A d v e r t i s e m e n t With Us

တရုတ်နိုင်ငံတွင် မူကြိုကား ရေကာတာထဲကျ၊ ၁၁ ဦး သေဆုံး

တရုတ်နိုင်ငံ တောင်ပိုင်း ဟူနန်ပြည်နယ်မှာ မူကြိုကလေးငယ်တွေကို တင်ဆောင်လာတဲ့ မီနီဘတ်စ်တစီး ဇူလိုင် ၁၀ ရက်နေ့ မွန်းလွဲပိုင်းက ရေကာတာထဲ ကျော်ကျလို့ ကားပေါ်ပါတဲ့ ၁၁ ဦးလုံး သေဆုံးခဲ့ပါတယ်။ China School Busသေဆုံးသွားသူတွေကတော့ ကလေးငယ် ၈ ဦး၊ ဆရာ ၂ ဦး နဲ့ ကားမောင်းသမား ၁ ဦး စုစုပေါင်း ၁၁ ဦးဖြစ်ပါတယ်။ တရုတ်ပြည်သူတွေ ပြစ်တင်ဝေဖန်နေကြတဲ့ တရုတ်ကားလမ်းတွေနဲ့ ယာဉ်မတော်တဆမှုတွေထဲက နောက်ဆုံး မတော်တဆဖြစ်ရပ်လည်းဖြစ်ပါတယ်။ ရေကာတာထဲ မီနီဘတ်ကျသွားတဲ့နေရာဟာ လူသူဝေးကွာပြီး ကားတစီးလုံးလည်း ရေထဲနစ်မြှုပ်သွားတာကြောင့် ကယ်ဆယ်ရေးလုပ်ငန်းတွေ နှောင့်နှေးခဲ့ရတယ်လို့ ဆိုပါတယ်။ စီးနင်းသူ ၇ ဦးပဲ လိုက်ပါနိုင်တဲ့ မီနီဘတ်စ်ကားထဲမှာ စီးနင်းသူ ၁၁ ဦး ရှိခဲ့တယ်လို့ သေဆုံးသွားတဲ့ ကလေးတဦးရဲ့ ဖခင်က ပြောပါတယ်။ ရေကာတာထဲ ကားကျသွားတဲ့နေရာမှာ လမ်းဘေး အရန်အတား မရှိဘူးလို့လည်း တရုတ်သတင်းဌာနက ဆိုပါတယ်။ တရုတ်နိုင်ငံမှာ အခုလို လမ်းမတော်တဆမှုတွေမှာ ကျောင်းသူကျောင်းသားတွေ မကြာခဏသေဆုံးနေကြလို့ ကျောင်းသားပို့ဆောင်ရေး ၀န်ဆောင်မှုလုပ်ငန်းတွေ အဆင့်မြှင့်ဖို့၊ ငွေကြေးပိုမိုထောက်ပံ့ဖို့ တရုတ်အစိုးရက ကတိပေးထားပါတယ်။

A d v e r t i s e m e n t With Us

More News
Up