ဟန်းဆက် ၉၇ ရာခိုင်နှုန်း တရားမ၀င် ခိုးသွင်းမှုဖြစ်
DVB
·
September 5, 2014
မြန်မာ့ဆက်သွယ်ရေး နဲ့ အော်ရီဒူး ဆင်းကတ်တွေ ဆက်တိုက် ရောင်းချပေးနေပေမယ့် မိုဘိုင်းဖုန်း ဟန်းဆက်ကိုတော့ တရားမ၀င် မှောင်ခိုတင်သွင်းမှုပဲ များနေတယ်လို့ မှောင်ခိုကုန်ပစ္စည်း တားဆီးရေးအဖွဲ့ ဗဟိုကော်မတီဝင် ညွှန်ကြားရေးမှူး ဦးတင်ရဲဝင်းက ပြောပါတယ်။
လက်ရှိ မြန်မာနိုင်ငံမှာ မိုဘိုင်းဖုန်း အသုံးပြုသူ ၁၀ သန်းကျော်၊ မိုဘိုင်းဖုန်း အရောင်းဆိုင်တွေမှာ ခင်းကျင်းရောင်းချနေတဲ့ ဟန်းဆက် သန်းနဲ့ချီ ရှိနေပေမယ့် ဟန်းဆက် တရားဝင် တင်သွင်းတာကတော့ ၃ နှစ်အတွင်း ၂ သိန်းခွဲ မပြည့်ဘူးလို့ သူက ပြောပါတယ်။
ဒါဟာ ၃ ရာခိုင်နှုန်းတောင် မရှိဘဲ ၉၇ ရာခိုင်နှုန်းကတော့ ခိုးသွင်းတာတွေပဲ ဖြစ်နေတယ်လို့ သူက ဆိုပါတယ်။
မိုဘိုင်းဖုန်း ဟန်းဆက်တွေ အကောက်ခွန်မဲ့ တရားမ၀င် တင်သွင်းမှု အလွန်များနေပေမယ့် ဖမ်းဆီးရမိမှုကတော့ အလုံးရေ ၁၇၀၀၀ ကျော်ပဲ ရှိပြီး အရေအတွက် အလွန်နည်းတယ်လို့ ရှင်းပြပါတယ်။