A d v e r t i s e m e n t With Us

မြန်မာနိုင်ငံတွင် ဘာသာရေးလွတ်လပ်ခွင့် ဆက်လက် ချိုးဖောက်ခံနေရ

ဂျွန်ကယ်ရီ
မြန်မာနိုင်ငံမှာ ဘာသာရေးအရ ဖိနှိပ်အကြမ်းဖက်မှုတွေ၊ ခရစ်ယာန်နဲ့ အစ္စလာမ် ဘာသာဝင်တွေ အပေါ် ခွဲခြားနှိမ်ချဆက်ဆံမှုတွေ ရှိနေပြီး ဘာသာရေးလွတ်လပ်ခွင့်  အထူးစိုးရိမ်စရာ အခြေအနေမှာ ဆက်ရှိနေတုန်းပဲလို့ အမေရိကန် နိုင်ငံခြားရေးဝန်ကြီးဌာနက  ဇူလိုင် ၂၈ ရက်က အစီရင်ခံစာ ထုတ်ပြန်လိုက်ပါတယ်။ [caption id="attachment_61252" align="alignright" width="300"]ဂျွန်ကယ်ရီ ဂျွန်ကယ်ရီ[/caption] ကမ္ဘာ့နိုင်ငံတွေရဲ့ ဘာသာရေးလွတ်လပ် ခွင့်အခြေအနေနဲ့ ပတ်သက်ပြီး နှစ်စဉ် ပုံမှန် ထုတ်ပြန်တဲ့  ၂၀၁၃ ခုနှစ် အတွက် နိုင်ငံတကာ ဘာသာရေးလွတ် လပ်ခွင့် အစီရင်ခံစာ မှာ မြန်မာနိုင်ငံရဲ့ ဘာသာရေး လွတ်လပ်ခွင့်အခြေအနေကိုလည်း ထည့်သွင်း ဖော်ပြထားတာပါ။ မြန်မာအစိုးရရဲ့ လူ့အခွင့်အရေးမှတ်တမ်းတစုံလုံးအခြေအနေမှာ ဆက်လက်တိုး တက်မှု ရှိနေပေမယ့် အစီစဉ်တ ကျလုပ်ဆောင်နေတဲ့ မွတ်စလင်ဆန့်ကျင်ရေး အမုန်းတရားပြောဆိုမှုတွေ၊ နှောင့်ယှက်တိုက်ခိုက်မှုတွေနဲ့ ခွဲခြားနှိမ်ချဆက်ဆံမှုတွေ ဆက်ရှိနေတုန်းပဲလို့ ဆိုပါတယ်။ တချို့နေရာတွေမှာ မွတ်စလင်တွေကို  မြေပိုင်ခွင့် တားမြစ်ပိတ်ပင်ထားတဲ့ မူဝါဒတွေ ရှိနေတာ၊ ခရီးသွားလာခွင့် တားမြစ်ပိတ်ပင်ထားတာတွေ ရှိနေဆဲ ဖြစ်ပြီး  မိတ္ထီလာမှာ ဖြစ်ခဲ့တဲ့  မွတ်စလင်ဆန့်ကျင်ရေး အကြမ်းဖက်မှုတွေကြောင့်  ၂၀၁၃ ခုနှစ်ဆန်းပိုင်းမှာ လူ ၁၀၀ ကျော် သေဆုံးကာ  လူ ၁ သောင်း ၂ ထောင်လောက် နေစရာမဲ့ ဖြစ်ခဲ့ရတာကို ကြည့်ရင် မွတ်စလင်ဆန့်ကျင်ရေးလှုပ်ရှားမှုတွေဟာ မြန်မာပြည်အနောက်ပိုင်း ရခိုင်ပြည်နယ်မှာတင် ဖြစ်ပွားနေတာ မဟုတ်တော့ဘူးဆိုတာကို ပြသနေတယ်လို့ အစီရင်ခံစာမှာ ရေးပါတယ်။ ဒါ့ပြင် မြန်မာနိုင်ငံမှာ ဖွဲ့စည်းပုံအခြေခံဥပဒေအရ ဘာသာရေးလွတ်လပ်ခွင့်ကို  အာမခံ ပေးထားပေမယ့် တချို့ ပုဒ်မတွေနဲ့ တခြားဥပဒေတွေ မူဝါတွေက ဒီလွတ်လပ်ခွင့်ကို  ပြန်ပြီး ကန့်သတ်ထားတယ်လို့ ဆိုပါတယ်။ ဥပဒေရေးရာ ကျွမ်းကျင်သူ  ရှေ့နေကြီး ဦးကိုနီကတော့ မြန်မာပြည်မှာ ဘာသာ မတူသူတွေကို  ခွဲခြားဆက်ဆံတဲ့ ဥပဒေတွေ တရားဝင်ထုတ်ထားတာ မရှိပေမယ့်  ခွဲခြားတဲ့ မူဝါတွေကတော့ ရှိနေဆဲ ဖြစ်တယ်လို့ ပြောပါတယ်။ “ဘာသာရေး လွတ်လပ်ခွင့် ရှိတယ်လို့ မူဝါဒ ရှိသလို၊ တခြားတဖက်မှာ ခွဲခြားတဲ့အချက်တွေ ရှိတယ်။ အဲဒါကို ပြောင်ပြောင်တင်းတင်း တရားဥပဒေတွေအနေနဲ့ ပြဋ္ဌာန်းထားတာ သိပ်မရှိဘူး။ ဘယ်မှာ ရှိတုန်းဆိုတော့ ဥပမာ တပ်ထဲကို ကျနော်တို့ ၀င်မယ်ဆိုရင် ဗိုလ်လောင်းသင်တန်း မွတ်စလင် လက်မခံဘူး။ နောက် ဌာနဆိုင်ရာ အရာရှိကြီးကြီးနေရာတွေ မွတ်စလင်တွေကို မပေးဘူး။ ဟိုအရင် ပါလီမန်ဒီမိုကရေစီခေတ်ကတော့ ရှိခဲ့တယ်။ မွတ်စလင်ရော ခရစ်ယာန်ရော၊ ဟိန္ဒူရော တော်ရင်တော်သလို အရာရှိအရာခံတွေ ရှိခဲ့တယ်။ သို့သော် ဒါတွေ တဖြည်းဖြည်း ပင်စင်ယူပြီး ပြုတ်သွားတဲ့အခါ တဖြည်းဖြည်း ဘာသာရေးကို အစိုးရရဲ့ ပေါ်လစီတရပ်အနေနဲ့ အတွင်းမှာ ကြိတ်ချထားပြီး အစ္စလာမ်ဘာသာဝင်တွေဆို နေရာမပေးတော့ဘူး။ စာရေးစာချီ အဆင့်လောက်ပဲ ထားတယ်။ တခုရှိတာက ပညာရှင်ပိုင်း ဆရာဝန်တို့ ဘာတို့ ရှိတယ်။ အုပ်ချုပ်ရေးနဲ့ တခြား စီမံခန့်ခွဲရေးအပိုင်းမှာ အစ္စလာမ်ဘာသာဝင်တွေကို သိသိသာသာ ဘေးဖယ်တာ တွေ့ရတယ်။ အဲဒါကတော့ ဖွဲ့စည်းပုံအခြေခံဥပဒေမှာ ချမှတ်ထားတဲ့ မူဝါဒနဲ့ ဆန့်ကျင်ဘက်မူဝါဒချပြီး အလုပ်လုပ်နေတယ်ဆိုတာ ဒီအချက်က သက်သေခံပါတယ်။” အမေရိကန်ရဲ့ အစီရင်ခံစာမှာတော့  မြန်မာနိုင်ငံမှာ ခရစ်ယာန်ဘာသာဝင်တွေအပေါ် မှာလည်း အကြမ်းဖက်မှု ရှိနေပြီး ပဋိပက္ခ ဖြစ်ပွားနေတဲ့ ကချင်ပြည်နယ်မှာ ဘာသာရေးဆိုင်ရာ အဆောက်အဦတွေ ဖျက်ဆီးခံရမှုတွေနဲ့ ချင်းပြည်နယ်မှာလည်း ဘာသာရေး ဖိနှိပ်မှုတွေ ရှိနေတယ်လို့ ရေးသားထားပါတယ်။ မြစ်ကြီးနားမြို့က မြို့မိမြို့ဖတဦးဖြစ်သူ ကချင်မနောပွဲကော်မတီဥက္ကဋ္ဌ ဦးလရှီလာအောင်ကတော့  ကချင်ပြည်နယ် စစ်မက်ဖြစ်ပွားရာနယ်မြေတွေမှာ  ဘုရားကျောင်း တွေကို စစ်တပ်က မီးရှို့ဖျက်ဆီးမှုတွေ ရှိခဲ့တယ်လို့ ခုလိုပြောပါတယ်။ “ကျနော်တို့ စစ်မက်တွေဖြစ်ပွားတဲ့ ဧရိယာဘက်မှာ ရှိသမျှဘုရားကျောင်းတွေ အကုန်လုံးကို မီးရှို့ပစ်လိုက်တာပေါ့။ တချို့က ဖျက်ဆီးပစ်လိုက်တယ်။ ဘုရားကျောင်းမှန်းသိလျက်နဲ့ တပ်တွေ လာထိုင်တယ်။ တရွာလုံးဖျက်ဆီးလိုက်ရင်လည်း တမျိုးပေါ့။ ဒါပေမယ့် ဘုန်းကြီးကျောင်းကို ချန်ထားပြီး ခရစ်ယာန်ဘုရားကျောင်းတွေ အကုန်ဖျက်ဆီးပစ်တာ။ မြို့ထဲမှာ မဖြစ်ပေမယ့် နယ်ဘက် စစ်ကြောင်းတွေ သွားတဲ့အခါ ရှိသမျှဘုရားကျောင်းတွေ အကုန်ဖျက်ဆီးပစ်တာ။” အမေရိကန်ရဲ့ အစီရင်ခံစာနဲ့ ပတ်သက်ပြီး မြန်မာအစိုးရအနေနဲ့ တရားဝင်တုံ့ပြန်သွားဖို့ မရှိဘူးလို့ သမ္မတရုံး အကြီးတန်းအရာရှိတဦးက ပြောပါတယ်။ “အစီရင်ခံစာနဲ့ပတ်သက်ပြီး ကျနော်တို့က အထူးတလည် ကြီးကြီးမားမား တုံ့ပြန်စရာတော့ မရှိဘူး။ ဘာလို့လဲဆိုတော့ ဒီအစီရင်ခံစာက အမေရိကန်နိုင်ငံက သူ့သဘောနဲ့သူ ထုတ်ပြန်တာ။ သူ့ရဲ့ တနိုင်ငံချင်းလုပ်ဆောင်ချက်။ ဆိုလိုတာက ကျနော်တို့ကိုယ်တိုင် ပါဝင်လက်မှတ်ထိုးထားတဲ့ ကုလသမဂ္ဂလို၊ အာဆီယံလိုဟာမျိုး မဟုတ်ဘူး။ အမေရိကန်အနေနဲ့ ကမ္ဘာ့နိုင်ငံတွေကို ဒီလိုမျိုး အကဲဖြတ်ပြီး အစီရင်ခံစာထုတ် ဖိအားပေးတယ်ဆိုတာ သူ့ရဲ့ နိုင်ငံခြားရေးမူဝါဒအရ လုပ်တာပါ။” အမေရိကန် နိုင်ငံခြားရေးဝန်ကြီး ဂျွန်ကယ်ရီကတော့ “ဒီနှစ် အစီရင်ခံစာဟာ နှိပ်စက်ညှဉ်းပန်းမှုတွေ၊ ပြဿ  နာတွေ၊ ချိုးဖောက်မှုတွေကိုချည်း ဖော်ထုတ်ရေးသားထားတာ မဟုတ်ဘဲ အပြောင်းအလဲတွေအတွက် အရေးယူဆောင်ရွက်မှုတွေမှာ တာဝန်ခံမှုတွေ ရှိဖို့ အစပျိုးဆောင်ရွက်တာ” လို့ ပြောပါတယ်။ အစိုးရတွေ၊ အဖွဲ့အစည်းတွေ၊  ကျောင်းသားတွေ၊ တက်ကြွလှုပ်ရှားသူတွေ၊ လူ့အခွင့်အရေး ကာကွယ်သူတွေနဲ့ နိုင်ငံသားတွေအားလုံးက  ဒီအစီရင်ခံစာကို သုံးပြီး  အားလုံးရဲ့ ရပိုင်ခွင့် ဖြစ်တဲ့ နိုင်ငံတကာ ဘာသာရေးလွတ်လပ်ခွင့်ကို  ကာကွယ်နိုင်ဖို့ အခွင့်အရေး တိုးတက်ရရှိနိုင်အောင် ဆောင်ရွက်ဖို့လည်း ဖိတ်ခေါ်လိုက်ပါတယ်။

A d v e r t i s e m e n t With Us

More News
Up