A d v e r t i s e m e n t With Us

ထိုင်းစစ်တပ် အာဏာသိမ်း၊ ညမထွက်ရ အမိန့်ထုတ်

ထိုင်းစစ်တပ်အကြီးအကဲ ပရာယု ချန်အိုချား စစ်တပ်က နိုင်ငံတော်အာဏာကို သိမ်းလိုက်ပြီလို့ ဒီကနေ့ ညနေ ထိုင်းစံတော်ချိန်ငါးနာရီမှာ ရုပ်မြင်သံကြားကနေ ကြေညာလိုက်ပါတယ်။

Thai soldiers take their positions in the middle of a main intersection in Bangkok's shopping districtညဆယ်နာရီကနေ မနက် ငါးနာရီထိ ညမထွက်ရအမိန့်ကိုလည်း ထုတ်ပြန်လိုက်ပါတယ်။ ဒီအာဏာသိမ်းမှုဟာ ခြောက်လကြာ နိုင်ငံရေးမတည်မငြိမ်ဖြစ်မှုအပြီး တိုင်းပြည်ပြန်လည်တည်ငြိမ်ရေးအတွက် ဆောင်ရွက်တာဖြစ်တယ်လို့ ကြေညာပါတယ်။

သွေးထွက်သံယိုမှုတွေ ထပ်မံမဖြစ်ပွားစေဖို့အတွက် မနေ့က စစ်အုပ်ချုပ်ရေးကြေညာခဲ့တာဖြစ်ပြီး ဒီကနေ့ အုပ်ချုပ်ရေးပိုင်းကို ကိုင်တွယ်လိုက်တာဖြစ်တယ်လို့ ဆိုပါတယ်။

ဒီဆောင်ရွက်ချက်ဟာ ထိုင်းစစ်တပ်က စေ့စပ်ဆောင်ရွက်တဲ့ နှစ်ရက်ကြာ နိုင်ငံရေးခေါင်းဆောင်တွေရဲ့ အစည်းအဝေးမအောင်မမြင်ဖြစ်ခဲ့ရပြီးနောက် လုပ်ဆောင်ခဲ့တာဖြစ်ပါတယ်။

ဒီအစည်းအဝေးတွေကို ဘန်ကောက်မြို့က စစ်တပ်ရိပ်သာမှာ ကျင်းပခဲ့တာဖြစ်ပြီး အာဏာမသိမ်းခင်လေးမှာ စစ်ကားပေါ်က လက်နက်ကိုင်စစ်သားတွေက အဆောက်အဦကို ၀ိုင်းရံပြီး ထွက်ခွာမသွားနိုင်အောင်ပိတ်ဆို့ခဲ့တယ်လို့ အေဂျင်စီသတင်းတွေက ဖော်ပြပါတယ်။

ထိုင်းနိုင်ငံမှာ နိုင်ငံရေးမတည်မငြိမ်ဖြစ်မှုတွ ၇ နှစ်ကျော်ဖြစ်ပွားခဲ့ပြီး နောက်ဆုံးအဆင့်အနေနဲ့ ပြီးခဲ့တဲ့နိုဝင်ဘာမှာ စတင်တဲ့ဆန္ဒပြပွဲမှာ ၀န်ကြီးချုပ်ယင်းလပ်ရှင်နာဝါထရာကို ထွက်ဖို့ ဖိအားပေးတောင်းဆိုခဲပါတယ်။

ဆန္ဒပြသမားတွေက ယင်းလပ်ဟာ အစ်ကိုဖြစ်သူ ၀န်ကြီးချုပ်ဟောင်း သက်ဆင်ရှင်နာဝါထရာရဲ့ ကြိုးကိုင်ခံနေရတယ်လို့ စွပ်စွဲခဲ့ကြပါတယ်။  လွန်ခဲ့တဲ့ရက်ပိုင်းကတင် ထိုင်းဝန်ကြီးချုပ် ယင်းလပ်ကို ဖွဲ့စည်းပုံအခြေခံဥပဒေခုံရုံးက အပြစ်ရှိကြောင်းဆုံးဖြတ်ပြီး ၀န်ကြီးချုပ်ရာထူးကနေ ဖယ်ရှားလိုက်ပြီးတဲ့နောက် အရှိန်အမြင့်ဆုံးဖြစ်ခဲ့ပါတယ်။

အစိုးရထောက်ခံတဲ့ ရှပ်နီအဖွဲ့ခေါင်းဆောင်က စစ်တပ်က အာဏာသိမ်းထားပေမယ့် ဘန်ကောက်မြို့စွန်တွေမှာ လူစုလူဝေးနဲ့ ဆက်လက်စုဝေးသွားမယ်လို့ ဆိုပါတယ်။

ထိုင်းစစ်သားတွေဟာ  အစိုးရထောက်ခံတဲ့ ရှပ်နီအဖွဲ့ တက်ကြွသူတွေ ထောင်နဲ့ချီစုဝေးနေတဲ့ ဘန်ကောက် နောက်ဘက်ဒေသတခွင်မှာ သေနတ်တွေ မိုးပေါ်ထောင်ဖောက်ပြီး လူစုခွဲနေပါတယ်။

A d v e r t i s e m e n t With Us

More News
Up