမယ်လို့ ဒေါက်တာခင်စန်းရီက ပြောပါတယ်။