ခါကာဘိုရာဇီတောင်တက်အဖွဲ့ ၆ ဦး ပြန်ရောက်၊ ၂ ဦး အဆက်အသွယ်ပြတ်

ခါကာဘိုရာဇီတောင်တက်အဖွဲ့ဝင် ၈ ယောက်မှာ တောင်ခြေစခန်းတွေကနေ အထောက်အပံ့ ပေးတဲ့ ၆ ယောက်နဲ့ အဆက်အသွယ်ရပြီး တောင်ထိပ်ကို တက်သွားကြတဲ့ ကျန် ၂ ယောက် အဆက်အသွယ်မရသေးဘူးလို့ အမည်မဖော်လိုသူ တောင်တက်အသင်း တာဝန်ရှိသူတဦးက ပြောပါတယ်။ hkakabo_razi__myanmarကျန် ၆ ယောက် ကတော့ အောက် ဆုံးတောင်ခြေစခန်းရှိရာ သဟောင်တန်းရွာကို ဆင်းလာကြပြီ ဖြစ်ပြီး ကျန်းမာရေး အခြေအနေ လည်း ကောင်းတယ်လို့ ဆိုပါတယ်။ ဆက်သွယ်ရေးစက် အခက်အ ခဲကြောင့် တောင် ထိပ်မှာ မြန်မာအလံစိုက်ထူနိုင်ခဲ့ကြတဲ့ ကိုအောင်မြင့်မြတ် နဲ့ ဝေယံမင်းသူ အဆက်အသွယ် မရသေးတာ ဖြစ်နိုင်ပြီး ပြန်ဆင်းလာတဲ့ လမ်းကြောင်းမှာပဲ ရှိနေသေးနိုင်ကြောင်းလည်း ထပ်ပြောပါတယ်။ တောင်ထိပ်ထိအောင် တက်သွားကြတဲ့ အဲဒီ ၂ ဦးဟာ အမြင့်ပေ ၁၉၂၉၆ ရှိ ခါကာဘိုရာဇီ တောင်ထိပ်ကို သြဂုတ် ၃၁ ရက် ညက ရောက်ရှိပြီး မြန်မာအလံစိုက်ထူနိုင်ခဲ့တာပါ။ မြောက်ပိုင်းတိုင်း စစ်ဌာနချုပ်ကလည်း ရဟတ်ယာဉ်တွေနဲ့ လိုက်ကြည့်အကူအညီပေးဖို့ ရန်ကုန်ကနေ ဒီနေ့မှာ စထွက်ဖို့ ပြင်ဆင်ထားတာတွေ ရှိနေပါတယ်။ ခုဆို တက္ကသိုလ်ခြေလျင်နဲ့ တောင်တက်အသင်း အဖွဲ့ဥက္ကဋ္ဌ ဦးမျိုးသန့် ကိုယ်တိုင် ဒီနေ့မှာ ပူတာအိုကို လိုက်သွားပြီလို့လည်း ဆိုပါတယ်။ ခါကာဘိုရာဇီတောင်မှာ မိုိးအနည်းငယ်ရွာနေပြီး ရာသီဥတု အခြေအနေ အရမ်းမဆိုးရွားဘူးလို့ ဆိုပါတယ်။ ကိုအောင်မြင့်မြတ်ဦးဆောင်တဲ့ ခါကာဘိုရာဇီတောင်တက်အဖွဲ့တွေဟာ ဇူလိုင်လ ၃၁ ရက်နေ့က ပူတာအိုကနေ တောင်တက်ခရီးစဉ် စတင်ခဲ့ကြပြီး သြဂုတ် ၃၁ ရက်နေ့မှာ ခါကာဘိုရာဇီတောင်ထိပ်ကို ရောက်ရှိခဲ့ကြပြီးနောက် အဆက်အသွယ် ပြတ်နေခဲ့တာ ဖြစ်ပါတယ်။

More News
Up