မန္တလေးတိုင်း၊ စဥ့်ကိုင်မြို့နယ် ဘယ်လင်းကျေးရွာမှာ တည်ရှိတဲ့ ကံကောင်းခြင်း ရတနာ သစ်အချောထည်စက်ရုံက ရာနဲ့ချီတဲ့ အလုပ်သမားတွေဟာ မန္တလေးမြို့ကို လမ်းလျှောက်ချီ တက်လာနေတုန်း စဥ့်ကိုင်နဲ့ ပလိပ်မြို့အကြားက တိုးဂိတ်တခုမှာ ရဲတပ်ဖွဲ့ဝင်အင်အား ၅၀၀ လောက်က ပိတ်ဆို့ဟန့်တားထားတာ ခံနေရပြီး အလုပ်သမားခေါင်းဆောင်တွေလည်း အဖမ်းခံလိုက်ရပါတယ်။ [caption id="attachment_58097" align="alignright" width="300"] ဓာတ်ပုံ - မီးစက်ကြီး[/caption]ဒါ့အပြင် အာဏာပိုင်တွေနဲ့ အလုပ်သမားတွေအကြား စေ့စပ်ညှိနှိုင်းပေးသူ ၂ဦးကိုလဲ တပါထဲ ဖမ်းဆီး ခေါ်ဆောင်သွားတယ်လို့ အလုပ်သမားသမဂ္ဂ အဖွဲ့ချုပ် ဥက္ကဋ္ဌ ဦးအောင်လင်းက ပြောပါတယ်။ ရာနဲ့ချီတဲ့ ကံကောင်းခြင်းရတနာ သစ်အချောထည်စက်ရုံ အလုပ်သမားတွေ အခုလို လမ်းပေါ် ဘာကြောင့် ရောက်လာတာပါလဲ။ ဦးအောင်လင်းက အခုလို ပြောပြပါတယ်။ “အလုပ်သမားသပိတ်က ၄ ကြိမ်လောက်ဖြစ်ခဲ့တယ်။ ပထမ သပိတ်က တနင်္ဂနွေပိတ်ရက် မသတ်မှတ်ပေးလို့ ၁၇ ရက် ၆ လ ၂၀၁၂ မှာ နေ့ဝက်သပိတ် ဖြစ်ခဲ့တယ်။ ဒုတိယ သပိတ်က အလုပ်သမားသမဂ္ဂဖွဲ့ပြီးတဲ့အခါမှာ အလုပ်သမားသမဂ္ဂအဖွဲ့အစည်းကို ဖြိုခွဲဖို့ ကြိုးစားလာတဲ့လုပ်ရပ်တွေကြောင့်မို့လို့ အလုပ်သမား သမဂ္ဂ ဥက္ကဋ္ဌ ကိုခိုင်မင်း ၁၄ ရက် အချုပ်ချတယ်။ အလုပ်သမား သမဂ္ဂ ဥက္ကဋ္ဌ ကိုခိုင်မင်း ကို မတရားအမှုဆင် ဖမ်းဆီးမှုကြောင့် အလုပ်သမားတွေ သပိတ်မှောက်တာ ၂ ရက်နဲ့ ၂ ည ကြာပါတယ်။ အဲဒီမှာ ကိုခိုင်မင်းကို အာမခံနဲ့ ပြန်ထုတ်ပေးပြီး အလုပ်ပြန်ခန့်ပါတယ်။ တတိယ သပိတ်ကတော့ မြို့နယ်ဖြန်ဖြေရေးမှာ အလုပ်ရှင် အလုပ်သမား စာချုပ်မှာ အလုပ်ရှင်ဘက်က ဖောက်ဖျက်တဲ့အတွက် ဖြစ်လာတဲ့ သပိတ်ပါ။ ၁၁ရက် သပိတ်မှောက်ပါတယ်။ ၁၀ ရက် ၃ လ ၂၀၁၄ မှာ ဖြစ်တာပါ။ အခုနောက်ဆုံး စတုတ္ထသပိတ်ကတော့ စာချုပ် အသစ်ချုပ်ရာကနေ အဆင်မပြေဖြစ်ပြီး သပိတ်မှောက်တာပါ။” နောက်ဆုံးရရှိတဲ့ သတင်းတွေအရ စေ့စပ်ညှိနှိုင်းပေးသူ ၂ ဦး အပါအ၀င် အလုပ်သမားခေါင်းဆောင် ၁၀ ဦး စုစုပေါင်း ၁၂ ဦးကို မန္တလေးတိုင်းဒေသကြီး ကာလုံက နိုင်ငံတော် အကြည်ညိုပျက်စေမှု ပုဒ်မ ၅၀၅ (ခ) အပါအ၀င် ပုဒ်မ ၃ ခုနဲ့ တရားစွဲဆိုဖို့ လုပ်ဆောင်နေပါတယ်။