စစ်ကောင်စီကျင်းပမယ့် ရွေးကောက်ပွဲကို ဆန့်ကျင်ကန့်ကွက် ဆန္ဒထုတ်ဖော်ပွဲနဲ့ တော်လှန်ရေး ရန်ပုံငွေဘောလုံးပွဲ၊ တေးဂီတဖျော်ဖြေပွဲကို မလေးရှားနိုင်ငံ၊ အီပို့မြို့မှာ ဇန်နဝါရီ ၂၂ ရက် က ကျင်းပပါတယ်။
အကြမ်းဖက်စစ်ကောင်စီကကျင်းပဖို့ စီစဉ်နေတဲ့ ၂၀၂၃ တရားမ၀င် အတုအယောင် ရွေးကောက်ပွဲအား အလိုမရှိကြောင်း ကြွေးကြော်သံတွေနဲ့ ဟစ်ကြွေး ဆန္ဒပြခဲ့ကြတာဖြစ်ပါတယ်။
မလေးရှားရောက် မြန်မာပြည်သားတွေဟာ တနင်္ဂနွေအလုပ်ပိတ်ရက် အပတ်စဉ်တိုင်း တော်လှန်ရေးရန်ပုံငွေပွဲတွေ ကျင်းပတာဖြစ်ပြီး ဒီနေ့ပွဲကိုတော့ အီပို့မြို့ခံ ဒီမိုကရေစီအရေး လှုပ်ရှားသူတွေနဲ့ အရှင်ထာ၀ရ ရွှေဝါရောင် ဖောင်ဒေးရှင်းတို့ ပူးပေါင်း ကျင်းပတာပါ။
ဘောလုံးပွဲမှာတော့ အသင်း ၁၂ သင်း ပါ၀င်ယှဉ်ပြိုင်နေကြတာဖြစ်ပြီး ဘောလုံးပြိုင်ပွဲ ကျင်းပနေချိန်မှာ CSP အမှန်တရားဘက်တော်သားများအဖွဲ့တီးဝိုင်းက တေးသီချင်းတွေနဲ့ တီးခတ်ဖျော်ဖြေ တင်ဆက်ပေးခဲ့ကြပါတယ်။
