ရှမ်းပြည်နယ်မြောက်ပိုင်း လားရှိုး-နမ္မတူ လမ်းမကြီး၊ လားရှိုးဂေါက်ကလပ်နားမှာ ဧပြီ ၁ ရက် မနက် ၉ နာရီလောက်က ယာဉ်တိုက်မှုတခု ဖြစ်ပွားခဲ့ပြီး အမျိုးသား ၂ ယောက် သေဆုံးကာ ၁ ယောက် ဒဏ်ရာရခဲ့တယ်လို့ လားရှိုး ပြည်သူဆေးရုံကြီးက သိရပါတယ်။
လားရှိုးလူငယ်များ လူမှုကူညီရေးအဖွဲ့ဝင်တဦးက “ဖောကားနဲ့ ဆိုင်ကယ် နှစ်စီး တိုက်မိတာ။ နှစ်ယောက်က သေတယ်။ တယောက်က လားရှိုးပြည်သူ့ဆေးရုံကြီးမှာ စိုးရိမ်လူနာအဖြစ် ပို့ထားတယ်” လို့ ပြောပါတယ်။
ဖြစ်စဉ်နဲ့ပတ်သက်လို့ ထိခိုက်ဒဏ်ရာရသူနဲ့ သေဆုံးသူတို့ရဲ့ အမည်၊နေရပ်ကို မသိရှိရသေးဘဲ သိရှိပါက မိသားစုဝင်တွေဆီ အမြန်ဆုံးဆက်သွယ် အကြောင်းကြားပေးဖို့ လားရှိုး လူငယ်များလူမှုကူညီရေးအဖွဲ့က မေတ္တာရပ်ခံထားပါတယ်။
