ရန်ကုန်က တက္ကသိုလ်တွေနဲ့ ကောလိပ်တွေအနားမှာ ဟိုတယ်နဲ့ တည်းခိုခန်းတွေ မရှိပါဘူးလို့ ရန်ကုန်မြို့တော်ဝန် ဦးလှမြင့်က ပြောပါတယ်။
ဒဂုံမြို့သစ် မြောက်ပိုင်း၊ မဲဆန္ဒနယ် အမှတ် ၂ က ကိုယ်စားလှယ် ဦးထွန်းလွင်ရဲ့ တက္ကသိုလ်တွေနဲ့ ကောလိပ်တွေအနားက ဟိုတယ်၊ တည်းခိုခန်းတွေရဲ့ လိုင်စင်တွေကို ကြပ်မတ်ပေးဖို့ မေးခွန်းကို ဖြေကြားခဲ့တာပါ။
ဟိုတယ်နဲ့ တည်းခိုခန်းတွေဟာ တည်းခိုရုံမဟုတ်ဘဲ အမိန့်ရ ဇိမ်ခံခန်းများသ ဖွယ် ဖြစ်နေ လို့ ကျောင်းသား လူငယ်နဲ့ ပြည်သူတွေ စာရိတ္ထမဏ္ဍိုင်ပျက်စီးပြီး ဆိုးရွားတဲ့ ရောဂါတွေ မရအောင် ဒီတည်းခိုခန်းတွေရဲ့ လိုင်စင်တွေကို ပြန်လည် စိစစ်ကြပ်မတ်ပေးဖို့ ဦးထွန်းလွင် က မေးမြန်းခဲ့တာပါ။
ဒီမေးခွန်းအပေါ် မြို့တော်ဝန်က ရန်ကုန်မှာ ဟိုတယ်နဲ့ တည်းခိုခန်းပေါင်း ၃၈၀ ကျော်ရှိတာမှာ ဒဂုံ တက္ကသိုလ်နားမှာ တခုပဲရှိပြီး ပေ ၈ ထောင်ကျော်ဝေးတယ်လို့ ပြန်လည်ဖြေကြားခဲ့ပါတယ်။
ပြီးတော့ ဟိုတယ်နဲ့ တည်းခိုခန်းတွေ လိုင်စင်ချပေးတဲ့အခါ ကားပါကင်၊ အဆောက်အဦရဲ့ ကြံ့ခိုင်မှု စတာတွေကို စစ်ဆေးပြီးမှ လိုင်စင်ချပေးတယ်လို့လည်း သူက ပြောပါတယ်။
လက်ရှိမှာတော့ ရန်ကုန်မြို့က တချို့ ဟိုတယ်နဲ့ တည်းခိုခန်းတွေဟာ အချိန်ပိုင်းစနစ်နဲ့ အခန်းငှားနေကြတာ ဖြစ်ပါတယ်။
