တော်လှန်ရေးရဲဘော်တွေရဲ့အကြောင်းကို မှတ်တမ်းတင်ထားတဲ့ “ကျွန်တော် ကျွန်မတို့သည်” ဆိုတဲ့ စာအုပ်ကို စတင်ဖြန့်ချိလိုက်ပြီလို့ ရေးသားထုတ်ဝေသူဆီက သိရပါတယ်။
ဒေါနစစ်ကြောင်းအတွက် ဆေးတပ် တပ်ဖွဲ့ဝင်တယောက်လည်းဖြစ်တဲ့ စာရေးဆရာ မဟာချိုက မှတ်တမ်းတင်ရေးသားထုတ်ဝေတာဖြစ်ပြီး ဒါဟာ ဒုတိယအုပ်ဖြစ်ပါတယ်။
"စစ်အာဏာရှင်ရဲ့ဖိနှိပ်မှုကိုမခံနိုင်လို့ လက်နက်ကိုင်ခဲ့ကြတဲ့ ရဲဘော်လူငယ်လေးတွေ အကြောင်း မှတ်တမ်းတင်ထားတဲ့ စာအုပ်လေးပါ။ အပိုင်း ၁ ကနေ အပိုင်း ၂၈ အထိ စာမျက်နှာ ၁၆၀ ပါပါတယ်။ ရရှိလာတဲ့ အမြတ်ငွေ ၈၀ ရာခိုင်နှုန်းကို ဒေါနစစ်ကြောင်းနဲ့ အခက်အခဲဖြစ်နေတဲ့ နိုင်ငံရေး ခိုလှုံသူတွေဆီ ပေးအပ်လှူဒါန်းမှာ ဖြစ်ပါတယ်" လို့ စာရေးဆရာ မဟာချိုက ပြောပါတယ်။
စာအုပ်မှာ ကဗျာဆရာ စိုးမိုးသူ-ဒိုက်ဦး(ဆရာတော် အရှင်ဇဝန နိုင်/ကျဉ်းဟောင်း) နဲ့ ကဗျာဆရာ မိုးနေတို့က အမှာစာတွေ အသီးသီးချီးမြှင့်ထားကြပြီး ထိုင်း၊ မလေးရှား၊ စင်ကာပူ၊ ဂျပန်နိုင်ငံတို့မှာ ဖြန့်ချိမယ်လို့ ဆိုပါတယ်။
ဖြန့်ချိမယ့် လိပ်စာအသေးစိတ်ကိုတော့ မဟာချို စာပေရဲ့ ဖေ့စ်ဘွတ်ခ်ပေ့ဂျ်မှာ စုံစမ်းနိုင်တယ်လို့ ဆိုပါတယ်။
