ဖာနန်ဒိုဆန်းတို့စ်ကို ပေါ်တူဂီ လက်ရွေးစင်အသင်းနည်းပြအဖြစ် ခန့်အပ်

ပေါ်တူဂီဘောလုံးအဖွဲ့ချုပ်ဟာ အသက် ၅၉ နှစ်ရှိပြီ ဖြစ်သော ဖာနန်ဒိုဆန်းတို့စ်ကို လက်ရွေးစင်အသင်းနည်းပြအဖြစ် ခန့်အပ်လိုက်ပါတယ်။ [caption id="attachment_65948" align="alignright" width="300"]8d9cbay6 ဖာနန်ဒိုဆန်းတို့စ်[/caption] အရင်နည်းပြ ဘင်တိုဟာ  ယူရို ၂၀၁၆ ခြေစစ်ပွဲမှာ အယ်လ်ဘေးနီးယား အသင်းကို ၁ ဂိုး ဂိုးမရှိ နဲ့ ရှုံးနိမ့်ခဲ့ပြီးနောက်မှာ  နည်းပြရာထူးကနေ ထွက်ခွာခဲ့ရတာပါ။ နည်းပြသစ် ဆန်းတို့စ်ဟာ ၂၀၁၄ ကမ္ဘာ့ဖလားပြိုင်ပွဲဝင် ဂရိအသင်းနည်းပြ ဖြစ်ပါတယ်။ သူဟာ ဂရိအသင်းက  ကော်စတာရီကာကို ပင်နယ်တီ အဆုံးအဖြတ် နဲ့ ရှုံးခဲ့ပြီးနောက် မှာ  ဂရိ အသင်းနဲ့ လမ်းခွဲခဲ့သူပါ။ အဲဒီပွဲမှာ သူဟာ   ကွင်းအတွင်း တာဝန်ရှိသူတွေနဲ့ အချင်းများခဲ့ပြီး ထုတ်ပယ်ခံရသလို ၈ ပွဲပယ် ပြစ်ဒဏ်ချမှတ်ခံရခဲ့ပါတယ်။ သူရဲ့ ကစားသမားဘ၀မှာတော့ မာရီတီနိုနဲ့ အက်စတိုရီအသင်းတွေမှာ ကစားခဲ့ပြီး နည်းပြ လုပ်သက် ၂၇ နှစ် ရှိပါတယ်။ ပေါ်တို၊ ဘင်ဖီကာ၊ စပို့တင်းလစ္စဘွန်း၊ ပီအေအိုကေ၊ ပါနာသီနာကော့စ်၊ အေအီးကေ အေသင်ကလပ်တွေနဲ့ ဂရိလက်ရွေးစင်အသင်းတို့ မှာ နည်းပြအဖြစ် တာဝန်ယူခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up