အစိုးရဘက်က ကိုယ်စားလှယ်တွေနဲ့ တိုင်းရင်းသားလက်နက်ကိုင် တော်လှန်ရေးအဖွဲ့တွေ ဘက်က ကိုယ်စားလှယ်တွေ တပြည်လုံးအပစ်အခတ်ရပ်စဲရေး သဘောတူစာချုပ် (တတိယမူကြမ်း) အတွက် မြန်မာငြိမ်းချမ်းရေးစင်တာမှာ သြဂုတ် ၁၅ ရက်ကနေ ၁၆ ရက်ထိ ဆွေးနွေးကြမှာပါ။ ပြီးခဲ့တဲ့မေလမှာ ဒုတိယမူကြမ်းကို ရရှိခဲ့ကြပြီး ၃၁ ချက် ဆွေးနွေးကြရဦးမှာပါ။ အပစ်ရပ်ပြီး နိုင်ငံရေး မူဘောင်ဆွေးနွေးပွဲအတွက် တိုင်းရင်းသားတွေဘက်က သုံးပွင့်ဆိုင် တွေ့ဆုံဆွေးနွေးပွဲ ဖို့ လိုလားပြီး အစိုးရဘက်က ရှစ်ပွင့်ဆိုင် ဆွေးနွေးပွဲကြဖို့ ကမ်းလှမ်းထားတာပါ။ ဒီဆွေးနွေးပွဲ မတိုင်ခင် ထိုင်းနိုင်ငံ ချင်းမိုင်ကို မြန်မာငြိမ်းချမ်းရေးစင်တာက တာဝန်ရှိသူတွေဟာ တိုင်းရင်းသား ကိုယ်စားလှယ်တွေ လာရောက်ပြီး အကြို တွေ့ဆုံညှိနှိုင်းခဲ့ပါတယ်။ ဒါနဲ့ပတ်သက်လို့ တိုင်းရင်းသားတွေဘက်က ကိုယ်စားလှယ်အဖွဲ့ခေါင်းဆောင် နိုင်ဟံသာကို မေးမြန်းထားပါတယ်။