A d v e r t i s e m e n t With Us

ဘရာဇီးက ပနားမားကို ၄-၀ ဂိုးဖြင့်အနိုင်ရ၊ လူ ၂၀၀ ခန့် ကမ္ဘာ့ဖလားပြိုင်ပွဲကို ဆန္ဒပြ

ကမ္ဘာ့ဖလားပြိုင်ပွဲကုို လက်ခံ ကျင်းပမယ့် (ဂျီရာနီရာ) မှာပြုလုပ်တဲ့ ခြေစမ်းပွဲမှာ ဘရာဇီးအသင်းက ပနားမားအသင်းကို ၄-၀ ဂိုးမရှိနဲ့အနိုင်ရရှိသွားပါတယ်။ ဒီပွဲဟာ ဘရာဇီးအတွက် ကမ္ဘာ့ဖလားမတုိုင်ခင် ပြုလုပ်တဲ့ ခြေစမ်းပွဲ ဖြစ်ပြီး အဓိက ကစားသမားတွေနဲ့ လူစုံထုတ် ကစားသွားပြီး ဦးဆောင်ဂိုးကုို နေမာက သွင်းယူပါတယ်။ Neymar Brazilဒုတိယဂိုးကုို နောက်တန်းလူ အဲဗက်စ်က အဝေးကစ်ကနေ သွင်းယူပါတယ်။ အိမ်ကွင်း ပရိသတ်တွေရှေ့မှာ ဘရာဇီးက ဘောလုံးပုိုင်ဆုိုင်မှုအသာနဲ့ ဖိအာပေး ကစားသွားပြီး တတိယဂိုးကုို နေမာ ဆင်ပေးတဲ့အလုံးကနေ ဟော့ခ်က သွင်းယူပါတယ်။ ဇီနစ် စိန့်ပီတာစ်ဘတ်စ် တုိုက်စစ်မှူး ဟော့ခ် ဖြစ်ပါတယ်။ ထုိုးဖောက်ဂုိုးသွင်းခွင့်တွေ ပုိုရတဲ့ ဘရာဇီးအတွက် အပိတ်ဂိုးကုို နေမာရဲ့ ဖန်တီးမှုကနေ ချဲလ်ဆီးကွင်းလယ်သမား ၀ီလျံစ်က သွင်းယူပါတယ်။ ဘရာဇီးဟာ ဒုတိယခြေစမ်ပွဲစဉ်အဖြစ် ဇွန် ၆ ရက်နေ့မှ ဥရောပက ဆားဘီးယားအသင်းနဲ့ ယှဉ်ပြိုင်မှာပါ။ ဇွန် ၁၂ ရက်နေ့ အုပ်စုဖွင့်ပွဲမှာတော့ ဘရာဇီးက ခရုိုအေးရှားနဲ့ ဆုံရမှာ ဖြစ်ပါတယ်။ ဘရာဇီးနဲ့ ပနားမားတုို့ ခြေစစ်ပွဲ ယှဉ်ပြိုင်နေစဉ်မှာပဲ ကွင်းအပြင်ဘက်မှာ ကမ္ဘာ့ဖလား ပြိုင်ပွဲကို ဆန့်ကျင်တဲ့ ဘရာဇီး ပြည်သူ အယောက် ၂၀၀ လောက် ဆန္ဒပြခဲ့ကြပါတယ်။ အစုိုးရက ကမ္ဘာ့ဖလားပြိုင်ပွဲကုို လက်ခံကျင်းပဖုို့ ပြည်သူ့ ဘဏ္ဍာငွေတွေကို အလွန်အကျွံ သုံးစွဲခဲ့တာကုို မကျေနပ်လုို့ ဘရာဇီး ပြည်သူတွေက ကန့်ကွက် ဆန္ဒပြခဲ့တာကြတာ ဖြစ်ပါတယ်။ ဘရာဇီး ပြည်သူတွေက ကျန်းမာရေးနဲ့ ပညာရေးကဏ္ဍတွေအတွက် ငွေကြေး သုံးစွဲဖုို့ တောင်းဆိုနေကြတာပါ။ အစုိုးရက ပြိုင်ပွဲကျင်းပဖုို့ ဘောလုံးကွင်းတွေ တည်ဆောက်တာ အပါအ၀င် အမေရိကန်ဒေါ်လာ ၁၁ ဘီလီယံအထိ သုံးစွဲထားပါတယ်။ ကမ္ဘာ့ဖလားကုို ဆန့်ကျင်တဲ့ ဆန္ဒပြပွဲတွေ ပြုလုပ်လာတာ ၁ နှစ်နီးပါး ရှိလာနေပြီး ပြိုင်ပွဲ နီးကပ်လာချိန်အထိ ဆန္ဒပြတွေ အရှိန်မြင့်လာတဲ့အတွက် ပြိုင်ပွဲကျင်းပဖုို့အတွက် စုိုးရိမ်စရာ အနေအထားကုို ရောက်ရှိလာနေပါတယ်။ ဆန္ဒပြပွဲတွေကုို ငြိမ်းငြိမ်းချမ်းချမ်းနဲ့ ပြုလုပ်တာတွေ ရှိသလုို ဘောလုံးပြိုင်ပွဲကုို လက်ခံ ကျင်းပမယ့် ရီယုိုဒီဂျနေရုိုး၊ ဆာပေါ်လုိုနဲ့ ဘရာဇီးလီယာလုို မြို့ကြီးတွေမှာတော့ ဆန္ဒပြပွဲ တွေဟာ အကြမ်းဖက်မှုအသွင်ကုို ပြောင်းခဲ့ပြီး ရဲတွေနဲ့ ထိပ်တုိုက် ရင်ဆုိုင်တာတွေ ပြုလုပ်ခဲ့ပါတယ်။ ဘရာဇီးသမ္မတ ဒယ်မာ ရူးဆက်ကတော့ ကမ္ဘာ့ဖလားပြိုင်ပွဲ ကျင်းပနေစဉ် အတွင်း ပျက်စီးအောင် နှောင့်ယှက်တဲ့ ဘယ်သူကုိုမဆုို သည်းခံမှာ မဟုတ်ဘူးလုို့ သတိပေးထားပါတယ်။ “ကမ္ဘာ့ဖလားပြိုင်ပွဲကုို သွားရောက် ကြည့်ရှုတဲ့ ပရိသတ်တွေကုို ပိတ်ဆုို့ ဟန့်တားတာမျိုးကုို လက်ခံမှာ မဟုတ်ဘူး။ ဆန္ဒပြပွဲတွေဟာ ဥပဒေနဲ့ အညီ ပြုလုပ်ရမယ်။ ဒီလုို မဟုတ်ဘဲ နှောင့်ယှက်တာ၊ ဖျက်ဆီးတာတွေ လုပ်ရင် ခွင့်ပြုမှာမဟုတ်ဘူး။” ဘရာဇီးသမ္မတဒယ်မာ ရူးဆက်ဖ်နဲ့ တာဝန်ရှိသူတွေကတော့ ဒီပြိုင်ပွဲကို အခမ်းနားဆုံးနဲ့ အကြီးကျယ်ဆုံး ပြိုင်ပွဲတခု ဖြစ်လာဖုို့ အာမခံထားပေမယ့် တကယ်တမ်းမှာတော့ စိန်ခေါ်မှုတွေနဲ့ ရင်ဆုိုင်နေရပါတယ်။ လောလာဆယ်မှာ ဘရာဇီးအစုိုးရက ကမ္ဘာဖလားပြိုင်ပွဲ လုံခြုံရေးအတွက် အမေရိကန် ဒေါ်လာ သန်း ၈၀၀ ကျော် သုံးစွဲထားပြီး လုံခြုံရေးတပ်ဖွဲ စုစုပေါင်း ၁ သိန်း ၅ သောင်းကျော် အသုံးပြုဖုို့ စီစဉ်ထားပါတယ်။

A d v e r t i s e m e n t With Us

More News
Up