စစ်ကိုင်းတိုင်း၊ ယင်းမာပင်မြို့နယ်မှာ၊ စစ်ကောင်စီတပ်တွေရဲ့ အကြမ်းဖက် မီးရှို့ဖျက်ဆီးခံရတဲ့ လူနေအိမ်ခြေ ၈၀ က မိသားစုတွေအတွက် ဆန်၊ဆီနဲ့ မီးဖိုချောင်သုံးပစ္စည်းတွေကို အညာပစ်တိုင်းထောင်လေးများအဖွဲ့က ပြီးခဲ့တဲ့ရက်ပိုင်းမှာ လှူဒါန်းခဲ့ပါတယ်။
ဒုက္ခရောက်နေတဲ့ မိသားစုတွေအတွက် တအိမ်ထောင်လျှင် ဆန် ၂ ပြည်၊ ဆီ ၅၀ သား၊ ဒန်အို ၁ လုံး၊ ဒယ်အိုး ၁ လုံး၊ ဇလုံ ၃ လုံး၊ ဇွန်း ၃ချောင်း၊ ကြွေအုပ် ၁ လုံး၊ ဖလား၁လုံးနဲ့ ရေခွက် ၁ လုံးနှုန်း လှူဒါန်းခဲ့တာလို့ဆိုပါတယ်။
အညာပစ်တိုင်းထောင်လေးများအဖွဲ့ ဦးဆောင်သူက “ကျနော်တို့အဖွဲ့အနေနဲ့ မီးရှိ့ခံလိုက်ရတဲ့ ပြည်သူတွေအတွက် ဆက်လက်ကြိုးစားနေပါတယ်။ တော်လှန်ရေးအင်အားစုတွေအနေနဲ့လည်း စည်းလုံးမှုရှိရှိနဲ့ ပြည်သူတွေကို ကူညီပေးစေလိုပါတယ်"လို့ ပြောပါတယ်။
အညာပစ်တိုင်းထောင်လေးများအဖွဲ့အနေနဲ့ ပြည်တွင်းနဲ့ ပြည်ပက အလှူရှင်တွေနဲ့ ချိတ်ဆက်ပြီး ပဉ္စမအကြိမ်အဖြစ် လှူဒါန်းတာလည်းဖြစ်ပါတယ်။
