ယူအန်အက်ဖ်စီ တပ်ပေါင်းစုနဲ့ ဆက်လက်ဆောင်ရွက်နိုင်ဖို့ ကေအန်ယူအဖွဲ့အတွင်း ဆွေးနွေးစရာတွေ ရှိကြောင်း ပြောပြီး ကျင်းပနေတဲ့ ယူအန်အက်ဖ်စီ ညီလာခံဆွေးနွေးပွဲကနေ ကရင်တိုင်းရင်းသားခေါင်းဆောင်တွေ ထွက်ခွာသွားခဲ့ကြပါတယ်။

သြဂုတ်လ ၃၁ ရက်က ကျင်းပနေတဲ့ စည်းဝေးပွဲကနေ ကရင်ခေါင်းဆောင်တွေ ထွက်ခွာခဲ့ကြတာ ဖြစ်ပြီး အကြောင်းစုံသိရအောင် ဒီနေ့ ဆွေးနွေးပွဲတက်ခဲ့တဲ့ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ဗဟို ဦးဆောင်ကော်မတီဝင် ဆလိုင်းယောအောင်ကို ကျနော် ဆက်သွယ်မေးကြည့်ထားပါတယ်။