Live
Home
မြန်မာသတင်း
စစ်တွေတက္ကသိုလ်၌ ရေသဘင်ပွဲ ကျင်းပ၊ ကျောင်းသားထောင်ချီ ပါဝင်ဆင်နွှဲ
DVB
·
February 27, 2023

ရခိုင်ပြည်နယ်၊ စစ်တွေမြို့တက္ကသိုလ်မှာ ရေသဘင်ပွဲ (Water Party) ကို ဒီနေ့ ဖေဖော်ဝါရီ ၂၇ ရက် နေ့လယ်ပိုင်းက ကျင်းပခဲ့ရာ မေဂျာပေါင်းစုံမှ ကျောင်းသား၊ ကျောင်းသူ ထောင်ချီ ပါဝင်ဆင်နွှဲခဲ့ကြတယ်လို့ တက္ကသိုလ်ကျောင်းသား ကျောင်းသူတွေဆီကနေ သိရပါတယ်။

“စာမေးပွဲက မတ်လ ၉ ရက်နေ့မှာ ကျင်းပမှာပါ။ စာမေးပွဲမဖြေဆိုမီ စိတ်လက်အပန်းပြေစေရန်အတွက် အခု Water Party ရေသဘင်ပွဲကို ကျင်းပတယ်လို့ သိရတယ်ဗျ။”

စစ်တွေတက္ကသိုလ် ရေသဘင် (Water Party) ပွဲမှာ ရခိုင်အဆိုတော်တွေဖြစ်ကြတဲ့ ခိုင်မင်းဟိန်း၊ မင်းမင်းချေ၊ ရဲမြတ်ကျော်၊ ကိုသား၊ အောင်ချေ၊ L ကိုလင်း၊ ရီလှိုင်းပြာ၊ ဒိုးကလေးနဲ့ ဇင်မာထွန်း စတဲ့ အဆိုတော်တွေကလည်း တေးသီချင်းတွေနဲ့ ဖျော်ဖြေတာ၊ စစ်တွေတက္ကသိုလ်ရှိ မေဂျာပေါင်းစုံမှ ကျောင်းသား၊ ကျောင်းသူတွေက ကပြဖျော်ဖြေတာတွေနဲ့ စည်ကားသိုက်မြိုက်စွာ ကျင်းပခဲ့တယ်လို့ သိရပါတယ်။

စစ်တွေတက္ကသိုလ် ရေသဘင်ပွဲ (Water Party) ကို ပြီးခဲ့တဲ့ ၂ဝ၁၉ ခုနှစ်ကစပြီး စည်ကားသိုက်မြိုက်စွာ ကျင်းပခဲ့ကြတယ်လို့ တက္ကသိုလ်အသိုင်းအဝန်းကနေ သိရပါတယ်။

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024